तीतस् 2:1 - चेपाङ

¹ तर तितस, नाङइखे बिस्‍वासिलमकाय परमेस्‍वरको सत्‍य स्‍यानराय मात्र स्‍यानु।

तीतस् 2:1 Iomraidhean Croise

१ तीमोथी 1:10

ओउतले इखे बेभिचारि मान्‍तालम, र गोय्‍चो-गोय्‍चो अथबा मोम्‍चो-मोम्‍चोको माझहाङ बेभिचार जाह्‍ङोलम, नोकरको रुपहाङ विःन्‌साको लागि मान्‍ताकाय अपहरन जाह्‍ङोलम, स्‍याताहा नोःओ र स्‍याताहा गभाइ बयोलम, र परमेस्‍वरको सत्‍य स्‍यानरायको बिरोतहाङ अरु कुरालम जाह्‍ङो मान्‍तालमको लागिमा जाह्‍ङो खेना।

१ तीमोथी 6:3

यदि कुनय मान्‍तालमइ बेग्‍लय खालको स्‍यानराय स्‍यान्‍नानि त खेया, ओउमयइखे निको प्रभु येसु ख्रिस्‍तको सत्‍य स्‍यानराय र निइ परमेस्‍वरकाय बइसा परओ भक्‍तिको स्‍यानरायकाय सुइकार जाह्‍ङो स्‍याउलेल।

२ तीमोथी 1:13

ङाइ नाङकाय स्‍यानो सत्‍य आखरकाय पेतोकुसि नमुनाको रुपहाङ ओमपाइति गमु। अनि नाङखे नाङकहाङ मुओ ख्रिस्‍त येसुको बिस्‍वास र रापमय अनुसार याक।

तीतस् 1:9

मन्‍दलिको अगुवाखे निइ स्‍यानो परमेस्‍वरको सत्‍य स्‍यानरायकाय पेतोकुसि बिस्‍वास जाह्‍ङ्‌ति मुसाखायो मान्‍ता स्‍याउसा परना। ओउतखेयाकाय मात्र ओउ, अरु मान्‍तालमकाय सत्‍य कुरा तोति हउसला बइसा, र सत्‍य आखरको बिरोतहाङ नोःओ मान्‍तालमकाय निङ स्‍याताहा खेतेनय त दाह्‍य्‌ति तोसा ज्‍योतो स्‍याउना।

तीतस् 3:8

ङाइ तोओ इ कुरालमखे बिस्‍वास जाह्‍ङ्‍सा ज्‍योओ सत्‍य कुराले खेना। बिसेस जाह्‍ङ्‌ति नाङइखे ङाइ तोओ इ कुरालम मान्‍तालमइ पेतोकुसि चिःतोसम्‍म स्‍यानो ङा चाहनाङ। ओउतस्‍याउतोक बेलाहाङ परमेस्‍वरहाङ बिस्‍वास जाह्‍ङो मान्‍तालम पेओ कामलम जाह्‍ङ्‍साको लागि होसियार स्‍याउलेनय। ओउ कुरालमखे जुदा मान्‍तालमको लागि पेतो र फाइदाको लागि स्‍याउलेना।