1 Chan 2:3 - Chahta Holisso Holitopa 1886

³ Micha im anumpa ʋlhpisa yak o̱ e holitobli hok mak osh, yʋmma il ithaiyana ho mʋhli kʋt isht il akostininchi hoke.

1 Chan 2:3 Iomraidhean Croise

Atʋloa 119:32

Sʋ chu̱kʋsh a̱ ish ʋwatʋlikma̱, chim ʋnnumpah ʋlhpisa puttah i̱ hina ya̱ a cha̱ha̱fa la chi̱ hoke.

Atʋloa 119:6

Chim ʋnnumpah ʋlhpisa moma ka̱ ahninchi li hokmak osh, sʋ hofahya he keyu hoke.

ʋBanumpa Luk Ʋt Holissochi Tok 6:46

Na katihmi ho̱ nana ka hʋchi̱ mihi̱ha li ka hʋsh yohmi keyu kak osh, Chitokaka ma! Chitokaka ma! hʋs si achi cho?

Chan 14:15

Hʋs sa̱ hullo hokmʋt, ʋm anumpa ʋlhpisa puta ka hʋsh holitoblashke.

Chan 15:10

Ʋm anumpa ʋlhpisa puta ka hʋsh im antia hokmʋt, a sa holitobli kʋt a hʋchi bilia he: ʋno ʋt A̱ki a̱ im anumpa ʋlhpisa puta ka im antia li kʋt, ai i̱ hullo mʋt a sa bilia tok mak o̱ hʋsh chiyuhma hi oke.

Chan 15:14

Nana ho̱ hʋchim apesa li ka hʋsh yʋmohmi hokmʋt, a̱ kana hʋchia mak oke.

Chan 17:3

Yohmi ka Chishno ak illa kak osh Chihowa a̱hli chia ka, micha Chisʋs Klaist auet ish kanchi tok ma okla ithaiyana he ak o̱ ilʋppak osh ai‐okcha̱yʋt bilia yoke.

2 Kolinhlian 4:6

Tohwikeli hʋt ai okhlilika ya̱ a kohchʋt tomma chi̱ ka, Chihowa yʋmmak osh im apesa tok okʋt, Chihowa im aholitopa nan isht ithaiyana im a tohwikeli hʋt Chisʋs Klaist i̱ nashuka a minti mak o̱ pima chi̱ hosh pi chu̱kʋsh a̱ a tommi hatuk oka.

Heblu 5:9

Mihmʋt nana kʋt ai a̱hlit im ʋlhtaiyaha kak osh, im antia puta hokʋno ai okcha̱yʋt bilia ya̱ im atahli yoke:

1 Chan 2:13

I̱ki hʋchia ma! ʋmmona makinli ho̱ ahanta tok yʋmmak ash hʋsh ithaiyana hatuk oka, pit hʋchi̱ holissochi lishke. Hatak himita hʋchia ma! nan okpulo atukma hʋsh imaiyachi hatuk oka, pit hʋchi̱ holissochi lishke. Ʋlla chipunta hʋchia ma! I̱ki a̱ hʋsh ithaiyana hatuk oka, pit hʋchi̱ holissochi lishke.

1 Chan 3:14

Il itibapishi ʋhleha ha̱ il i̱ hullo hatuk osh, ai illika ya̱ a kohchʋt ai okcha̱ya ya̱ il ona kʋt il ithanʋshke. Kʋna hosh itibapishi ha̱ i̱ hullo keyu hokʋto, ai illika yo̱ anta hoke.

1 Chan 3:19

Micha ilʋppak o̱ nan ai a̱hli ka ya̱ il ibai achʋfa kʋt isht il akostininchi; mikmʋt pi chu̱kʋsh a̱ nuktalanlit itikba ya̱ il a̱sha hi oke.

1 Chan 3:6

Kʋna hosh yʋmma ai iba foyuka hokʋto ashahanchi chatuk keyu; kʋna hosh ashahanchikmʋt, yʋmma pisa tuk keyukmʋt, anonti ithana tuk keyu aiena mak oke.

1 Chan 4:13

Yʋmmak okʋt imi Shilombish a̱ ai isht pima tok oka, pishno ʋt yʋmma il ibai achʋfakma, anonti ilap mʋt pibai achʋfa ka ilʋppak o̱ isht il ai akostininchi hoke.

1 Chan 4:7

Holitopa ʋhleha ma! nan i̱ hullo ʋt Chihowa ak o̱ a minti hoka, iloh it i̱ hullashke: micha kʋna hosh i̱ hullo hokʋt moyumʋt Chihowa ak o̱ isht a toba; micha Chihowa ya̱ ithana mak oka.

1 Chan 5:19

Micha pishno ʋto Chihowa yak o̱ immi pia; mikma yakni moma kʋto ik ai ʋlhpeso banot talaia ka iloh ithanʋshke.

1 Chan 5:2

Chihowa ya̱ il i̱ hullo, micha im anumpa ʋlhpisa aiena ka e holitobli hokmʋt, ilʋppak o̱ Chihowa im ʋlla ʋhleha ha̱ il i̱ hullo kʋt isht il akostininchi hoke.

1 Chan 5:3

Im anumpa ʋlhpisa ya̱ e holitobli ilʋppak osh Chihowa i̱ hullo mak oke; micha im anumpa ʋlhpisa yʋt a palʋmmi ka keyu hoke.

Nan Otʋni 12:17

Yohmi ma sinti chilita yash ot ohoyo hash i̱ nukkilli fehna mʋt, iʋt ohoyo hash isht ai unchululi kaniohmi ma̱ya, yʋmmʋt Chihowa im anumpa ʋlhpisa puta ka holitobli, mikmʋt Chisʋs Klaist nan isht im atokowa aiena ka ieshi ʋhleha hash o̱ in tanampi tok.

Nan Otʋni 14:12

Ilʋppak o̱ ʋbanumpuli ʋhleha hʋt nuktanlʋt achunanchi ka isht otaiyani hoke; ilʋppak o̱ Chihowa im anumpa ʋlhpisa puta holitobli, micha Chisʋs i̱ yimmi aiena ka isht otaiyani hoke.

Nan Otʋni 22:14

Kʋna hosh im anumpa ʋlhpisa puta ka holitobli hokʋto na yukpʋshke: yohmi hok mak osh iti ai okcha̱ya isht im ai ʋlhpiesa hosh okhissa ont a hlopullit tʋmaha chito yash chukowa chi̱ hoke.