तीतस् 3:1 - चेपाङ

¹ सरकार र सरकारि हाकिमिलमको अधिनहाङ मुसा परना, ओउमयइ तोओ नेमलम पालन जाह्‍ङ्‍सा परना, र सधय पे-पेओ कामलम जाह्‍ङ्‍साको लागि तयार स्‍याउसा परना त दाह्‍यो कुरा नाङइ बिस्‍वासिलमकाय सम्‍झाउति बयु।

तीतस् 3:1 Iomraidhean Croise

१ तीमोथी 2:2

बिसेस जाह्‍ङ्‌ति राजालम र सासन जाह्‍ङो अरु ताह्‍ङो हाकिमिलमको लागि प्राथना जाह्‍ङ्‍नु, ओउत हाइतोकहाङ नि धोमाइतोकुसि याक्‍सा दोःनातहि र परमेस्‍वर झाक्‍तोको पेओ काम जाह्‍ङ्‍सा खाइनातह्‍य्‌नि।

१ तीमोथी 4:6

तिमोथि, यदि नाङइ इ कुरालमको बारेहाङ अरु बिस्‍वासिलमकाय पेतोकुसि तोतेनउ त खेया, नाङखे ख्रिस्‍त येसुको पेओ सेवकले स्‍याउतेना। अनि नाङइ पालन जाह्‍ङ्‍धय वाङो निको बिस्‍वासको पेओ स्‍यानरायइले नाङकाय बिस्‍वासहाङ बल्‍यो जाह्‍ङ्‍तेना।

१ तीमोथी 5:10

अनि ओउखे पे-पेओ काम जाह्‍ङोझ्‍यान्‍ते जुदा मान्‍तालमकसयले मान दोःओ स्‍याउसा परना। ओउइ लयको चोः चोःद्‍याङलमकाय पेतोकुसि स्‍यासो र पाहुनालमकाय लयको किमहाङ सेवा-सत्‍कार जाह्‍ङो स्‍याउसा परना, अनि ओउइ अरु बिस्‍वासिलमको दोम हुर्‌ति सेवा जाह्‍ङो र खान्‍चोहाङ परओलमकाय सहयोग जाह्‍ङो स्‍याउसा परना। ओउतले अरु पेओ कामलम जाह्‍ङो स्‍याउसा परना।

२ तीमोथी 1:6

ओउतझ्‍यान्‍ते ङाइ लयको क्रुत नाङको तालाङहाङ झाम्‍तोकहाङ परमेस्‍वरइ नाङकाय बइसास्‍यावो ग्‍वालामि बरदानकाय जिउदोले गमु त दाह्‍य्‌ति ङाइ नाङकाय सम्‍झाउनेनाङ।

२ तीमोथी 2:14

तिमोथि, इ कुरालमको बारेहाङ जुदा मान्‍तालमकाय सम्‍झाउ, र सब्‍दलमकाय लेःति लयमय कायकायो काम जाह्‍ङ्‍लाम त दाह्‍य्‌ति परमेस्‍वरको ङ्‍हा दर्‌कति तोउ। ओउतताह्‍ङो बहसलमइखे सुकायमा फाइदा जाह्‍ङुलु, र ओउतताह्‍ङो कुरालमइ सायो मान्‍तालमकायमा बिनासहाङ दाक्‍नउ।

२ तीमोथी 2:21

ओउतझ्‍यान्‍ते यदि कुनय मान्‍ताइ लयकाय सुद्‍ध जाह्‍ङ्‌ति गम्‍नउ त खेया, ओउखे मान-सम्‍मानको लागि प्रयोग जाह्‍ङो बिसेस भान्‍दाकुन्‍दालम लेखा स्‍याउलेना। ओउ सुद्‍ध स्‍याउना, अनि ओउको मालिकइ ओउकाय पेओ कामलमहाङ प्रयोग जाह्‍ङ्‍साको लागि तयार जाह्‍ङ्‍नाथय।

तीतस् 1:16

ओउतताह्‍ङो मान्‍तालमखे निइ परमेस्‍वरकाय चिःओ मुनाङ्‍सु त दाह्‍य्‌तिले नोःनय, तर ओउमयइ जाह्‍ङो कामलम दुवाराखे ओउमयइ परमेस्‍वरकाय चिःओ नाःइलि त दाह्‍य्‌ति चिःसा खाइना। ओउमय माहा पेमातो स्‍याउनय, र ओउमयइ परमेस्‍वरको आग्‍या पालन जाह्‍ङ्‍साकाय इन्‍कार जाह्‍ङ्‍नानि। अनि ओउमय पेओ काम जाह्‍ङ्‍साको लागि ज्‍योतो स्‍याविलि।

तीतस् 2:14

निकाय जुदा खालको पापलमसय छुत्‍कारा बइसा, र निको ल्‍हुङतुककाय सुद्‍ध जाह्‍ङ्‍साको लागि येसुइ बलिदानको रुपहाङ लयको रुवाङले बइसास्‍यावा। येसुइखे निकाय लयको मान्‍ता स्‍यावो र पे-पेओ कामलम जाह्‍ङ्‍सा मात्र झाको चाहसास्‍यावोझ्‍यान्‍ते ओउत जाह्‍ङ्‍सास्‍यावो खेना।

तीतस् 3:14

निको बिस्‍वासि होयालमखे पेओ कामलम जाह्‍ङ्‍सा स्‍यानपाइसि। ओउमयइ खान्‍चोहाङ परओलमकाय सहयोग जाह्‍ङ्‍सा खाइपानानि। ओउतहाइति बिस्‍वासिलमइ बेर्‌थको रुवाङ याक्‍सा परजेलाम।

तीतस् 3:8

ङाइ तोओ इ कुरालमखे बिस्‍वास जाह्‍ङ्‍सा ज्‍योओ सत्‍य कुराले खेना। बिसेस जाह्‍ङ्‌ति नाङइखे ङाइ तोओ इ कुरालम मान्‍तालमइ पेतोकुसि चिःतोसम्‍म स्‍यानो ङा चाहनाङ। ओउतस्‍याउतोक बेलाहाङ परमेस्‍वरहाङ बिस्‍वास जाह्‍ङो मान्‍तालम पेओ कामलम जाह्‍ङ्‍साको लागि होसियार स्‍याउलेनय। ओउ कुरालमखे जुदा मान्‍तालमको लागि पेतो र फाइदाको लागि स्‍याउलेना।