SAN LUCAS 7:22 - U Chʼuʼul Tʼan Dios

²² U p'ali aj Jesús u yälbenob ca'da: ―Corre cuxla älben aj Juan cua'tac a chänila y cua'tac a ubila: ajchoc' a'äc'bintijob u chen chanä, ajc'ol'oc a'äc'bintijob u chen xämba, machcatac c'ojojtac t'oc ni yaj u c'aba' lepra u colescanob limpio u pächi, ajcoc a'äc'bintijob u yubin t'an, ajchämejob u yäc'binte sutwänicob tä cuxpan cha'num, y ni pobrejilba u tz'aycäbintejob ni t'an ta Dios.

SAN LUCAS 7:22 Iomraidhean Croise

SAN MATEO 11:5

Älbenla ca'da: “Ajchoc' u chen chanä. Ajc'ol'oc u chen xämba. Jini c'ojo t'oc c'unen pächiba u yäc'binte u pojlen ubajob. Ajcoc u yubin t'an. Ajchäme u cuxpescan. Ni pobrejilbajobba u tz'aycäbinte u t'an Dios.

SAN MATEO 21:14

De ya'i c'oti bajca an aj Jesús tama noj ch'u'ul otot ajchoc' y ajc'ol'oc, y une u tz'äcäli.

SAN LUCAS 4:18

Ni Ch'u'ul Pixan tuba cä Yumla Dios ya'an täjcac'o, uc'a u yacon tuba cä tz'aycäbenjob pobrejilba ni t'an utzba ta Dios. U täscon tuba cä ch'a'alesben ujin machcatac triste u pixanob. U täscon tuba cä tz'aycäben machcatac ayan preso cache'da u xe tä chajcanob. U täscon tuba cä laj äc'ben u chen chanä ajchoc'. U täscon tuba cä japänob machcatac u tz'ibajtesan u yumob.

SAN LUCAS 7:21

Jinchichba hora aj Jesús u tz'äcäli q'uen ajc'ojpanob y jini machcatac u cänäntanob toyoben yaj. U pa'säbi tzuc pixan tuyac'o machcatac u cänäntan, y q'uen machcatac ajchoc' u tz'äcälbi u jut tuba u chen chanä.

SAN LUCAS 7:23

Ch'a'a ujin jini machca u tz'onän y mach u cänänta jaq'uinle uc'a no'on.

SAN JUAN 1:46

Aj Natanael u yäli: ―¿U xe wäreca tä pase ajt'an ta Dios tä Nazaret? Aj Felipe u yäli: ―La'ix uc'a a chänen.

HECHOS 26:18

Cä täscunet tuba a jäbtesan u jutob, tuba pasicob tan it'obni y ajnicob tan junch'äcni, tuba pasicob tu c'äb aj Satanás y ajnicob t'oc Dios, tuba pa'säbinticob u tanäjob y binticob u matänob t'oc machcatac yäcä uc'a Dios uc'a u tz'ombenonob”.

HECHOS 8:7

Machcatac u cänänti tzuc pixan tuyac'o, t'oc noj t'an pasi jini tzuc pixan. Q'uen machcatac ca' chämen u cuerpo y machcatac mach u ch'ä u chen xämba, upete ni jini u laj tz'äcäli aj Felipe.

SANTIAGO 2:5

Cä yajben hermanos, ubinla. Dios chich u tulaj yaqui ni pobrejob pancab. Mach jin pobrejilba tu jut Dios, uc'a une chich u yaquijob tuba u c'ac'a' tz'onänob y tuba u yäc'benob cua' chichca ayan bajca u chen manda. Jinda u yäli u xe u yäc'benob machcatac que u yajna'tanba.