1 Samuel 10:11 - Chahta Holisso Holitopa 1886

¹¹ Atuk o̱ yakohmi tok, nitak tikba ithana tok moma kʋt, yakeh! hopaii ʋhleha ta̱klʋt Shilombish anukfoyukʋt anumpuli na pisa mʋt, ilap bi̱ka it im achit, Ilʋppak osh nanta hosh Kish ushi yash im ʋla cho? Sal ak kia hopaii iba holhtina cho? achi tok.

1 Samuel 10:11 Iomraidhean Croise

Chan 7:15

Mihma Chu okla hʋt nukhlakancha cha, Hatak ilʋppʋt katiohmi kak osh ithʋna tok keyu kʋto, holisso ha̱ imponna hoh chishba? achi tok.

Apostel isht Anumpa 3:10

Mihmʋt yʋmmak osh na habena chi̱ hosh tempel okhissa aiukli a̱ a̱sha beka tuk a̱, okla ithana tok: nana kʋt ai i̱ yakohmi tuk a̱, okla okokko! ahnit anukhlakanchʋt kʋnia tok.

Apostel isht Anumpa 4:13

Yohmi ma Pita, micha Chan ita tuklo kʋt nukwa̱ya iksho ho̱ okla pihi̱sa, micha yʋmmʋt hatak holisso imponna keyu, micha nan ik ithano aiena yatuk a̱, akostininchi mʋt, okokko! okla aiahni tok; micha yʋmmʋt Chisʋs a̱ apehʋt a̱ya tuk a̱, okla im akostininchi tok.

Apostel isht Anumpa 9:21

Yohmi ma okla haklo kʋt momʋt anukhlakancha mʋt, Ilʋppak osh na hohchifo ilʋppa pit hochifot Cheluselem ai asha tuk a̱ ilbʋshahanli cha, ilʋppa a̱ya kʋt, yʋmmʋt talakchi yo̱, na holitompa isht a̱sha pehlichi ʋhleha, isht im ona chi̱ mak atuk keyu̱? achi tok.

1 Samuel 19:24

Micha im anchi yak kia shoelit tahli cha, Samuel itikba ya̱ Shilombish anukfoyukʋt anumpuli ak inli tok; micha nipi bieka chiyuhmi hosh itoyula na nitak yʋmmʋt shoyuhbi cha, ninak yʋmmʋt ont hlopulli tok. Yʋmohmi ho̱ achi kʋt, Sal ak kia hopaii ʋlhleha ha̱ ibafoyuka cho? okla achi tok.