तीतस् 2:4 - चेपाङ

⁴ ओउ पाको बुधि मोम्‍चोलमइखे “ल-लयको पाचालम र चोः चोःद्‍याङलमकाय राप्‍सा परना” त दाह्‍य्‌ति जवान मोम्‍चोलमकाय तालिम बइसा परना।

तीतस् 2:4 Iomraidhean Croise

१ तीमोथी 5:11

तर मयो उमेरको राङ्‌गिलमकायखे राङ्‌गि मोम्‍चोलमको सङ्‍ख्‍याहाङ थेङजेलाम, धइतिदाह्‍य्‌सा ओउमयको जवानिपनको इच्‍छ्‍याको कारनइ ख्रिस्‍तको भक्‍ति जाह्‍ङ्‍साकाय फेआक्‍तिको फेरि बिह्‍या जाह्‍ङ्‍सा खाइनानि।

१ तीमोथी 5:14

ओउतझ्‍यान्‍ते ओउ मयो उमेरको राङ्‌गि मोम्‍चोलमइखे फेरि बिह्‍या जाह्‍ङो, चोः चोःद्‍याङलम नाःओ, र ल-लयको किम स्‍याहार जाह्‍ङो ङा चाहनाङ। ओउतस्‍याउतोक बेलाहाङ बइरिलममा ओउमयको बिरोतहाङ नोःसा खाइलेनिलि।

१ तीमोथी 5:2

ओउतहाइतिले लयसय ताह्‍ङो मोम्‍चोलमकायखे लयको आमाकाय लेखाले, र लयसय मयो मोम्‍चोलमकायखे लयको हउद्‍याङलमकाय लेखाले सुद्‍ध मनइ बेबहार जाह्‍ङु।

तीतस् 2:3

ओउतले पाको बुधि मोम्‍चोलमखे परमेस्‍वरकाय मान-सम्‍मान स्‍याउतो पेओ कामलम जाह्‍ङ्‌ति याक्‍सा परना त दाह्‍य्‌ति ओउमयकाय स्‍यानु। ओउमयइखे अरु मान्‍तालमकाय जवओ, र नाःतो ङोतिः तुङो काम जाह्‍ङ्‍सास्‍याउल। बरु अरु मान्‍तालमकाय पे-पेओ कुरालम स्‍यानो काम जाह्‍ङ्‍सा परना।

तीतस् 2:5

जवान मोम्‍चोलमखे बेबहारिक र योःन्‌मय स्‍याउसा परना, अनि लयको पाचाकाय मान-सम्‍मान जाह्‍ङो पेओ माचा स्‍याउसा परना। यदि ओउमय ओउतहाइति पेतोकुसि याक्‍नय त खेयाखे, सु मान्‍तालमइमा परमेस्‍वरको आखरको बिरोतहाङ पेमातो नोःसा खाइलेनिलि।