SAN LUCAS 6:9 - U Chʼuʼul Tʼan Dios

⁹ De ya'i aj Jesús u yälbijob ca'da: ―Ump'e cosa cä xe cä c'atbenetla. ¿U yäle' quira ni ley que u tz'ibi aj Moisés cache' c'änä cä chenla cua' chichca utzba tu q'uini ch'ämbäji, o ni mach utzba? ¿U yäle' quira tz'äcälcac untu uc'a mach chämic, o äctintic untu tä chämo?

SAN LUCAS 6:9 Iomraidhean Croise

SAN MARCOS 3:4

De ya'i u c'atbijob ni gente ca'da: ―¿Cua' une u ch'e' utic tu q'uini ch'ämbäji, ni cua' chichca utzba o ni cua' chichca mach utzba? ¿Tz'äcälcac untu o tzämsintic untu? Pero unejobba mach u p'alijob cua'.

SAN LUCAS 14:3

Aj Jesús u c'atbijob machcatac yuwi ni ley y aj fariseojob ca'da: ―¿U yäle' quira ni ley si u ch'e' tz'äcälcac untu ajc'ojpan tu q'uini ch'ämbäji?

SAN LUCAS 6:10

U chämbi u jut upetejob tu junxoyma, y de ya'i u yälbi ni winic ca'da: ―Sätz'ä a c'äb. Une u sätz'i u c'äb y u pojli uba jinchichba rato. Coli utz ca' chich ni otro untz'itba.

SAN LUCAS 6:8

Pero aj Jesús yuwi cua' an tu c'ajalinob y u yälbi ni winic que tz'u'mi u c'äbba ca'da: ―Ch'oyen, la'ix wida bajca anon t'ocob tä wa'tä. Ch'oyi y wa'wäni ya' jini ca' chich älbinti.

SAN LUCAS 9:56

Uc'a no'on que sutwänon de winicba mach aton tuba cä'ben sätic u pixan winicob, aton tuba cä japänob. De ya'i bixijob otro caj.