मर्‌कस् 1:4 - चेपाङ

⁴ ओउतझ्‍यान्‍ते मान्‍तालमकाय बप्‍तिस्‍मा बइधय सुमा याक्‍मालो थाउहाङ युहन्‍ना थालाङ वाङा। ओउइ मान्‍तालमकाय “निङइ लयइ जाह्‍ङो पापलमको पस्‍ताप जाह्‍ङ्‌ति बप्‍तिस्‍मा लेःनु, अनि परमेस्‍वरइ निङको पापलम छेमा जाह्‍ङ्‍सास्‍याउना” त दाह्‍य्‌ति प्रचार जाह्‍ङाकान।

मर्‌कस् 1:4 Iomraidhean Croise

लुका 1:77

परमेस्‍वरइ गतहाइति लयको मान्‍तालमको पाप छेमा जाह्‍ङ्‍सास्‍याउना, र दल्‍ताक्‍सास्‍याउना त दाह्‍यो कुरा नाङइ ओउमयकाय तोतेनउ।

खबरदुत 22:16

ओउतझ्‍यान्‍ते द्‍याह नाङइ दोहको लागि ल्‍युह्‍ङ्‍तेनउ र? च्‍योक र बप्‍तिस्‍मा लेःउ अनि प्रभुको मय्‍ङहाङ प्राथना जाह्‍ङ्‌ति लयको पापलमसय सुद्‍ध स्‍याव।’

खबरदुत 10:37

युहन्‍नाइ मान्‍तालमकाय बप्‍तिस्‍मा लेःसाको लागि प्रचार जाह्‍ङापछि गालिल छेत्रसय सुरु स्‍याउति जुदा यहुदियाहाङ स्‍यावो घतनाको बारेहाङ निङइ चिःओले मुतेनय।

मर्‌कस् 1:5

यहुदियाको जुदा छेत्र र यरुसलेम सहरसय नाःतो मान्‍तालम युहन्‍नाकाय योलाङ र ओउको कुरा साइलाङ वाङाकाय। जब ओउमयइ ल-लयको पापकाय चिःति पस्‍ताप जाह्‍ङाकानि, अनि युहन्‍नाइ ओउमयकाय यर्‌दन खोलाहाङ बप्‍तिस्‍मा बयाथास।