8 सत्य कुरालम मात्र स्यानु, ओउत हाइतोकहाङ सुइमा नाङको स्यानरायको बिरोत जाह्ङ्सा खाइनिलि। निको बिरोत जाह्ङ्साकाय दोह तुसमा स्याउमायापछि ओउ बइरिलम लयमयले रास्सितो स्याउलेनय।
अनि येसुइ ओउमयकाय तोसास्यावा, “ओउतखेया, दोह रोम देसको माहाराजाको खेना, ओउ रोम देसको माहाराजाकाय बइनु, र दोह परमेस्वरको खेना, ओउ परमेस्वरकायले बइनु।” येसुको एतताह्ङो जवाफ साइति ओउमय माहा जोक्तो ग्याह्ङाकाय।
येसु र सदुकिलम बहस जाह्ङ्कायधय मुतोकहाङ यातचाक धर्मगुरु येसुकहाङ वाङा। येसुइ मान्तालमको प्रस्नको सहि जवाफ बयो च्यउति ओउइ येसुकाय ह्वताकान, “अ गुरु, परमेस्वरइ बइसास्यावो नाःतो आग्यालम मध्येहाङ जुदासय महत्वको आग्याखे गाउ खेना?”
अनि धर्मगुरुइ येसुकाय तोआथय, “गुरु, नाङ सहि नोःसा स्याउतेआ। नाङइ तोसास्यावोलेखा प्रभु परमेस्वरखे यातज्योले खेओ प्रभु खेसास्याउना, र ओउ बाहेक अरु परमेस्वरखे नाःलेल।
ओउ मान्ताइ बुद्दिमानि स्याउति जवाफ बयो चिःति येसुइ ओउकाय एतदाह्य्ति तोसास्यावा, “नाङखे परमेस्वरइ लयको रुवाङहाङ राज्य जाह्ङो स्याउपाना त दाह्यो कुराहाङ लगभग तयार मुतेना।” ओउ बेलाहाङसय लोन्हेखे सु मान्तालमइमा येसुकाय अरु प्रस्न ह्वत्सा साहस जाह्ङ्निलि।
जब येसुइ एतताह्ङो जवाफ बइसास्यावा, येसुकाय बिरोत जाह्ङो जुदा मान्तालम रास्सितो स्यावाकाय। र ओहाङ मुओ अरु मान्तालमखे येसुइ जाह्ङ्सास्यावो ग्याह्ङ्सिओ काम च्यउति आसआकाय।
निइ इ चिथिहाङ तोओ कुराकाय कुनय मान्ताइ पालन जाह्ङ्सा इन्कार जाह्ङ्नउ त खेया निङइ ओउकाय तह्य्नु, र ओउकुस मिलति दोह बेबहारमा जाह्ङ्जेलाम। ओउतस्याउतोक बेलाहाङ ओउ लयले रास्सितो स्याउलेना।
ओउतझ्यान्ते ओउ मयो उमेरको राङ्गि मोम्चोलमइखे फेरि बिह्या जाह्ङो, चोः चोःद्याङलम नाःओ, र ल-लयको किम स्याहार जाह्ङो ङा चाहनाङ। ओउतस्याउतोक बेलाहाङ बइरिलममा ओउमयको बिरोतहाङ नोःसा खाइलेनिलि।
यदि कुनय मान्तालमइ बेग्लय खालको स्यानराय स्यान्नानि त खेया, ओउमयइखे निको प्रभु येसु ख्रिस्तको सत्य स्यानराय र निइ परमेस्वरकाय बइसा परओ भक्तिको स्यानरायकाय सुइकार जाह्ङो स्याउलेल।
निको बिस्वासि होयालमखे पेओ कामलम जाह्ङ्सा स्यानपाइसि। ओउमयइ खान्चोहाङ परओलमकाय सहयोग जाह्ङ्सा खाइपानानि। ओउतहाइति बिस्वासिलमइ बेर्थको रुवाङ याक्सा परजेलाम।