लुका 8:1 - चेपाङ

¹ ओहाङसयको येसु परमेस्‍वरको राज्‍यको पेओ खबर प्रचार जाह्‍ङ्‍धय सहर-सहर र गाउ-गाउताङ आल्‍सास्‍यावा। बाह्र जना मुख्‍य चेलालममा येसुकुस ब्रकले आलाकाय।

लुका 8:1 Iomraidhean Croise

मर्‌कस् 1:39

ओहाङसयको येसु सभाकिमलमहाङ आल्‍ति प्रचार जाह्‍ङ्‍धय, र लानलमकाय रुःन्‌ति ल्‍होक्‍धय गालिलको जुदा थाउको यात्रा जाह्‍ङ्‍सास्‍यावा।

लुका 1:80

बालाख ज्‍यान र ग्‍वालामहाङ ताह्‍ङ्‍धय आला। तर इस्राएलिलमको माझहाङ प्रचार सुरु जाह्ङ्‍माच्‍युककाय ओउ सुमा याक्‍मालो थाउहाङले मुआ।

लुका 20:1

यात दिन परमेस्‍वरको मन्‍दिरहाङ येसुइ मान्‍तालमकाय स्‍यान्‍‍‍सास्‍याउधय खेतो, र ओउमयकाय परमेस्‍वरको पेओ खबर प्रचार जाह्‍ङ्‍सास्‍याउधय खेतो। मुख्‍य पुजारिलम, धर्‌मगुरुलम र अरु पाको अगुवालम येसुकहाङ वाङाकाय।

लुका 4:18

“प्रभु परमेस्‍वरको ग्‍वालाम ङाकहाङ मुना, धइतिदाह्‍य्‌सा गरिबलमकाय परमेस्‍वरको पेओ खबर प्रचार जाह्‍ङ्‍साकाय परमेस्‍वरइ ङाकाय छ्‍युह्‍ङ्‍सास्‍यावो मुना। झेलकनहाङ कुङ्‌तिगमोलमकाय बेनताक्‍सा, मिक च्‍यउमालोलमकाय च्‍यउताक्‍सा, अन्‍यायहाङ परओलमकाय सोतन्‍त्र जाह्‍ङ्‍सा,

लुका 9:6

ओहाङसयको येसुकसय वेङ्‌ति चेलालम गाउ-गाउहाङ परमेस्‍वरको पेओ खबर प्रचार जाह्‍ङ्‍लाङ आलाकाय अनि नाःतो थाउको बिरामिलमकायमा स्‍याक्‍ताकाकानि।

खबरदुत 10:38

परमेस्‍वरइ नासरतको येसुकाय गतहाइति पबित्र ग्‍वालाम र जिःङ बइति छ्‍युह्‍ङ्‍सास्‍यावो खेतो त दाह्‍यो कुरामा निङइ चिःओले मुतेनय। अनि येसुइ जुदा थाउहाङ आल्‍ति पेओ कामलम जाह्‍ङ्‍सास्‍यावा र दुस्‍त सय्‍तानको अधिनहाङ परओलमकाय स्‍याक्‍ताक्‍सास्‍यावा, धइतिदाह्‍य्‌सा परमेस्‍वर येसुकुस खेसास्‍याउतो।

खबरदुत 13:32

देङे निचिखे निङको लागि इ परमेस्‍वरको पेओ खबर तोलाङ वाङो खेनाङ्‍च। इ बाचाखे परमेस्‍वरइ निको पुर्‌खालमकुस जाह्‍ङ्‍सास्‍यावो खेना,