SAN LUCAS 4:18 - U Chʼuʼul Tʼan Dios

¹⁸ Ni Ch'u'ul Pixan tuba cä Yumla Dios ya'an täjcac'o, uc'a u yacon tuba cä tz'aycäbenjob pobrejilba ni t'an utzba ta Dios. U täscon tuba cä ch'a'alesben ujin machcatac triste u pixanob. U täscon tuba cä tz'aycäben machcatac ayan preso cache'da u xe tä chajcanob. U täscon tuba cä laj äc'ben u chen chanä ajchoc'. U täscon tuba cä japänob machcatac u tz'ibajtesan u yumob.

SAN LUCAS 4:18 Iomraidhean Croise

SAN MATEO 11:5

Älbenla ca'da: “Ajchoc' u chen chanä. Ajc'ol'oc u chen xämba. Jini c'ojo t'oc c'unen pächiba u yäc'binte u pojlen ubajob. Ajcoc u yubin t'an. Ajchäme u cuxpescan. Ni pobrejilbajobba u tz'aycäbinte u t'an Dios.

SAN MATEO 12:18

Iranba, jinda ni cajpatan cä täsquiba, jini cä yaqui no'onba. Uneba tä' acä yajna'tan y u ch'a'alesben ujin cä pixan. Cä xe cäq'ue' cä Ch'u'ul Pixan tuyac'o. Uneba u xe u yälben aj gentilob camba ni u toja.

SAN MATEO 12:20

Uneba utz u c'ajalin t'oc upete. Ca' a wälä untz'it oj p'ojomba mach uxin u nonoj xule'. Jini puy que täpo u chenba, mach uxin u nonoj täpe'. Lo que u xe u chenba, u yäq'ue' tä ute tu toja tu pancab.

SAN MATEO 4:16

Jini a'ajtäjob ya'i ca' a wälä ya'anob tan it'obni, pero u xe u chänenob ca' a wälä ump'e noj junch'äcni. Machcatac ya'anob bajca an chämo, ca' a wälä ump'e noj junch'äcni u xe tä ch'oye bajca anob.

SAN MATEO 5:3

―Ayan ump'e u ch'a'aljinob machcatac yuwi tan u pixan cache' mach u che vale cua' tu jut Dios, uc'a tubajob chich bajca u chen manda ni Dios ya'an tä cieloba.

SAN LUCAS 4:17

De ya'i äc'binti ni jun u tz'ibi ni ajt'an ta Dios u c'aba' aj Isaíasba. U jobi ni jun jini y u pojli jini parte bajca tz'ibi ayan ca'daba:

SAN LUCAS 6:20

De ya'i aj Jesús u chämbi u jut u yajcänt'anob y u yälbijob ca'da: ―Ayan ump'e ch'a'aljin ta'ala anela pobrejilba uc'a a sapila Dios tuba u chenetla manda.

SAN LUCAS 7:22

U p'ali aj Jesús u yälbenob ca'da: ―Corre cuxla älben aj Juan cua'tac a chänila y cua'tac a ubila: ajchoc' a'äc'bintijob u chen chanä, ajc'ol'oc a'äc'bintijob u chen xämba, machcatac c'ojojtac t'oc ni yaj u c'aba' lepra u colescanob limpio u pächi, ajcoc a'äc'bintijob u yubin t'an, ajchämejob u yäc'binte sutwänicob tä cuxpan cha'num, y ni pobrejilba u tz'aycäbintejob ni t'an ta Dios.

SAN JUAN 1:41

Aj Andrés une ni bixi u sacän najtäcä aj Simón u säcun chichba, u yälbi ca'da: ―Acä pojli t'ocob ni Mesías ―ni t'andaba u yäle' ca'da: Aj Cristo une, ni u täsqui Diosba.

SAN JUAN 12:46

Tuba ajnicon de junch'äcni, jin uc'a aton pancab, uc'a upete machcatac u tz'ombenon mach colac tan it'obni.

SAN JUAN 3:34

Machca Dios u täsqui, u t'an chich Dios u yäle'. Diosba mach u yäc'ä p'isi ni Ch'u'ul Pixan.

HECHOS 10:38

cache' Dios u yaqui aj Jesús aj Nazaret, y u yäc'bi u Ch'u'ul Pixan tuyac'o, u yäc'bi poder täcä. Une numi u chen utz t'oc upete, u tz'äcäli machcatac u tz'ibajtesan tzuc pixan, uc'a Dios ya' chich an t'oc une.

HECHOS 26:18

Cä täscunet tuba a jäbtesan u jutob, tuba pasicob tan it'obni y ajnicob tan junch'äcni, tuba pasicob tu c'äb aj Satanás y ajnicob t'oc Dios, tuba pa'säbinticob u tanäjob y binticob u matänob t'oc machcatac yäcä uc'a Dios uc'a u tz'ombenonob”.

HECHOS 4:26

Ajnojajob tuba u pancab u woyli ubajob nämte' t'oc nuc ajt'äbäla tomp'e tuyac'o Ajnoja Dios, y tuyac'o aj Cristo täcä, ni u täsquiba.

HECHOS 4:27

’Uc'a toj chich cache' aj Herodes y aj Poncio Pilato nämte' t'oc aj gentilob y aj Israelob u woyli ubajob tama ni noj cajda tuba u jule' uba tuyac'o a Ch'u'ul Ajlo' aj Jesús, jini ane a yaquiba.

COLOSENSES 1:13

Dios chich u japonla tu poder aj Satanás, jini bajca ajnonla ca' a wälä tan it'obniba, y u yäc'onla tu manda u yajben Ajlo'.

SANTIAGO 2:5

Cä yajben hermanos, ubinla. Dios chich u tulaj yaqui ni pobrejob pancab. Mach jin pobrejilba tu jut Dios, uc'a une chich u yaquijob tuba u c'ac'a' tz'onänob y tuba u yäc'benob cua' chichca ayan bajca u chen manda. Jinda u yäli u xe u yäc'benob machcatac que u yajna'tanba.

1 PEDRO 2:9

Pero anelaba Dios chich u yaquetla, anela palejetla tuba ni Rey tä cielo, anela ch'u'ul ayanetla chich y seq'uen tubaletla chich Dios. Ca' chich jini ayanetla uc'a u ch'e' a c'ac'a' äle'la cua'tac u chi Dios mäx pitzi. Une ni u yäc'betla pasiquetla bajca ajnetla tan it'obni y ajniquetla tama ni junch'äcni que u yäq'ue' uneba, jini tä' pitziba.