1 Chan 1:3 - Chahta Holisso Holitopa 1886

³ Hʋchishno mʋt hʋsh pibai achʋfa he mak o̱, nana ka e pihi̱sa tuk, micha e haha̱klo tuk aiena kʋt e hʋchim anoli hoke: yohmi kʋt pishno ʋt I̱ki, micha Ushi Chisʋs Klaist aiena kak o̱ il ibai achʋfa mʋhli hoke.

1 Chan 1:3 Iomraidhean Croise

Atʋloa 2:7

Nan ʋlhpisa ya̱ ʋnoli lashke: Chihowa hʋt, “Sʋsoh chia hoke; ʋno ak osh himak nittak a̱ chi tobʋche lishke.

Atʋloa 22:22

Yohmikma̱ chi hohchifo ha̱ ittibapishi lih ʋhleha ha̱ im ʋno̱ho̱li lashke; ittʋnaha im ai itti̱takla ya̱ a chi holittobliche lashke.

Numbas 10:32

Mikma yakohmi hi oke, pi awant ish iakma a̱hli, yakohma hi oke; nana achukma nana ho̱ Chihowah yʋt pi̱yʋmihchikma, yʋmmak inli ho̱ e chi̱ yʋmihcha chi̱ hoke, achi tok.

Chan 17:11

Himak okʋno yakni paknaka ya̱ himmakma ik si ai iksho mak oke; yohmi kia ilʋppak okʋto yakni a̱ ai aha̱shwa na ʋno ʋt chim a̱ya li mak oke. A̱ki holitopa ma! is sʋma tok ʋhleha ilʋppak oka chishno chi̱ hohchifo pulla hatuk mak o̱ ish apesahanchi na yʋmmak mʋt ai itibai achʋfa kʋt pishno a̱ chiyuhmashke.

Chan 17:21

Moyumʋt ai itib achʋfa kʋt, A̱ki chia hʋt ʋno a̱ is sʋbai acha̱fakma, anonti ʋno mʋt a chibai acha̱fa li kak inli ho̱ okla chiyuhmi cha, yʋmmak mʋt pishno a̱ a pibai acha̱fashke: yohmi na chishno ak osh auet is sa kanchi tok a̱ okla moma kʋt ithaiyanashke.

Chan 17:25

A̱ki a̱hli achukma ma! yakni ʋt ik chithanoshke; yohmi kia ʋno ʋto chithana li; mihma chishno ak osh auet is sa kanchi tok a̱ ilʋppak okʋto akostininchi hatuk oke.

Chan 17:3

Yohmi ka Chishno ak illa kak osh Chihowa a̱hli chia ka, micha Chisʋs Klaist auet ish kanchi tok ma okla ithaiyana he ak o̱ ilʋppak osh ai‐okcha̱yʋt bilia yoke.

Chan 19:35

Yohmi ka yʋmma pisa tok mak osh atokowa ka anoli; yohmi ka yʋmmʋt atokoli ka ai a̱hli hoke: yohmi ka hʋchishno ʋt hʋchi yimma chi̱ ka, ai a̱hli mak o̱ miha kʋt ithana hoke.

Apostel isht Anumpa 13:32

Yohmi hosh anumpa achukma pin tikba ʋhleha ima tok a̱ isht e hʋchim anumpulishke.

Apostel isht Anumpa 13:41

Na shitilema ʋhleha hʋchia hʋt ho pesa cha, okokko! ahnit, ik hʋchi nukhlakanchá; hʋchi̱ nitak a̱ nan isht ʋtta ya̱ isht ahanta li ka, kʋna kia ik hʋchim anoli mak o̱, kaniohmit nan isht ʋtta yʋmma a hʋchi yimma he keyu, achi kʋt hʋchi onʋtula hinla hoke; achi tok.

Apostel isht Anumpa 2:42

Yʋmohmi cha ʋbanumpeshi ʋhleha im anumpa hash, micha iti̱ hullo aiena, micha pʋska boshullichi, mikmʋt ʋba pit anumpuli aiena kʋt kʋllo fenhʋt aha̱shwa tok.

Apostel isht Anumpa 20:27

Ʋno ʋt Chihowa im anukfila puyuta ka hʋchim anoli ka, sa nukwa̱ya iksho chatuk okʋt.

Apostel isht Anumpa 4:20

Nana ka e pi̱sa tuk, micha e haha̱klo tuk aiena kʋt, isht kil anumpulo ka he keyu hoka; im achi tok.

Loman 15:27

Im ʋlhpiesa ai a̱hli fehna hosh yʋmihchi tuk: yohmi hatuk o̱ im aheka ʋhleha hokʋt. Yohmi ka Chentail okla hʋt nana Shilombish immi puta ka ibai ihi̱shi toba hatuk mʋt, anonti nana haknip immi puta ka yʋmma isht apelʋcha hi okʋt im ai ʋlhpiesa ak inlishke.

1 Kolinhlian 1:30

Yohmi kia hʋchishno ʋto yʋmmak atuk mak o̱ Klaist Chisʋs a̱ hʋsh ibai achʋfa ka yʋmmak o̱ Chihowa pulla kak o̱ isht pi a hopoyuksa, micha isht pi ai ʋlhpiesa, micha isht pi a kashofa, micha isht pi ai ʋlbi yoke:

1 Kolinhlian 1:9

Chihowa hʋt ai a̱hli yoke, yʋmmak o̱ ilap Ushi pin Chitokaka Chisʋs Klaist a̱ ai ib ai eshi isht a hʋchi ʋlhtoka hatuk oke.

1 Kolinhlian 15:1

Yʋmohmi ka itibapishi ʋhleha ma! ʋbanumpa yʋmmak o̱ hʋchim anumpohonli li yʋmma hʋsh ishi tuk osh, anonti mihi yo̱ anukfoyukʋt hʋsh ma̱ha̱ya ka, yʋmmak inli ho̱ hʋch im anohonli lishke:

2 Kolinhlian 13:14

Chitokaka Chisʋs Klaist nan isht i̱ kana, micha Chihowa isht i̱ hullo micha Shilombish Holitopa ai itibai achʋfa aiena kʋt hʋsh moyuma ka hʋchi anukfoyukashke. Amen.

Efeshan 3:6

Yʋmohmi na Chentail ʋt ʋbanumpa pulla ho̱ iba taklʋt nan ai isha he ʋlhpesa toba, micha haknip ai achʋfa toba cha, Klaist pulla ho̱ nan im ihi̱sa tok a̱ ibai isha he atok:

Filippian 1:7

Yʋmohmit hʋsh moma ka ilʋppa hʋchi anukfilli la he ʋlhpesa, sa chu̱kʋsh isht hʋch ithaiyana li hokʋt; ʋbanumpa isht anumpuli li, micha ai a̱hlichi li hosh sa talakchi aiena ka nan isht i̱ kana hʋs sʋb ai ishi hoka.

Filippian 2:1

Yohmi ka Klaist atuk pulla mak o̱ ahopohla yʋt a̱sha hokma, i̱ hullo kʋt a nuktanla yʋt a̱sha hokma, Shilombish ai itiba chʋfa yʋt a̱sha hokma, chu̱kʋsh isht i nukha̱klot hi ahni yʋt a̱sha hokma,

Filippian 3:10

Yʋmohmi ka Klaist, micha yʋmmʋt illit tani tok nan isht im ai a̱hli, micha yʋmmʋt ai ilbʋsha tok a̱ iba ta̱kla kʋt kaniohmi aiena ka ithana lish, yʋmmʋt illi tok a̱ hoyulba la chi̱ kak a hetuk oke.

Koloshan 1:13

Yʋmmak okʋt aiokhlili ka isht im ai a̱hli ya̱ a pi a hlakofichi mʋt, anonti kanʋllichit ilap Ushi holitopa im apehlichika ya̱ pisht ona tuk oke;

1 Hlessalonian 1:10

Yohmi cha Ushi Chisʋs ʋt illi tuk a̱ falaminchit tanichi tok a̱, mihi yosh ʋba yakni minta chi̱ ka hʋsh hoho̱yo ka, yʋmmak osh nan isht i̱ nukkilli minti ka pi ahlakofichi tok mak oke.

1 Timohli 6:2

Mikma i̱ na hullo ʋbanumpuli yosh a̱sha hokʋt itibapishi hokʋt, isht ik i̱ ahno ka he ʋlhpesa keyushke; amba i̱ na‐hullo yʋt na‐yimmi, micha Chihowa i̱ holitopa, micha nana isht ai yukpa ʋba minti ka it ibai ishi yoka, aiokpanchit nana ka isht im ahantashke. Ilʋppa puta kak o̱ im abʋchit ish atonohonchashke.

Heblu 2:12

Itibapishi li ʋhleha ha̱ chi hohchifo ha̱ otʋninchit im anohonli la chi̱; itibapishi li ʋhleha ha̱ ai iklʋnna hikiʋt talaho̱wʋt chi aiokpahanchi la chi̱ hoke, ahanchishke.

Heblu 3:1

Yʋmohmi hoka itibapishi holitopa ʋhleha ʋba nan isht ilaiyukpa et annoho̱wa ka ibai i̱shi hʋchia ma! Apostel, micha Na‐holitompa isht ʋtta chinto, Chisʋs Klaist a̱ il ithaiyana, il il apihi̱sa tok a̱ hʋsh anukfihinlashke.

Heblu 3:14

Yohmi ka na pi yimmi ʋmmona tok ʋt ai a̱hli biekʋt ma̱ha̱yʋt ont ai ʋhli ka il ona hokmʋt, Chisʋs oka ibai achʋfa ʋhleha e toba hoke.

1 Pita 5:1

Ʋbanʋmpuli iksa apesʋchi ʋhleha hʋch itin takla aiasha ka nana atohnochi li kʋt, ʋno ak kia ʋbanumpuli iksa ibai apesʋchi, micha Klaist ʋt ilbaha̱sha tok puta atokowa anoli, micha na holitopa kʋt otaiyana hi oka ibai isha he ak inli sia hoke.

2 Pita 1:16

Pin Chitokaka Chisʋs Klaist ʋt ʋla tok, micha nan im ai a̱hli tok aiena ka e hʋchim anohonli mʋt, anumpa nan isht ik ahobo nan isht haksicha he nana ho̱ il iakaiya ha tok keyu, amba ilap isht a chinto ka nishkin isht ai atokoli pia ha tok.

1 Chan 1:1

Ai okcha̱ya anumpa yʋmmak osh ʋmmona ka ahanta tok mak o̱ e haha̱klot, pi nishkin a̱ isht e pihi̱sʋt, il o̱ hopo̱koho̱yo tok, micha pibbak ʋt pʋshohonli tok mih mak oke.

1 Chan 1:5

Yohmi ka Chihowa yʋt tohwikelika, micha yʋmma okhlilika yʋt atakali iksho kʋmohmi aiena ilʋppak o̱ anumpa yʋmma il ai i̱ haponaklo tuk mak osh e hʋchim anolishke.

1 Chan 1:7

Amba yʋmmak okʋt atohwikelika yo̱ anta hoka, pishno ʋt atohwikelika yo̱ il itʋnowa hokmʋto, iloh it ibai achʋfa. Yohmikma Ushi Chisʋs Klaist im issish ʋt nan ai ashʋchika ya̱ mominchit a hʋpi kashofi hoke.