तीतस् 1:3 - चेपाङ

³ र देङेखे, मान्‍तालमइ लयको पेओ खबर चिःपानानि त दाह्‍य्‌ति परमेस्‍वरइ सहि समयहाङले निर्‌नय जाह्‍ङ्‍सास्‍यावा। ओउ आखर घोसना जाह्‍ङ्‍सा अधिकारखे परमेस्‍वरइ बिस्‍वास दुवारा ङाकाय सुम्‍पति बइसास्‍यावा, र निको मुक्‍तिदाता परमेस्‍वरइ आग्‍या जाह्‍ङ्‍सास्‍यावो अनुसारले ङाइ ओउ पेओ खबरको प्रचार जाह्‍ङ्‍नाङ।

तीतस् 1:3 Iomraidhean Croise

मर्‌कस् 1:15

येसुइ तोसास्‍यावा, “परमेस्‍वरइ बाचा जाह्‍ङ्‍सास्‍यावो समय वाङ्‌तिखायो मुना, र रेह्‍न्‌तोले परमेस्‍वरइ राजा स्‍याउति राज्‍य जाह्‍ङ्‍सास्‍याउलेना। निङइ लयको पापको पस्‍ताप जाह्‍ङ्‍नु र परमेस्‍वरको पेओ खबरहाङ बिस्‍वास जाह्‍ङ्‍नु।”

मर्‌कस् 13:10

तर सङ्‍सारको अन्‍तिम स्‍याउसासय ङ्‍हाखे, जुदा मान्‍तालमकाय परमेस्‍वरको पेओ खबर प्रचार जाह्‍ङ्‍सा परलेना।

मर्‌कस् 16:15

अनि येसुइ चेलालमकाय तोसास्‍यावा, “सङ्‍सारको जुदा थाउहाङ आल्‍न, र जुदा मान्‍तालमकाय ङाको पेओ खबर प्रचार जाह्‍ङ्‍नु।

लुका 1:47

र ङाको ग्‍वालाम ङाको मुक्‍तिदाता परमेस्‍वरहाङ चोङाइलेना।

खबरदुत 10:36

इखे परमेस्‍वरइ इस्राएलको मान्‍तालमकाय ल्‍होक्‍सास्‍यावो पेओ खबरको खबर खेना, परमेस्‍वर र मान्‍तालमको माझहाङ येसु ख्रिस्‍त दुवारा मात्र धोमायो सम्‍भब स्‍याउलेना। ओउले जुदा मान्‍तालमको प्रभु खेसास्‍याउना।

खबरदुत 17:26

परमेस्‍वरइले यातयज्‍यो मान्‍ताकसय ल्‍हाउदयबाङभरिको जुदा जातिलम जाह्‍ङ्‍सास्‍यावा। ओउमय स्‍याक्‍साखेओ समय र याक्‍साखेओ थाउ परमेस्‍वरइ ङ्‍हाखाले दोक्‍ति बइसास्‍यावो मुना।

१ थेसलोनिकि 2:4

बरु परमेस्‍वरइ निकाय ज्‍योतो ताःति पेओ खबर प्रचार जाह्‍ङ्‍साको लागि जिम्‍मेवारि बइसास्‍यावोझ्‍यान्‍ते निखे सधय परमेस्‍वरको इच्‍छ्‍या अनुसारले नोःनाङ्‍सु। निइपाय मान्‍तालमकाय आसताक्‍सा कोसिस जाह्‍ङ्‍ङसुलु, तर निको मनको बिचारकाय चिःसास्‍यावो परमेस्‍वरकायखे आसताक्‍सा कोसिस जाह्‍ङ्‍नाङ्‍सु।

१ तीमोथी 1:1

इ चिथिखे ङा पावलको तर्‌फसय खेना। निको मुक्‍तिदाता परमेस्‍वर र निइ आसा गमो ख्रिस्‍त येसुइले ङाकाय ख्रिस्‍त येसुको खबरदुत स्‍याउसाको लागि आग्‍या जाह्‍ङ्‍सास्‍यावो खेना।

१ तीमोथी 1:11

ओउ नेम-कानुनखे निको महान् परमेस्‍वरकसय वाङो महिमित पेओ खबर अनुसार पालन स्‍याउसापरना। अनि इ पेओ खबर मान्‍तालमकाय तोसाको लागि परमेस्‍वरइ ङाकाय छ्‍युह्‍ङ्‍सास्‍यावो मुना।

१ तीमोथी 2:3

ओउतताह्‍ङो प्राथनाखे माहा पेतो स्‍याउना र निको मुक्‍तिदाता परमेस्‍वरमा आससा स्‍याउना।

१ तीमोथी 4:10

निइ माहा जोक्‍तो मेहेनतकुसि काम जाह्‍ङ्‍नातह्‍य्‌नि, धइतिदाह्‍य्‌सा निइ जिउदो परमेस्‍वरकहाङ आसा-भरोसा गमो मुनातहि। ओउ परमेस्‍वरखे जुदा मान्‍तालमको, र बिसेस जाह्‍ङ्‌ति बिस्‍वास जाह्‍ङोलमको मुक्‍तिदाता खेसास्‍याउना।

२ तीमोथी 4:17

तर ङाकाय सहयोग जाह्‍ङ्‍साको लागि ङाको पासहाङ प्रभु खेसास्‍याउतो। प्रभुइले ङाकाय बल बइसास्‍यावोझ्‍यान्‍ते ङाइ पेतोकुसि पेओ खबर प्रचार जाह्‍ङ्‍सा खायालाङ, र अरु जातिको जुदा मान्‍तालमइले ओउ साइसा दोःआकाय। ओउतहाइति प्रभुइ ङाकाय जाःको म्‍होतोङसय दल्‍ताक्‍सास्‍यावा।

तीतस् 2:10

अथबा लयको मालिकलमको दोह थोकलममा कुःजेलाम। ओउमयखे माहा जोक्‍तो इमान्‍दार र बिस्‍वासिलो स्‍याउसा परलेनय। ओउतखेयाकाय मात्र जुदा मान्‍तालमइ निको मुक्‍तिदाता परमेस्‍वरको बारेहाङ स्‍यानो कुरालमकाय ताह्‍ङ्‍तो मान-सम्‍मान जाह्‍ङ्‍लेनानि।

तीतस् 2:13

येसु ख्रिस्‍त लयको महान् महिमाकुस इ ल्‍हाउदयबाङहाङ द्‍याह्‍न्‌ति वाङ्‍साखेओ निको महान् आसाकाय ल्‍युह्‍ङ्‌ति मुतोकहाङ निखे ओउतहाइतिले याक्‍सा परनातहि। अनि ओउ येसु ख्रिस्‍तले निको महान् परमेस्‍वर र मुक्‍तिदाता खेसास्‍याउना।