1 Chan 1:2 - Chahta Holisso Holitopa 1886

² Ai okcha̱ya yʋmmʋt haiaka na e pihi̱sa tuk osh atokowa anolit, Ai okcha̱ya bilia yʋmmʋt I̱ki a̱ takla ahanta chatuk mak osh, ant pi̱ haiaka tok a̱ e hʋchim anoli hoke.

1 Chan 1:2 Iomraidhean Croise

Chan 1:18

Hatak nana hosh Chihowa ya̱ nitak nan ash o̱ pisa tok keyu: Ushi holitopa achʋfa illa I̱ki shakba ya̱ afoyuka, yʋmmak atuk okʋto yʋmmak oka otʋninchi tok oke.

Chan 1:4

Yʋmmak oka isht ai okcha̱ya yʋt a̱sha tok: yohmi ka isht ai okcha̱ya yʋmmak ash ot hatak puta ka in tohwikeli ya tok.

Chan 10:28

Mikma ai‐okcha̱yʋt bilia ya̱ yʋmma im issa li; yohmi ka nitak nana ilbʋshʋt illa he keyukma, anonti kʋna kia yʋmmak ash sʋbbak a̱ a kohchit isha hi ʋt iksho hoke.

Chan 14:6

Mihma Chisʋs ash ot, Ʋno ak osh hina, micha ai a̱hlika, ai okcha̱ya aiena sia mak oke: ʋno ak o̱ keyukma hatak nana hosh A̱ki a̱ im ai ona he keyu hoke.

Chan 15:27

Yohmikma hʋchishno ʋt nana ʋmmona ka si apehʋt hʋsh a̱ya tuk okʋt, nan ai‐atokowa ka hʋsh anoli akinla hi oke.

Chan 16:28

A̱ki ak o̱ a kohchʋt a̱ya hosh yakni a̱ ʋla li tok osh; anonti yakni ash issʋt, A̱ki a̱ im ia li hoke, im achi tok.

Chan 17:3

Yohmi ka Chishno ak illa kak osh Chihowa a̱hli chia ka, micha Chisʋs Klaist auet ish kanchi tok ma okla ithaiyana he ak o̱ ilʋppak osh ai‐okcha̱yʋt bilia yoke.

Chan 17:5

Yohmi ka, A̱ki ma! yakni ʋt iksho mak o̱ na holitopa ka isht chiba holitopa li ya tok mak o̱, himak a̱ chishno a̱ ai il a aieninchit is sa holitoblichashke.

Chan 19:35

Yohmi ka yʋmma pisa tok mak osh atokowa ka anoli; yohmi ka yʋmmʋt atokoli ka ai a̱hli hoke: yohmi ka hʋchishno ʋt hʋchi yimma chi̱ ka, ai a̱hli mak o̱ miha kʋt ithana hoke.

Chan 21:14

Chisʋs ʋt illi tuk osh falamʋt tani ha yʋt, ilʋppʋt ont atuchina mak o̱ nan im ai ithʋna ʋhleha ha̱ im ile haiakʋchi tok.

Chan 3:13

Yohmi ka hatak nana hosh ʋba ya̱ ia tuk keyu; amba ʋba ya̱ mintit ʋla tok Hatak Ushi ʋba ya̱ a̱sha yʋmmak illʋshke.

Chan 7:29

Amba ʋno ʋto yʋmmak o̱ a minti li tuk okʋt, yʋmma ithana li hoke; yʋmmak osh auet sa kanchi tok mak oke, achi tok.

Chan 8:38

A̱ki a̱ ai iba pi̱sa li tok mak osh ʋno ʋt nana ka isht anumpuli li hoke; mihma hʋchishno ʋt hʋch i̱ki a̱ hʋsh ai iba‐pi̱sa tok mak osh a hʋchi yʋmohmishke, im achi tok.

Apostel isht Anumpa 10:41

Yohmi kia okla moma kak a tok keyu, amba nana atokowa anoli ʋhleha, Chihowa yʋt tikbanli atokohonli tok, illi tuk ʋt falamʋt tani ha ya, nan itibai impʋt, ishkot ma̱ya tok, pishno ak a tok oke.

Apostel isht Anumpa 2:32

Chisʋs ilʋppa Chihowa yʋt tanichi tuk o̱, yʋmma atokowa nan anoli pi bieka mak osh e hielishke.

Apostel isht Anumpa 3:15

Micha Aiokcha̱ya i̱ mi̱ko ya̱ hʋsh bi tok o̱, yʋmmak ash illi tuk a̱, Chihowa yʋt tanichi tok o̱; yʋmma atokowa anoli ʋhleha pia mak oke.

Apostel isht Anumpa 5:32

Yʋmohmi ka pishno ak osh nan ilʋppa puta ka isht im a atokowʋt anoli pia; yohmikma Shilombish Holitopa, yʋmma Chihowa yʋt im antia ʋhleha ha̱ ima tok a̱, yohmi akinli hoke; achi tok.

Loman 8:3

Yohmi ka ʋba nan ʋlhpisa yʋt nana ka ik atahlo kʋt, haknip ak atuk pulla kak o̱ ik ai a̱hlo hatuk o̱, Chihowa hʋt ilap Ushi ak inli ho̱ ai ashʋchika isht ʋlhtoba mak o̱ hatak nan ashʋchi haknip a̱ hobachit auet kanchi hosh, haknip ak o̱ ai ashʋchika ya̱ ai i̱ palʋmminchi tok:

Kaleshan 4:4

Yohmi tok kia nitak ont ʋlhpesa kʋt ʋla ma, Chihowa yʋt Ushi ʋt pila na, nan ʋlhpisa i̱ nutaka toba hosh ohoyo ho̱ a toba tok.

1 Timohli 3:16

Mikma moyuma kʋt ilʋppa ai a̱hli ai ahnishke; ʋbanumpa nan otʋninchi kʋt na chinto fehna; yohmi kʋt Chihowa hʋt haknip o̱ isht otʋnit, Shilombish Holitopa ka isht ai a̱hlit, enchil ʋhleha ha̱ im a haiakʋt, Chentail ʋhleha ha̱ isht im anuhumpa tok, mihma yakni paknaka ya̱ ai i̱ yihimmi tok o̱, ʋba a holitopa ka ik chukowá im ai ahni na pit chukowa tok.

2 Timohli 1:10

Amba pi Okchalinchi Chisʋs Klaist ʋt ʋla kak osh himonasi kʋno isht i̱ kana ya̱ otʋninchi kʋt, nan‐illi ho̱ imaiyachit kanchi cha, ai okcha̱ya micha ai illa he keyu aiena ka ʋbanumpa ak pulla kak o̱ isht otʋninchishke:

Titus 1:2

Yohmi cha ai okcha̱yʋt bilia pisa he ai ahna hi atok, yʋmmak oka Chihowa holaba he keyu yʋt, nana puta kʋt ik tobo pilla kash inli ho̱, im ihi̱sa tok;

1 Pita 5:1

Ʋbanʋmpuli iksa apesʋchi ʋhleha hʋch itin takla aiasha ka nana atohnochi li kʋt, ʋno ak kia ʋbanumpuli iksa ibai apesʋchi, micha Klaist ʋt ilbaha̱sha tok puta atokowa anoli, micha na holitopa kʋt otaiyana hi oka ibai isha he ak inli sia hoke.

1 Chan 1:1

Ai okcha̱ya anumpa yʋmmak osh ʋmmona ka ahanta tok mak o̱ e haha̱klot, pi nishkin a̱ isht e pihi̱sʋt, il o̱ hopo̱koho̱yo tok, micha pibbak ʋt pʋshohonli tok mih mak oke.

1 Chan 2:25

Micha nana miha kʋt ai okcha̱ya bilia ilʋppak o̱ pim issa tok oke.

1 Chan 3:5

Yohmi ka yʋmmak okʋt pim ai ashʋchika ya̱ isht hʋpi̱ kancha chi̱ mak osh ant haiaka tok a̱ hʋsh ithana; micha yʋmma ai ashʋchika nana hosh atakali keyushke.

1 Chan 3:8

Kʋna hosh ashahanchi kʋt Setan ak o̱ ibai achʋfa mak oke: Setan ak okʋt ʋmmona mak inli ho̱ ashʋchit isht auehinchi tok oka. Setan ʋt nan ai isht ʋtta tok puta ka okpʋna chi̱ pulla kak osh Chihowa Ushi ʋt ant haiaka tok.

1 Chan 4:14

Micha pishno ʋt e pihi̱sa mak osh yakni a̱ okchalinchi a he I̱ki ʋt Ushi a̱ auet kanchi tok a̱ atokowa il anohonlishke.

1 Chan 4:2

Ilʋppak o̱ Chihowa im Shilombish a̱ isht hʋsh akostininchishke; shilombish ʋt, Chisʋs Klaist ʋt haknip a̱sha hosh ʋla tok a̱ atokoli hokʋto, Chihowa ak o̱ a minti bano hoke.

1 Chan 5:11

Yohmi ka Chihowa yʋt ai okcha̱yʋt bilia ya̱ pim issa tok ilʋppak osh nan atokowa annoa mak oke; mikma ai okcha̱ya ilʋppʋt Ushi yak o̱ ai in takali hoke.

1 Chan 5:13

Chihowa Ushi hohchifo ha̱ yimmi ʋhleha hʋchia hʋt ai okcha̱ya bilia yʋt hʋchin takanli kʋt hʋsh ithaiyana chi̱, mikmʋt Chihowa Ushi hohchifo ha̱ hʋchi yimma chi̱ aiena kak o̱ na yakohmi ka pit hʋchi̱ holissochi li hatuk oke.

1 Chan 5:20

Micha Chihowa Ushi ʋt ʋla cha, yʋmmak osh nan ai a̱hli ka mak atuk ash il akostinincha chi̱ ka, nan isht akostininchi a̱ pi anukfoki tuk a̱ iloh ithanʋshke; yohmi ho̱ pishno ʋt yʋmmak osh nan ai a̱hli ka mak atuk Ushi Chisʋs Klaist a̱ il ai ibai achʋfa hoke. Ilʋppak osh Chihowa ai a̱hli, micha ai okcha̱yʋt bilia mak oke.