तीतस् 2:3 - चेपाङ

³ ओउतले पाको बुधि मोम्‍चोलमखे परमेस्‍वरकाय मान-सम्‍मान स्‍याउतो पेओ कामलम जाह्‍ङ्‌ति याक्‍सा परना त दाह्‍य्‌ति ओउमयकाय स्‍यानु। ओउमयइखे अरु मान्‍तालमकाय जवओ, र नाःतो ङोतिः तुङो काम जाह्‍ङ्‍सास्‍याउल। बरु अरु मान्‍तालमकाय पे-पेओ कुरालम स्‍यानो काम जाह्‍ङ्‍सा परना।

तीतस् 2:3 Iomraidhean Croise

१ तीमोथी 3:11

ओउतहाइतिले दिकनलमको माचालममा अरुकाय जवमालो र पेओ चालचलनको स्‍याउसा परना। ओउमय लयको मनको अनुसासनहाङ मुसा परना र लयइ जाह्‍ङो हरेक कुरालमहाङ इमान्‍दार स्‍याउसा परना।

१ तीमोथी 3:8

ओउतहाइतिले मन्‍दलिहाङ सेवा जाह्‍ङो दिकनलममा बिस्‍वासिलो र मान-सम्‍मान दोःसा ज्‍योओ स्‍याउसा परना। ओउमयखे नाःतो ङोतिः तुङो र धन-सम्‍पतिको लोभ जाह्‍ङो स्‍याउसा स्‍याउल।

१ तीमोथी 5:23

तिः मात्र तुङ्‌ति मुलाम। बरु नाङ घरि-घरि तुक जिःको बेथा नाःओझ्‍यान्‍ते, तुक जिःको स्‍याक्‍साको लागि ओखतिको रुपहाङ मइतोकाय धाकसायको ङोतिःमा तुङु।

तीतस् 1:7

धइतिदाह्‍य्‌सा मन्‍दलिको अगुवाखे परमेस्‍वरको काम जाह्‍ङो मान्‍ता स्‍यावोझ्‍यान्‍ते सुइमा पेमालो गाल बइसा खाइमातो स्‍याउसा परना। ओउखे ङाःरेउ अथबा रेह्‍न्‌तो रिस वाङो मान्‍ता स्‍याउसा स्‍याउल, अनि ओउ नाःतो ङोतिः तुङो अथबा कायकायो काम जाह्‍ङो अथबा धन-सम्‍पतिको लोभ जाह्‍ङो मान्‍तामा स्‍याउसा स्‍याउल।

तीतस् 2:4

ओउ पाको बुधि मोम्‍चोलमइखे “ल-लयको पाचालम र चोः चोःद्‍याङलमकाय राप्‍सा परना” त दाह्‍य्‌ति जवान मोम्‍चोलमकाय तालिम बइसा परना।