1 Samuel 1:3 - Chahta Holisso Holitopa 1886

³ Mihma hatak ilʋppʋt afʋmmikma in tʋmaha holihta ya̱ kohchʋt Shiloh ya̱ onʋt, ʋba nan oklu̱ha il ai eshi Chihowa aiokpʋchit nan ʋbit isht aiokpʋchi beka tok. Mihma Hofni, micha Finehas Eli ushi tuklo Chihowa nan isht im a̱shwa ʋt yʋmma a̱shwa tok.

1 Samuel 1:3 Iomraidhean Croise

Atʋloa 78:60

Micha ilap ai ʋtta Shailoh, hʋttak im ai itti̱takla ilap im ʋlhtipo a hilechi tok ʋt issʋt kanchi tok.

Eksotʋs 23:14

Afʋmmi achʋfakma, hituchina ha impʋchi isht is sʋm a̱sha hi oke.

Eksotʋs 23:17

Afʋmmi achʋfakma hituchina ha nakni yosh hʋchim aiasha moma kʋt Chihowah Chitokaka itikba ya̱ hiela hi oke.

Eksotʋs 34:23

Afʋmmi achʋfakma hituchina ha nakni yosh hʋchim ai asha moma kʋt Chitokaka Chihowah Islael in Chitokaka itikba ya hiela hi oke,

ʋBanumpa Luk Ʋt Holissochi Tok 2:41

Ʋbanʋblit ont ia nan‐ai‐impa holitopa a̱shakma i̱ki, ishki ita tuklo kʋt afʋmmikma Chelusalem a̱ itiachi beka tok.

Tutelonomi 16:16

Kanima ho̱ ai atokoli tukma, nakni chim a̱sha moma kʋt chin Chitokaka Chihowah ya̱ afʋmmi achʋfakma, hituchina ha̱ itikba ya̱ im itʋnaha hi oke: pʋska ik shatʋmmo impʋchi, micha nitak hullo puta impʋchi, micha tabenakel ai impʋchi: micha ibbak bieka hosh Chihowah itikba ya̱ ona he keyu hoke:

Choshua 18:1

Mihma Islael im ʋlla ʋhleha moma kʋt iti hoyot Shiloh ya̱ itʋnaha cha, okla moma im ʋlhtipo holitopa ya̱ a hilechi tok: mihma yakni ʋt itikba ya̱ i̱ nutaka tok.

Nan Apesa 18:31

Mihma tʋhlʋt naholbʋt toba Mikah ʋt ikbi tok a̱ okla hilechi na, Chitokaka im aboha hʋt Shiloh ya̱ hikia moma ka hikia tok.

Nan Apesa 21:19

Mihmʋt, Yakeh! Shiloh ya̱ yʋmmʋt Behlel a̱ i̱ falʋmmi in tʋnʋp hina Behlel a̱ ʋttʋt iʋt Shechem ona ka hʋshi akochaka imma in tʋnnʋp, micha Lebonah im oka mahli imma ya̱ afʋmmikma Chihowa impʋchi holitopa isht aiasha chatuk oke.

1 Samuel 1:21

Mihma hatak Elkanah ash osh, micha in chuka achʋfa aiena kʋt afʋmmikma, nan ʋbit isht aiokpʋchi im issa chi̱, micha ilap im anukfila hosh Chihowa nan im issa he anumpa il onochit ai a̱hlicha chi̱ hosh ia tok.

1 Samuel 1:9

Yʋmohmi ma Shiloh ya̱ nan ai impʋt, micha nan ishkot issa ma, Hannah ʋt wakaya tok: (mihma Eli na holitompa isht ʋtta yʋt Chihowa in tempel toni̱k bili̱ka ai om binili hikia ho̱ om binili tok.)

1 Samuel 14:3

Mihma Ahiah, Ikabot itibapishi Ahitʋb ushi Chihowa i̱ naholitompa isht ʋtta efot fohka hosh Shiloh ya̱ ahanta tok: Ahitʋb yʋmmʋt Finehas ushi okma, anonti yʋmmʋt Eli ya̱ ushi atok. Mihma Chonahlan ʋt kʋnia tuk a̱ okla hʋt ik akostinincho tok.

1 Samuel 2:19

Yohmi ma ishki ʋt nafohka iskitini afʋmmi hosh afʋmmikma i̱ hatak ʋt afʋmmi aiyukali nan ʋbit isht aiokpʋchi im issʋt a̱yakma, isht im ona beka tok.

1 Samuel 2:34

Mikma ilʋppak osh nan isht chim atokowa yosh chiso tuklo Hofni, micha Finehas itatu̱klo ka onʋtola chi̱ hoke: nitak achʋfa ho̱ itatu̱klot illa chi̱ hoke.

1 Samuel 3:13

Nan ashʋchi ithana yʋmma pulla kak o̱ in chuka achʋfa ya̱ nan im apesa li̱ bilia chi̱ kʋt im anoli li tok: ushi ʋhleha hʋt ile hofahyali ma, ik im olabo chatuk oka.

1 Samuel 4:11

Mihma Chitokaka im itombi holitopa ya̱ ishi tok: mihma Eli ushi tuklo, Hofni, micha Finehas itatuklo kʋt illi tok.

1 Samuel 4:4

Yʋmohmi mʋt ʋba nan oklu̱ha il aieshi Chihowa chelubim ititakla ahanta i̱ nan it im apesa afoyuka itombi holitopa ya̱ ont ai isht ʋla chi̱ ho̱ Shiloh ya̱ pila tok: mihma Eli ushi tuklo Hofni, micha Finehas itatuklo kʋt Chitokaka nan it im apesa afoyuka itombi holitopa ya̱ ta̱kla a̱shwa tok.