SAN LUCAS 5:12 - U Chʼuʼul Tʼan Dios

¹² Ji'pat, jinq'uin aj Jesús ya'an tan ump'e caj c'oti untu winic mäx c'ojo t'oc ni yaj u c'aba' lepra, y jinq'uin u chäni aj Jesús nocwäni tu yoc y u chinjatz'i u pam tä cab u ch'oc chen uba t'oc. U yälbi ca'da: ―Noxi' winic, si a wolinicaba u ch'e' a tz'äcälinon.

SAN LUCAS 5:12 Iomraidhean Croise

SAN MATEO 26:6

Ya'an aj Jesús tä Betania, tama yotot jini aj Simón, jini ajni c'ojo t'oc c'unen pächiba, ni yaj u c'aba' lepraba.

SAN MATEO 9:28

Jinq'uin ochi aj Jesús tama ump'e otot, c'otijob ni ajchoc' bajca an. Aj Jesús u yälbijob ca'da: ―¿A tz'onänla quira cache' cä chen trebe cä tz'äcälinetla? Unejob u p'alijob: ―A chen chich trebe a tz'äcälinon t'ocob ane, Cajnoja.

SAN MARCOS 5:23

U ch'oc chen uba t'oc, u yälben ca'da: ―Quixic ch'oc chämo u chen. Cola tuba a wäq'ue' a c'äb tu pam uc'a u pojlen uba y cuxlec.

SAN LUCAS 17:16

Nocwäni tu yoc aj Jesús u chinjatz'i u jut tä cab u yälben uc'adios u chi. U cab uneba tä Samaria.

SAN LUCAS 5:13

De ya'i aj Jesús u sätz'i u c'äb u täle' y u yälbi ca'da: ―Co chich cä tz'äcälinet, y bada a wäq'ui aba. Tajtzäc pasi ni yaj tuyac'o.

HEBREOS 7:25

Jin uc'a ayan chich u poder aj Cristo tuba u nonoj japän t'oc u tanä machca chichca u c'atben Dios perdón uc'a chämi aj Cristo por no'onla. U ch'e' u japänonla uc'a täcä paq'uin cuxu ayan tuba u c'atben Dios por no'onla.