मर्‌कस् 2:2 - चेपाङ

² अनि नाःतो मान्‍तालम येसु मुसास्‍यावो किमहाङ दाह्‍तिवाङाकाय, र किमभित्र ह्‍योक्‍मालोझ्‍यान्‍ते किमको दह्‍य्‌लो बाहिरसम्‍ममा मान्‍तालमको हुलइ ब्‍लिङाकाय। येसुइ ओउमयकाय परमेस्‍वरको आखर प्रचार जाह्‍ङ्‍सास्‍याउधय खेतो।

मर्‌कस् 2:2 Iomraidhean Croise

मर्‌कस् 1:14

युहन्‍नाकाय पक्रति झेलकनहाङ काओको लोन्‍हे, येसु गालिल छेत्रहाङ आलाक्‍तिको परमेस्‍वरको पेओ खबर प्रचार जाह्‍ङ्‍सा फाःङाकान।

मर्‌कस् 1:33

येसुकाय योसाको लागि सिमोनको किमको दह्‍य्‌लो बाहिर कफर्‌नहुम सहरको जुदा मान्‍तालम हुमाकाय।

मर्‌कस् 1:37

अनि ओउमयइ येसुकाय क्रुसापछि एतदाह्‍य्‌ति तोआकानि, “जुदा मान्‍तालम नाङकाय बोःङ्‍धय मुनय।”

मर्‌कस् 1:45

तर ओउ मान्‍ता पाह्‍या, र जुदा थाउहाङ आल्‍ति नाःतो मान्‍तालमकाय ओउ कुरा ल्‍हाक्‍ति छ्‍यानाकान। अनि मान्‍तालमको नाःतो हुलइ येसुको वरिपरिसय घेरओझ्‍यान्‍ते येसुकाय सहरताङ आल्‍साले दुक्‍तो स्‍यावा। ओउतझ्‍यान्‍ते येसु सुमा नाःमालो एकान्‍त थाउताङ आल्‍ति मुसास्‍यावा, तर ओहाङमा मान्‍तालम वरिपरिसय येसुकहाङ वाङाकाय।

मर्‌कस् 2:1

केहि दिन लोन्‍हे येसु कफर्‌नहुम सहरताङ द्‍याह्‍न्‌सास्‍यावा, र येसु किमहाङ दाह्‍सास्‍यावो मुना त दाह्‍यो कुराको खबर रेह्‍न्‌तोले भयभय त स्‍यावा।

मर्‌कस् 2:13

येसु फेरि गालिल समुन्‍द्रको किनारताङ द्‍याह्‍न्‌ति आल्‍सास्‍यावा। नाःतो मान्‍तालम येसुकहाङ वाङाकाय, र येसुइ ओउमयकाय स्‍यानराय बइसा फाःङ्‌सास्‍यावा।

मर्‌कस् 6:34

येसु दोङगासय ग्‍ल्‍युह्‍ङ्‍सास्‍याउतोक बेलाहाङ नाःतो मान्‍तालमको हुल हुम्‍तिमुओ येसुइ च्‍यउसास्‍यावा। ओउमयकाय च्‍यउति येसुको ल्‍हुङतुक योःन्‌मयइ ब्‍लिङा, धइतिदाह्‍य्‌सा ओउमयखे गोथालो नाःमालो भेदालम लेखा खेइतो। ओउतझ्‍यान्‍ते येसुइ ओउमयकाय नाःतो कुरालम स्‍यान्‍सास्‍यावा।

लुका 12:1

जब हजारउ मान्‍तालमको ताह्‍ङो हुल हुमाकाय, नाःतो हुल स्‍यावोझ्‍यान्‍ते हुलमुलहाङ लयमयले दोम झोकाइतोसम्‍म स्‍यावाकाय। ओउबेलाहाङ येसुइ ङ्‍हा लयको चेलालमकाय तोसास्‍यावा, “निङखे फरिसिलमको खमिरसय दल्‍ति मुन। तोओको माने, ओउमयको गनमार्‌या मनसय दल्‍ति मुन।

लुका 5:17

यात दिन येसुइ मान्‍तालमकाय स्‍यान्‍‍‍सास्‍याउधय खेतो, यरुसलेम सहरसय अनि गालिल र यहुदिया छेत्रको जुदा गाउलमसय, फरिसि र धर्‌मगुरुलममा वाङ्‌ति येसुको द्‍याङ्‍तो च्‍युःङ्‌तिमुओ खेइतो। येसुकुस बिरामिलमकाय स्‍याक्‍ताको प्रभु परमेस्‍वरको जिःङ खेतो।

लुका 8:1

ओहाङसयको येसु परमेस्‍वरको राज्‍यको पेओ खबर प्रचार जाह्‍ङ्‍धय सहर-सहर र गाउ-गाउताङ आल्‍सास्‍यावा। बाह्र जना मुख्‍य चेलालममा येसुकुस ब्रकले आलाकाय।

लुका 8:11

“इ ल्‍हाकरायको माने इ खेना, बिया त तोओखे परमेस्‍वरको आखर खेना।

खबरदुत 11:19

स्‍तिफनसकाय सात्‍तोक बेलाहाङ ताह्‍ङो सतावत वाङोझ्‍यान्‍ते केहि बिस्‍वासिलम छरपस्‍त स्‍यावाकाय। ओउमय यहुदिलमकाय मात्र प्रचार जाह्‍ङ्‍धय फोनिके छेत्र, साइप्रस तापु र सिरियाको एन्‍तिओखिया सहरसम्‍मको यात्रा जाह्‍ङाकानि।

खबरदुत 14:25

र पामफिलियाको पर्‌गा सहरहाङ प्रचार जाह्‍ङाक्‍तिको ओउनिस अतालिया सहरताङ आलाकाच।

खबरदुत 16:6

पावल, सिलास र तिमोथिखे एसिया इलाकाहाङ परमेस्‍वरको आखर प्रचार जाह्‍ङ्‍सा चाहओ खेइतो, तर पबित्र ग्‍वालामइखे ओउमयकाय अनुमति बइसास्‍याउल। ओउतझ्‍यान्‍ते ओउमय फ्रिगिया र गलातियाको छेत्र स्‍याउधय आलाकाय।

खबरदुत 8:25

ओहाङसयको पत्रुस र युहन्‍नाइ प्रभु येसुको बारेहाङ मान्‍तालमकाय लयनिसइ च्‍यवो कुरालमको प्रचार जाह्‍ङ्‌ति र तोति भ्‍याआपछि, ओउनिस यरुसलेमताङ द्‍याह्‍न्‌ति पाह्‍याकाच। ओउनिस पाह्‍य्‌तोकहाङ ल्‍यामहाङ परओ सामरियाको नाःतो गाउलमहाङमा परमेस्‍वरको पेओ खबर प्रचार जाह्‍ङाकाचु।

२ तीमोथी 4:2

परमेस्‍वरको आखर मान्‍तालमकाय प्रचार जाह्‍ङु। प्रचार जाह्‍ङ्‍साको लागि बेलाहाङमा कुबेलाहाङमा तयार स्‍याउति मुअ। मान्‍तालमइ गल्‍ति जाह्‍ङ्‍तोकहाङ सुधार जाह्‍ङु, र फेरि गल्‍ति जाह्‍ङ्‍मासाको लागि थतु, अनि पेओ काम जाह्‍ङ्‍साको लागि हउसला बयु। तर मान्‍तालमकाय पेओ स्‍यानराय बइतोकहाङखे धइरे स्‍याउतिले स्‍यानु।