SAN JUAN 12:40 - U Chʼuʼul Tʼan Dios

⁴⁰ Dios u mäcbi u jutob, u tzätz'esbi u pixanob uc'a mach u chen chanä t'oc u jutob y uc'a mach u sapän tu pixanob y uc'a mach u q'uexe' u c'ajalinob tuba japintic.

SAN JUAN 12:40 Iomraidhean Croise

SAN MATEO 15:14

Mach a chen casola cua' u yäle'ob. Unejobba ca' a wälä ajchoc'job une, ajye'bij tuba ajchoc'job. Si jini ajchoc' u ye'ben bij otro ajchoc', u cha'tuma chich u xe tä pomejob tama ch'en. U cha'tumajob u xe u säte' u bijijob.

SAN MARCOS 4:12

Uc'a tu chänenob ca' a wälä mach u chänejob cua', y tu yubinob mach u chen entendejob, y ca' jini mach u q'uexe' u c'ajalinob tuba cherbintic perdona u tanäjob.

SAN MARCOS 6:52

Unejobba mach to u totoj och tu c'ajalinob cua' u yoli u ye'e' t'oc jini waj, uc'a mäx tzätz to u pixanob.

SAN LUCAS 4:18

Ni Ch'u'ul Pixan tuba cä Yumla Dios ya'an täjcac'o, uc'a u yacon tuba cä tz'aycäbenjob pobrejilba ni t'an utzba ta Dios. U täscon tuba cä ch'a'alesben ujin machcatac triste u pixanob. U täscon tuba cä tz'aycäben machcatac ayan preso cache'da u xe tä chajcanob. U täscon tuba cä laj äc'ben u chen chanä ajchoc'. U täscon tuba cä japänob machcatac u tz'ibajtesan u yumob.

SAN LUCAS 8:10

Une u yäli ca'da: ―Anela äc'bintetla a wina'tanla cache'da an u manda Dios, jini mach bay älbinti niuntuba. Otrosjob u yälbinte t'oc tz'aji cache'da an u manda Dios, uc'a jinq'uin u chänen cua' cä chenba mach uxin u yäc'ben uba cuentajob cua' jini, y jinq'uin u yubinob cä t'an mach uxin u chen entendejob.

SAN JUAN 12:39

Jin uc'a mach u ch'ä u tz'onänob, uc'a aj Isaías chich u yäli täcä ca'da:

SAN JUAN 9:39

Aj Jesús u yäli: ―No'on aton pancab cäle' catac an tu toja, catac mach'an tu toja, uc'a machcatac mach u che chanäba u chen chanä, y machcatac u chen chanä sutwänic ca' ajchoc'.

HECHOS 15:3

Machcatac a'uti u woylan ubajob bixi u yäctanob tä bij. Unejob numijob tä Fenicia y tä Samaria, u tz'aycunob cache' aj gentilob u ch'ämbi u biji Dios. Upete machcatac u tz'omben u t'an Dios laj ch'a'ali ujinob u yubinob.

HECHOS 28:26

Cux bajca an ni gente jini y älbenob: T'oc a chiquinla a xe a ubinla, y mach uxet a ubinla utz. T'oc a jut a xe a chänenla, y mach uxin tä oche ta' c'ajalinla cua' jini.

HECHOS 3:19

Q'uexe a c'ajalinla jiq'uin, q'uexe a bijila, uc'a pa'säbintiquetla a tanäla y ca' jini ajnic ch'a'aljin ta' pixanla, jini u yäq'ue' Cajnojala Dios.

ROMANOS 9:18

Cheque chich que Dios u ch'ämben yajin machcatac yo u ch'ämben yajin uneba. Machcatac mach yo u ch'ämben yajin uneba, u tzätz'esben más u pixan.