तीतस् 1:8 - चेपाङ8 बरु ओउखे पाहुनालमको सेवा-सत्कार जाह्ङो र पेओ कुराकाय मात्र झाको मान्ता स्याउसा परना। अनि ओउखे लयको मन र रुवाङकाय अनुसासनहाङ गम्साखायो, धर्मि र पबित्र मान्ता स्याउसा परना। Faic an caibideil |
तीतस् 1:8
17 Iomraidhean Croise
जब पावलइ ओउनिसकाय “निखे परमेस्वरको नजरहाङ धर्मि स्याउति याक्सा परना, निइ लयको मनकाय अनुसासनहाङ गम्सा परना, र परमेस्वरइ न्याय जाह्ङ्साखेओ दिन वाङ्धय मुना” त दाह्य्ति तोआकान, अनि फेलिक्स रइतिझ्यान्ते पावलकाय एत तोआकान, “देङेकाय इच्युकले स्यावा, नाङ देङे इहाङसय पाह्य। जब मउका मिलना, ङाइ नाङकाय फेरि गोत्नेनाङ।”
ओउतझ्यान्ते मन्दलिको अगुवाखे सुइमा गाल बइसा खाइमातो स्याउसा परना। ओउखे यातयज्यो मात्र माचाको पाचा स्याउसा परना, र ओउखे लयको मन र रुवाङको अनुसासनहाङ मुसा खाइसा परना। ओउतले ओउखे मान-सम्मान दोःसा ज्योतो स्याउसा परना, अनि अरुको सेवा-सत्कार जाह्ङ्सा, र अरुकाय पेतो स्यान्सा खाइतो स्याउसा परना।
नाङ अझसम्मले जवान मुतेना, तर खेयाकायमा जुदा मान्तालमइ नाङकाय मन्दलिको अगुवाको रुपहाङले मान जाह्ङ्तेपाना। बिस्वासिलम गतहाइति याक्सा परना त दाह्यो कुरा ओउमयकाय छ्यान्ति बयु। अनि नाङ दोह नोःतेना, दोह जाह्ङ्तेनउ, मान्तालमकाय गतहाइति राप्तेनउ, परमेस्वरकाय गतहाइति बिस्वास जाह्ङ्तेनउ, अनि गतहाइति रुवाङहाङ सुद्ध स्याउति याक्तेना त दाह्यो कुराहाङखे नाङ बिस्वासिलमको लागि यातज्यो नमुना स्याव।
तर तिमोथि, नाङपाय परमेस्वरको मान्ता खेतेना, ओउतझ्यान्ते ओउतताह्ङो दुस्त कुरालमकसय नाङ दल्ति मुअ। परमेस्वर झाको अनुसारको कामलम जाह्ङु र धार्मिक्ताहाङ परमेस्वर लेखाले स्याउसा कोसिस जाह्ङु। बिस्वासिलो स्याव, र अरु मान्तालमकाय रापु। अनि समस्यालम वाङ्तोक बेलाहाङ धइरे जाह्ङु, र जुदा मान्तालमकुसि नम्र बेबहार जाह्ङु।
Sanasan