तीतस् 1:9 - चेपाङ

⁹ मन्‍दलिको अगुवाखे निइ स्‍यानो परमेस्‍वरको सत्‍य स्‍यानरायकाय पेतोकुसि बिस्‍वास जाह्‍ङ्‌ति मुसाखायो मान्‍ता स्‍याउसा परना। ओउतखेयाकाय मात्र ओउ, अरु मान्‍तालमकाय सत्‍य कुरा तोति हउसला बइसा, र सत्‍य आखरको बिरोतहाङ नोःओ मान्‍तालमकाय निङ स्‍याताहा खेतेनय त दाह्‍य्‌ति तोसा ज्‍योतो स्‍याउना।

तीतस् 1:9 Iomraidhean Croise

खबरदुत 18:28

ओउइ येसुले ख्रिस्‍त खेसास्‍याउना त दाह्‍य्‌ति धर्‌मसास्‍त्रसय पेतोकुसि प्रमान बइति जुदा मान्‍तालमको ङ्‍हाहाङले यहुदिलमकुस जोक्‍तोले बहस जाह्‍ङाकान।

१ थेसलोनिकि 5:21

तर ओउ जुदा कुराको जाच जाह्‍ङ्‍नु, अनि पेओ कुराहाङखे लागतिले मुन।

२ थेसलोनिकि 2:15

ओउतझ्‍यान्‍ते ङाको राप्‍तो बिस्‍वासि होयालम, निइ निङकाय क्रुस्‍ति र चिथि दुवारा दोह-दोह कुरा स्‍यान्‍नेआलाङ्‍स, ओउ कुराकाय ङ्‍हाम्‌ति बिस्‍वासहाङ ज्‍योतो स्‍याउति मुन।

१ तीमोथी 1:10

ओउतले इखे बेभिचारि मान्‍तालम, र गोय्‍चो-गोय्‍चो अथबा मोम्‍चो-मोम्‍चोको माझहाङ बेभिचार जाह्‍ङोलम, नोकरको रुपहाङ विःन्‌साको लागि मान्‍ताकाय अपहरन जाह्‍ङोलम, स्‍याताहा नोःओ र स्‍याताहा गभाइ बयोलम, र परमेस्‍वरको सत्‍य स्‍यानरायको बिरोतहाङ अरु कुरालम जाह्‍ङो मान्‍तालमको लागिमा जाह्‍ङो खेना।

१ तीमोथी 1:15

निको ख्रिस्‍त येसु पापि मान्‍तालमकाय दल्‍ताक्‍साको लागि इ सङ्‍सारहाङ वाङ्‍सास्‍यावो खेना त दाह्‍यो कुराखे जुदाइले मानसा र बिस्‍वास जाह्‍ङ्‍सा परओ सत्‍य कुरा खेना। र पापि मान्‍तालम मध्‍येहाङ जुदासय पेमालो पापिखे ङाले खेनाङ।

१ तीमोथी 1:19

लयको बिस्‍वासकाय ख्रिस्‍तहाङ गम्‍ति सुद्‍ध बिबेक अनुसार काम जाह्‍ङु। धइतिदाह्‍य्‌सा गच्‍युक मान्‍तालमइ लयको बिबेककाय इन्‍कार जाह्‍ङोझ्‍यान्‍ते ख्रिस्‍तहाङ लयको बिस्‍वासकाय दल्‍ताक्‍ति गम्‍सा खाइनिलि।

१ तीमोथी 4:9

इ कुराखे बिस्‍वास जाह्‍ङ्‍सा ज्‍योओ कुराले खेना, र जुदाइले इ कुराकाय सुइकार जाह्‍ङ्‍सा परलेना।

१ तीमोथी 6:3

यदि कुनय मान्‍तालमइ बेग्‍लय खालको स्‍यानराय स्‍यान्‍नानि त खेया, ओउमयइखे निको प्रभु येसु ख्रिस्‍तको सत्‍य स्‍यानराय र निइ परमेस्‍वरकाय बइसा परओ भक्‍तिको स्‍यानरायकाय सुइकार जाह्‍ङो स्‍याउलेल।

२ तीमोथी 1:13

ङाइ नाङकाय स्‍यानो सत्‍य आखरकाय पेतोकुसि नमुनाको रुपहाङ ओमपाइति गमु। अनि नाङखे नाङकहाङ मुओ ख्रिस्‍त येसुको बिस्‍वास र रापमय अनुसार याक।

२ तीमोथी 2:2

नाःतो साछिलमको माझहाङ ङाइ स्‍यानो स्‍यानरायपाय नाङइ सायोले मुतेना। द्‍याहखे नाङइ ओउ स्‍यानराय अरु मान्‍तालमकायमा स्‍यान्‍सा खायो बिस्‍वासिलो मान्‍तालमकाय स्‍यानु।

२ तीमोथी 2:25

ओउमयइखे लयको बिरोत जाह्‍ङो मान्‍तालमकाय अर्‌थि बइतोकहाङ नम्र स्‍याउति बेबहार जाह्‍ङ्‍सा परना। सायद ओउत हाइतोकहाङ परमेस्‍वरइ ओउ बिरोत जाह्‍ङो मान्‍तालमको ल्‍हुङतुककाय परिवर्‌तन जाह्‍ङ्‍सास्‍याउना, र ओउमयइ परमेस्‍वरको सत्‍यताकाय चिःसा खाइनानि।

२ तीमोथी 3:14

तर पेओ खबरको बारेहाङ नाङइ सु-सुकसय स्‍यानराय दोःतेआ त दाह्‍यो कुरापाय नाङइ चिःओले मुतेना। ओउतझ्‍यान्‍ते नाङखे धइरेताकुसिले ओउ कुराहाङ बिस्‍वास जाह्‍ङ्‌ति मुअ।

२ तीमोथी 4:3

धइतिदाह्‍य्‌सा मान्‍तालमइ परमेस्‍वरको सत्‍य स्‍यानरायकाय साइमालो समयमा वाङ्‌लेना। ओउमयखे लयको इच्‍छ्‍याको लोन्‍हे लागनय, र ओउमयइ लयमयको इच्‍छ्‍या अनुसारको कुरा तोतिबयो स्‍याताहा गुरुलमको कुराकाय साइनानि।

तीतस् 1:11

तर नाङइखे ओउमयकाय ङइमात मुताक्‍सा परलेना, धइतिदाह्‍य्‌सा स्‍यान्‍साले स्‍याउमालो स्‍याताहा कुरालम स्‍यान्‍ति किमको जुदा माचरलमकाय ओउमयइ सत्‍य स्‍यानराय फेति ओउमयको स्‍याताहा स्‍यानरायहाङ बिस्‍वास जाह्‍ङ्‍ताको मुना। अनि ओउमयइखे थेपोको लागि मात्र ओउत जाह्‍ङो खेनय।

तीतस् 2:1

तर तितस, नाङइखे बिस्‍वासिलमकाय परमेस्‍वरको सत्‍य स्‍यानराय मात्र स्‍यानु।