तीतस् 1:11 - चेपाङ

¹¹ तर नाङइखे ओउमयकाय ङइमात मुताक्‍सा परलेना, धइतिदाह्‍य्‌सा स्‍यान्‍साले स्‍याउमालो स्‍याताहा कुरालम स्‍यान्‍ति किमको जुदा माचरलमकाय ओउमयइ सत्‍य स्‍यानराय फेति ओउमयको स्‍याताहा स्‍यानरायहाङ बिस्‍वास जाह्‍ङ्‍ताको मुना। अनि ओउमयइखे थेपोको लागि मात्र ओउत जाह्‍ङो खेनय।

तीतस् 1:11 Iomraidhean Croise

लुका 20:40

ओहाङसयको ओउमयइ येसुकाय अरु नाःतो प्रस्‍न ह्‍वत्‍सा आतनिलि।

१ तीमोथी 5:13

ओउच्‍युक मात्र खेल, यदि ओउमयकाय राङ्‌गि मोम्‍चोलमको सङ्‍ख्‍याहाङ थेङना त खेया, ओउमय मान्‍तालमको किम-किमहाङ आल्‍ति लयको समय खेरो वाइनानि र अरुकाय जवनानि, अनि मान्‍तालमकाय कुल काओ काम जाह्‍ङ्‍नानि र नोःसाले स्‍याउमालो कुरालममा नोःलेनय।

१ तीमोथी 5:4

तर यदि कुनय राङ्‌गि मोम्‍चोको चोः चोःद्‍याङलम र मोःम-प्‍लोःमलम मुनय त खेया, ओउइ ओउमयको स्‍याहार जाह्‍ङोलेखाले ङ्‍हाखे ओउमयइले ओउको स्‍याहार जाह्‍ङ्‌ति परमेस्‍वरको सेवा जाह्‍ङ्‍सा स्‍यानपाइसि। धइतिदाह्‍य्‌सा ओउत जाह्‍ङो कुराहाङ परमेस्‍वर म्रोसा स्‍याउलेना।

१ तीमोथी 6:5

र ओउतताह्‍ङो मान्‍तालमइ सधय समस्‍यालम मात्र वान्‍नानि। ओउमयको बिचार भ्रस्‍त स्‍याउना, र ओउमयइ सत्‍यताकाय फेतिखायो स्‍याउनय। ओउमयको बिचारहाङ परमेस्‍वरको भक्‍ति जाह्‍ङो कुराकायखे धन-सम्‍पति कमावो कुरा त म्‍हर्‌लेनय।

२ तीमोथी 2:18

सिओसय उह्‍ति च्‍योको काम ङ्‍हाखाले स्‍याउतिखायो मुना त दाह्‍य्‌ति ओउनिसइ सत्‍यको ल्‍यामकाय फेआकाचु। एतहाइति ओउनिसइ केहि बिस्‍वासिलमको बिस्‍वासकायमा मिह्‍तो जाह्‍ङ्‍ताक्‍धय मुनाच।

२ तीमोथी 3:6

ओउमय मध्‍येको केहि मान्‍तालमखे अरु मान्‍तालमको किम-किमहाङ पोक्‍नय, अनि लयमयइ जाह्‍ङो पापको लिओ भारि र नाःतो खालको दुस्‍त इच्‍छ्‍यालमको बन्‍धनहाङ परओ मुर्‌ख मोम्‍चोलमकाय लयको अधिनहाङ गम्‍नानि।

तीतस् 1:7

धइतिदाह्‍य्‌सा मन्‍दलिको अगुवाखे परमेस्‍वरको काम जाह्‍ङो मान्‍ता स्‍यावोझ्‍यान्‍ते सुइमा पेमालो गाल बइसा खाइमातो स्‍याउसा परना। ओउखे ङाःरेउ अथबा रेह्‍न्‌तो रिस वाङो मान्‍ता स्‍याउसा स्‍याउल, अनि ओउ नाःतो ङोतिः तुङो अथबा कायकायो काम जाह्‍ङो अथबा धन-सम्‍पतिको लोभ जाह्‍ङो मान्‍तामा स्‍याउसा स्‍याउल।

तीतस् 1:9

मन्‍दलिको अगुवाखे निइ स्‍यानो परमेस्‍वरको सत्‍य स्‍यानरायकाय पेतोकुसि बिस्‍वास जाह्‍ङ्‌ति मुसाखायो मान्‍ता स्‍याउसा परना। ओउतखेयाकाय मात्र ओउ, अरु मान्‍तालमकाय सत्‍य कुरा तोति हउसला बइसा, र सत्‍य आखरको बिरोतहाङ नोःओ मान्‍तालमकाय निङ स्‍याताहा खेतेनय त दाह्‍य्‌ति तोसा ज्‍योतो स्‍याउना।

तीतस् 3:10

निङको माझहाङ वेङ्‍काइतो जाह्‍ङो मान्‍तालमकायखे यात-निस पल्‍तकाय दर्‌कति तोनु, ओउच्‍युक हाइतिमा माःनेनिलि त खेयाखे ओउमयको दोह वास्‍तामा जाह्‍ङ्‍लाम।