लुका 8:2 - चेपाङ

² अनि दुस्‍त ग्‍वालामलम र रोगलमसय स्‍याको गच्‍युक मोम्‍चोलममा येसुकुस ब्रकले खेइतो, र ओउमय मध्‍येहाङ मग्‍दलिनि त तोओ मरियममा खेतो, र येसुइ ओउको ज्‍यानसय सात गोता लानलम रुःन्‌ति ल्‍होक्‍सास्‍यावो खेतो।

लुका 8:2 Iomraidhean Croise

मर्‌कस् 16:1

सन्‍चबार राह्‍मसय, जब यहुदि धोओ दिन द्‍योका, मरियम मग्‍दलिनि, याकुबको आमा मरियम, र सलोमिइ येसुको ज्‍यानहाङ ल्‍यान्‍‍‍साकाय म्‍हक-म्‍हक त बासना वाङो मलम लेःआकानि।

मर्‌कस् 16:9

[साताको ङ्‍हा अइतबारको दिन, बिहान सइबर येसु सिओसय च्‍योक्‍सास्‍यावापछि, येसु ङ्‍हाखे मरियम मग्‍दलिनिकहाङ थासास्‍यावा। ओउ मरियमकसयले येसुइ सात गोता लान रुःन्‌सास्‍यावो खेतो।

लुका 23:27

मान्‍तालमको ताह्‍ङो हुल येसुको लोन्‍हे आलो खेइतो। मोम्‍चो मान्‍तालममा येसुकाय क्रेस्‍ति र्‌याधय गुह्‍ल्‌ति आलो खेइतो।

लुका 23:49

येसुको जुदा गोय्‍चो होयालम, र गालिल छेत्रसय वाङो येसुकाय गुह्‍ल्‌ति वाहो मोम्‍चोलमइ लोक्‍तोसयले चिङ्‌ति योतिमुओ खेइतो।

लुका 23:55

गालिल छेत्रसय वाङो येसुकाय गुह्‍ल्‌ति वाहो मोम्‍चोलममा योसेफकुस आलाकाय र येसुको ज्‍यानकाय तेसहाङ गतहाइति गम्‍नानि त दाह्‍यो कुरा ओउमयइ च्‍यवाकानि।

लुका 8:30

येसुइ ओउकाय ह्‍वत्‍सास्‍यावा, “नाङको मय्‍ङ दोह?” “ङाको मय्‍ङ ‘फउज’ खेना” त दाह्‍य्‌ति ओउ त्‍याङा, धइतिदाह्‍य्‌सा ओउकाय नाःतो लानलमइ ङाःयो खेतो।

खबरदुत 1:14

ओउ मुख्‍य चेलालमइखे येसुकाय गुह्‍ल्‌ति वाहो मोम्‍चोलम, येसुको आमा मरियम, र येसुको हउलमकुस हुमाक्‍तिको यातय मनको स्‍याउति प्राथना जाह्‍ङ्‌नितो।