1 Samuel 10:12 - Chahta Holisso Holitopa 1886

¹² Mihma ai achʋfa akinli hosh afalamichit, Amba i̱ki ak osh kʋta ho̱? achi tok. Yʋmohmi ho̱ Sal ak kia hopaii ʋhleha iba holhtina ho̱? achi anumpa hʋt ai imomʋt taha tok.

1 Samuel 10:12 Iomraidhean Croise

Chan 6:45

Mihmʋt momʋt Chihowa yak o̱ nan im ai ithʋna he, achi kʋt hopaii puta i̱ holisso ha̱ a holisso tok. Yohmi hatuk o̱ hatak ʋt A̱ki a̱ im a haponaklot, nana ka im ai ithʋna aiyuka hokʋto, ʋm ahanla hoke.

Chemis 1:17

Na hʋlbina achukma, micha na hʋlbina ai a̱hli puta hokʋto ʋba ak o̱ a minti; yohmi kʋt yʋmmak okʋt inlʋt takohli, micha ilaiyuka kia ik im iksho, nan tohwikeli puta I̱ki ak o̱ a minti hosh aka ʋla hoke.

Chan 7:16

Chisʋs ʋt afalaminchi mʋt, Nan isht ai ithʋnanchi li kʋt ʋno ʋmmi ho̱ keyu, amba auet sa kanchi tok ak o̱ immi hoke.

1 Samuel 10:13

Atuk o̱ Shilombish anukfoyukʋt anumpulit im ʋlhtaha mʋt, achahaka ya̱ ona tok.

1 Samuel 19:23

Mihma Lamah yakni Naiolh ak o̱ ona tok: mihma Chitokaka imi Shilombish ʋt onʋtola akinli tok, micha Shilombish anukfoyukʋt anumpulit ma̱ha̱yʋt Lamah yakni Naiolh a̱ ona tok.

1 Samuel 19:24

Micha im anchi yak kia shoelit tahli cha, Samuel itikba ya̱ Shilombish anukfoyukʋt anumpuli ak inli tok; micha nipi bieka chiyuhmi hosh itoyula na nitak yʋmmʋt shoyuhbi cha, ninak yʋmmʋt ont hlopulli tok. Yʋmohmi ho̱ achi kʋt, Sal ak kia hopaii ʋlhleha ha̱ ibafoyuka cho? okla achi tok.