तीतस् 3:2 - चेपाङ

² ओउमयइ सुकायमा पेमालो दुस्‍त कुरालम तोजेलाम, र सुकुसिमा कायकायो काम जाह्‍ङ्‍जेलाम। बरु नम्र स्‍याउति जुदाकुसिले मिलति मुजेपनय।

तीतस् 3:2 Iomraidhean Croise

खबरदुत 23:5

पावल त्‍याङा, “ए! ङाको हउचोङ-पुःचोङलम, ओउपाय ताह्‍ङो पुजारि खेसास्‍याउना त दाह्‍यो कुरा ङाइ चिःओले नाःआक्‍ङल। धइतिदाह्‍य्‌सा धर्‌मसास्‍त्रहाङ लेखओ मुना, ‘नाङको मान्‍तालमको सासकको बिरोतहाङ नाङइ दुस्‍त कुरा नोःसा स्‍याउल।’”

१ थेसलोनिकि 2:7

कुनय यातचाक आमाइ लयको चोः चोःद्‍याङकाय स्‍याहार जाह्‍ङोलेखाले, नि निङकुस मुतोकहाङखे निङकुस नम्र स्‍याउतिले बेबहार जाह्‍ङालाङ्‍सु।

१ तीमोथी 3:11

ओउतहाइतिले दिकनलमको माचालममा अरुकाय जवमालो र पेओ चालचलनको स्‍याउसा परना। ओउमय लयको मनको अनुसासनहाङ मुसा परना र लयइ जाह्‍ङो हरेक कुरालमहाङ इमान्‍दार स्‍याउसा परना।

१ तीमोथी 3:3

ओउखे नाःतो ङोतिः तुङो मान्‍ता स्‍याउसा स्‍याउल। ओउपाय रिसाहा मान्‍ता स्‍याउसा स्‍याउल, बरु भलाद्‌मि स्‍याउसा परना। ओउ अरुकुस कायकाइति वाहो मान्‍ता स्‍याउसा स्‍याउल, र धन-सम्‍पतिको लोभ जाह्‍ङो मान्‍तामा स्‍याउसा स्‍याउल।