SAN JUAN 6:9 - U Chʼuʼul Tʼan Dios

⁹ ―Ya'anda untu ajlo' que u cänäntan cinco cebadaj waj, y cha'tu yoc buch'. ¿Cua' tuba jinda, mach u yäc'ä tuba upete?

SAN JUAN 6:9 Iomraidhean Croise

SAN MATEO 14:17

Unejob u p'albijob ca'da: ―Mach cä cänänta t'ocob cua' wida, sec' cinco waj y cha'tu yoc buch'.

SAN MATEO 16:9

¿Mach to quira uta ta' c'ajalinla cache' ayan cä poder cä chen cua' chichca? ¿Mach quira ni' c'aja ac'ala cache' u chi pasa t'oc ni cinco waj que c'uxnesqui t'oc cinco mil winicob, y jäyp'e chach u colob a ch'uch'ila?

SAN MARCOS 6:38

Aj Jesús u yälbijob: ―¿Jäyp'e waj a cänäntanla ane? Corre iranla. Jinq'uin u jirijob jäyp'e waj ya'an, u yälbijob ca'da: ―Cinco waj y cha'tu buch' cä cänäntan t'ocob.

SAN MARCOS 8:19

Jinq'uin cä puqui cinco waj tuba c'uxnacob cinco mil winicob, ¿jäyp'e chach a ch'uch'ila de u colob? Unejob u p'ali: ―Doce chach.

SAN LUCAS 9:13

Aj Jesús u yälbijob ca'da: ―Äc'benla anela cua' u c'uxe'ob. Unejob u yälijob ca'da: ―Sec' cinco waj namás y cha'tu yoc buch' cä cänäntan t'ocob. Jinda mach u yäc'ä tuba upete ni genteda si mach bixicon cä mäne' t'ocob cua' u xe u c'uxe' ni gentejobda.

SAN JUAN 11:21

Ix Marta u yälbi aj Jesús: ―Cajnoja, si ajniquet ica wida, mach ica chämi quitz'in.

SAN JUAN 11:32

Jinq'uin ix María c'oti bajca an aj Jesús, nocwäni tu yoc, u yälbi: ―Cajnoja, si ajniquet ica wida, mach ica chämi quitz'in.

SAN JUAN 21:10

Aj Jesús u yälbijob: ―Täsen tz'ita' ni buch' a totaj q'uechilaba.

SAN JUAN 21:13

Aj Jesús u ch'i ni waj u yäc'benob, che' chich täcä ni buch'.

SAN JUAN 21:9

Jinq'uin t'äbijob tä cab, u chänijob cache' ya'an jut c'ac', ya'an buch' y waj tu pam ni jut c'ac'.

SAN JUAN 6:11

Aj Jesús u ch'i jini waj u yälbi Dios que uc'adios u chi. De ya'i u yäc'bi u yajcänt'anob, y u yajcänt'anobba u pucbi machcatac ya' chumujtacba. Che' chich täcä u chijob t'oc ni buch', u pucbijob bäyexca u yolijob.

SAN JUAN 6:7

Aj Felipe u p'ali: ―Doscientos taq'uin de waj mach u yäc'ä tuba äc'binticob que sea tz'ita' cua' tä c'uxcan upete ni genteda.

2 CORINTIOS 8:9

Uc'a anela a wila cache' mäx ti'i u pixan Cajnojala aj Jesucristo. Une u cänäntan upete cua' chichca, pero uc'a u yajna'tanonla u laj äcti upete tuba u chen uba ca' untu pobre. U chi ca' jini tuba u ch'e' u yäc'benet sutwäniquetla ca' a wälä rico.

APOCALIPSIS 6:6

Y cubi ump'e t'an que u chi untu tänxin bajca anob najch'u'ul a'ajtä tä cielojobba. U yäli ca'da: ―Machca u mäne' ump'e kilo de trigo c'änä u toje' upete lo que u chi gana tä patan ump'e q'uin, y machca u mäne' uxp'e kilo de cebada c'änä u toje' upete lo que u chi gana tä patan ump'e q'uin täcä, uc'a wi'na yuwa, pero mach a'ben sätic ni aceite de olivoba y che' chich täcä ni vino ―che' u yäli.