1 Samuel 10:2 - Chahta Holisso Holitopa 1886

² Himak nitak a̱ a̱ filʋmmit ish iakmʋt, hatak tuklo kʋt Lechel im ahollopi bili̱ka Benchamin im ai ʋhli Selsah hinli na hʋsh ahayucha chi̱ hoke; mikma, Issuba haksobish falaia puta kash hoyot hʋsh ia tuk ʋto haiaka tuk oke: mikma yakeh! chi̱ki ʋt issuba haksobish falaia puta anukfilli tuk ʋt issa cha, ishit chi̱ nukha̱klot, Sʋso hano katiohmi la chi̱ cho? ahanchishke.

1 Samuel 10:2 Iomraidhean Croise

Genesis 35:16

Mihma Behlel a̱ a̱shʋt bina ha̱ kanʋllichi cha, ilhkoli tok: atuk o̱ Eflalh a̱ ona chi̱ ka̱ ik hopako tok; atuk o̱ Lechel ʋt ʋlla esha chi̱ hosh nukhʋmmi cha i̱ palʋmmi fehna tok.

Genesis 48:7

Ʋno ak okʋto Patan a̱ ʋttʋt minti li ma, hina takla Kenan yakni ya̱ Eflalh ona chi̱ ka̱ ik hopako moma ho̱, Lechel ʋt ʋm ai illi tok; mihma Eflalh hina takla ya̱ a hohpi li tok, yʋmmʋt Behlehem mak oke, im achi tok.

Choshua 18:28

Micha Selah, micha Elef, micha Chebusi, (yʋmmʋt Chelusalem) Kibealh, micha Kichalh; tʋmaha auah ushta, micha chuka alokoli puta ai it ieshi. Ilʋppak osh Benchamin im ʋlla ʋhleha itakʋshkoa ʋlhpisa hosh yakni ai isha he ʋlhpesa ha tok.

1 Samuel 10:16

Mihma Sal ʋt imoshi ya̱, Issuba haksobish falaia puta kash ot haiaka tuk a̱ atokolit pim anoli tuk oke, im achi tok. Yohmi kia ilap ʋt mi̱ko ʋlhtoka tuk Samuel ʋt isht anumpuli tuk ano ik im anolo ki tok.