1 Chan 3:3 - Chahta Holisso Holitopa 1886

³ Yʋmma anukchieto hosh si yakohma he ahnit, yʋmmak ash ot kashofa achukma yatuk a̱ chiyuhmit momʋt ile kashofi hoke.

1 Chan 3:3 Iomraidhean Croise

2 Samuel 22:27

Kashofa yokma, kashofa yosh ish im ile haiakʋcha hi oke: isht acheba yatuk okma, ik achukmo hosh ish im ile haiakʋcha hi oke.

Mahlu 5:48

Yohmi hoka aia̱hli hʋchi achukma kʋt, hʋch I̱ki ʋba binili kʋt aia̱hli achukma kak inli ho̱ hʋsh chiyuhmashke, hʋchim achi lishke.

ʋBanumpa Luk Ʋt Holissochi Tok 6:36

Yʋmohmi hoka hʋchishno mʋt na hʋchi nukha̱klo bano kʋt, hʋch I̱ki ʋt nan i̱ nukha̱klo bano yoka yʋmmak inli ho̱ hʋsh chiyuhmashke.

Chan 17:19

Micha ilap ak kia nan‐ai a̱hlika ya̱ ai isht a kashofa chi̱ ka, ʋno ʋt ilʋppak pulla hatuk mak o̱ ile kashofichi li hoke.

Apostel isht Anumpa 15:9

Micha hʋpishno a̱ yʋmma a pit im inlʋchi keyu, yimmi hatuk o̱ chu̱kʋsh a̱ i̱ kashohu̱fi hoke.

Loman 15:12

Micha anonti Chesse ak o̱ isht atiaka yosh ahanta he, micha yʋmmak fehna hosh Chentail okla ha̱ i̱ shahlit mi̱kot wakaya hi oke: yʋmmak o̱ Chentail okla hʋt anukchieta hi oke, Esaias ʋt achishke.

2 Kolinhlian 7:1

Yʋmohmi ka a̱ kana holitopa ʋhleha ma! nana hash yakohmiechit pimihi̱sa ka, haknip, micha hʋpim anukfila nan isht ai liteha puyuta ka isht kiloh il a kashofi, Chihowa ha̱ holitohombli pulla hosh ont ai a̱hlit nan ai ashʋchi ka ik pim iksho kashke.

Koloshan 1:5

Ai okcha̱ya bilia hʋsh isha he ʋba hʋch in tuyula pulla kak o̱ e yohmishke; yʋmmak oka ʋbanumpa a̱hli isht ai anumpa ho̱ tikba kash hʋsh haiyaklo tuk ʋt;

2 Hlessalonian 2:16

Mikma pin Chitokaka Chisʋs Klaist ilap inli, micha Pi̱ki Chihowa, yʋmmʋt pi̱ hullo, micha nan isht i̱ kana pulla hosh chu̱kʋsh isht a nuktaiyala bilia, micha nana isha he ahni achukma ya̱ pihi̱ma tok ʋt,

Titus 3:7

Yohmi na isht i̱ kana yo̱ isht a pi ʋlhpiesa hosh, ai okcha̱yʋt bilia il isha he pim ai ʋlhpiesa hosh e toba hinla hoke.

Heblu 12:14

Achunanchit hatak puta ka it i̱ nanaiyʋt, nan ai ashʋchi iksho ya̱ hʋsh ieshashke, yʋmmʋt iksho ka hatak nana kia Chitokaka ya̱ pisa he keyu hoke.

Heblu 6:18

Yohmi ka nana kaniohmit ai inli himma keyu tuklo yʋmmak oka Chihowa hokʋt isht a holaba himma keyu hoka, ʋba isht il aiyukpa pim ihi̱sa tok ash il isha chi̱ hosh a hlakofi yo̱ il o̱ chaha̱fa kʋt, nan isht a nuktaiyala chinto il iesha he ak atok.

Heblu 7:26

Yohmi ka na holitompa isht ʋtta chinto, yʋmmak okʋt ai ashʋchika ik im iksho, nan ik okpano, na liteha iksho, nan ashʋchi ʋhleha ha̱ ai i̱ filʋmmi, micha chaha kʋt ʋba yakni yak kia i̱ shahli, yʋmmak chiyuhmi hosh pim ahanta he ai ʋlhpiesa hatok:

Chemis 4:8

Chihowa ai i bili̱ka pit hʋsh kanʋllashke, yohmikma ilap mʋt hʋchi̱ bilincha chi̱ hoke. Nan ashʋchi ʋhleha hʋchia hʋt hʋch ibbak a̱ hʋsh kashofikma, anonti im anukfila mia tuklo hʋchia mʋt hʋchi chu̱kʋsh a̱ hʋsh kostininchashke.

1 Pita 1:15

Amba hʋsh im antia chi̱ hʋchi̱ ho̱wa tok, yʋmmʋt nan ai ashʋchika ik im iksho hoka, nan ai ashʋchika ik hʋch im iksho ak inlashke:

1 Pita 1:3

Pin Chitokaka Chisʋs Klaist I̱ki, micha in Chihowa hokʋt holitopashke, yʋmmak osh pi̱ nukha̱klo chinto hatuk osh, Chisʋs Klaist ʋt illi tuk kia, falaminchit tanichi kak osh anonti himonʋchit pikbi tok o̱, na yukpa fehna hosh,

2 Pita 1:4

Yʋmmak o̱ nana holitopa, micha achukma chinto puta ka isht a pihi̱ma; yohmi kʋt ilʋppak atuk pulla kak o̱ nan okpulo chu̱kʋsh nan ai ahni yatuk pulla kak o̱ yakni ilʋppa ai asha ka hʋsh i̱ filʋmmi hosh, Chihowa im anukfila ha̱ hʋsh ibai isha chi̱ ha tok.

2 Pita 3:14

Yʋmohmi ka a̱ holitopa ʋhleha ma! nana ilʋppa chiyuhmi puta ho̱ hʋsh hoho̱yo hokʋt, anumpa isht ai onʋtula he, micha na liteha aiena ik hʋchim iksho hosh hʋsh i̱ nanaiya ho̱, hʋsh im otaiyana hi ʋt hʋsh achunanchashke.

1 Chan 2:6

Kʋna hosh yʋmmak oka ai iba foyuka, miha hokʋto, ilap mak kia, yʋmmʋt kaniohmit a̱ya tok mak o̱, a chohmit a̱ya he tuk oke.

1 Chan 4:17

Nan ʋlhpisa nitak fehnakma pi nukwa̱ya iksho ka he ʋt ilʋppak o̱ nan il i̱ hullo kʋt isht ai a̱hli hoke: ilap ʋt kaniohmi ka, pishno mʋt yʋmmak inli ho̱ chohmi hosh yakni ilʋppa il a̱sha hokʋt.