APOCALIPSIS 21:3 - U Chʼuʼul Tʼan Dios

³ Y cubi ump'e noj t'an tä cielo u yäle' ca'da: ―Bada u yotot Dios u xe tä ajtä bajca an winicob. Dios u xe u chen vivi t'oc unejob, y unejob u xe tä ajtäjob de gente tuba. Dios chich une u xe tä ajtä nämte' t'oc unejob tuba ajnic de u Diosob.

APOCALIPSIS 21:3 Iomraidhean Croise

SAN JUAN 1:14

Jini T'an sutwäni de winic, tä' utz u c'ajalin y tä' toj u t'an. Cuxli t'oc no'onla. Cä chänila u pitzilan. Cä Papla Dios u yäc'bi u pitzilan u juntul Ajlo'.

SAN JUAN 14:23

Aj Jesús u yälbi: ―Machca u yajna'tanon, u xe u tz'ombenon cä t'an; cä Pap täcä u xe u yajna'tan; acä xe tä te t'ocob bajca an, cä xe tä ajtä t'ocob tomp'e t'oc une.

2 CORINTIOS 6:16

No'onla que tubalonla Dios mach'an cua' uc'a cä xabän cäbala t'oc jini yänäl diosob que u yute t'oc u c'äb winicba, uc'a no'onla chich ca' a wälä ni ch'ujonla tuba ni Dios cuxuba, ca' chich u yäli Dios oni tama ni jun tubaba ca'da: No'on ya' paq'uin cuxulon tama unejob y cä xe tä nume nämte' t'oc unejob. No'on chich une acä xe tä ajtä de Dios tubajob y unejobba u xe tä ajtäjob de ni gente täc'aba.

2 CORINTIOS 6:18

No'on cä xe de a Paponla y anela a xela de cajlo'etla y quixic ch'oquetla. Ca' jini u yäle' Cajnojala, jini que u cänäntan poder tuba u chen upete cua' chichcaba.

1 TESALONICENSES 3:11

Co que cä Papla Dios chich y Cajnojala aj Jesucristo u yäc'benon xicon bajca anetla.

HEBREOS 11:16

Pero unejobba tä' u yolijob u pojlen ump'e u cäji más utzba, jini ya'an tä cieloba. U c'alin tz'ombijob chich Dios, jin uc'a Dios täcä t'oc ch'a'aljin u sapijob tuba ajnic de u Diosob y u cherbijob chich jini u cäji u nume u sacänobba.

HEBREOS 8:10

Ji'pat de ni q'uinobdaba, jinda une ni cä xe cä chen t'oc u ch'ocob aj Israelobba: Cä xe cä'benob cä manda tu c'ajalinob y cä xe cä tz'ibbenob tu pixanob. No'on cä xe tä colan de u Diosob. Unejobba u xe tä colanob de cä gentejob. Ca' jini u yäle' Cajnojala Dios.

HEBREOS 8:2

Uneba mu' u cherben u patan Dios tä cielo tama jini ch'uj bajca más ch'u'ul chere uc'a Diosba, jini mero ch'uj que u chi Diosba, jini que mach jin winic pancab u chiba.

APOCALIPSIS 10:4

Jinq'uin u tzupsi u chen t'an ni chawäc, dachichda cä tz'ibän cua'tac u yälijob, pero xon cubin ump'e t'an tä cielo que u yäli ca'da: ―Mucu tan a pixan cua'tac u yälijob ni siete chawäc; mach a tz'ibän tä jun.

APOCALIPSIS 10:8

De ya'i cubi ni t'an tä cielo tä cha'num, ca' chich cubi najtäcä. Machca u chi t'anba u yälbon ca'da: ―Corre ch'ä ni yoc jun que jäbä ayan tu c'äb jini ángelo que ya' wa'ca t'oc untz'it yoc tuyac'o nab, y t'oc ni otro untz'itba tä cab ―ca' jini u yälbon.

APOCALIPSIS 12:10

De ya'i cubi u noj gran t'an tä cielo machca u yäle' ca'da: ―Bada ni cä Diosla u chi gana. Une u ye'i u poder ca' untu rey. Bada aj Cristo, jini u yaqui uneba u täq'ui u chen manda, uc'a apa'sinti une najsubba, jini que u bon c'ote ajniba tu pänte' cä Diosla t'oc q'uin y ac'äb tuba u sube' machcatac tuba chich Diosba.

APOCALIPSIS 21:7

Machcatac u chen trebe u c'älen tuba mach u chen niump'e cua' mach utzba u xe u mätanob upete ni cua' chichca jini cä xe cä chen tzijibba, y no'on cä xe tä ajtä de u Diosob y unejob u xe tä ajtäjob de cä ch'ocob.

APOCALIPSIS 22:3

Mach uni' xin tä colan niump'e cua' que Dios u yäli que mach utz. Jini chumlib ta rey bajca u chenob manda Dios y ni Ch'oc Oveja u xe tä ajtä ya' jini, y machcatac ya'an tu c'äb Dios u xe u cherbenob lo que une yo cherbintic.

APOCALIPSIS 7:15

Jin uc'a ya'anob tu pänte' Dios bajca u chen mandaba, y u ch'u'ul c'ajti'inob une upete q'uin y upete ac'äb bajca an tä cielo, y jini machca chumu an tä chumlib ta rey u xe u cänäntanob, uc'a une u xe tä ajtä t'oc unejob.