लुका 7:8 - चेपाङ

⁸ ङा, लयमा ताह्‍ङो हाकिमिलमको अधिनहाङ मुओ मान्‍ता खेनाङ, र ङाको अधिनहाङमा सिपाहिलम मुनय। ङाइ यातचाककाय ‘आल’ त तोनाङ, ओउ आल्‍ना, र अर्‌कोकाय ‘वाङ’ त तोनाङ, ओउ वाङ्‍ना। अनि लयको नोकरकायमा ‘एत जाह्‍ङु’ त तोनाङ, ओउइ ओउतले जाह्‍ङ्‍नउ।”

लुका 7:8 Iomraidhean Croise

लुका 7:7

न ता ङा लयमा हजुरको ङ्‍हा वाङ्‍सा ज्‍योनाङ। तर हजुरइ आग्‍या जाह्‍ङ्‍सास्‍याउपाना, र ङाको नोकर स्‍याक्‍ना।

लुका 7:9

इ कुरा साइति येसु जोक्‍तोले ग्‍याह्‍ङ्‍सास्‍यावा अनि लयकुस ब्रक वाङो मान्‍तालमको हुलताङ योति येसुइ तोसास्‍यावा, “ङाइ निङकाय तोनेनाङ्‍स, उच्‍युक ताह्‍ङो बिस्‍वास ङाइ इस्राएलको मान्‍तालमको माझहाङमा च्‍यवो नाःआक्‍ङल!”

खबरदुत 23:17

अनि पावलइ कप्‍तानलम मध्‍येको यातचाककाय गोताक्‍तिको तोआकान, “इ जवान गोय्‍चोकाय सेनाको हाकिमिकहाङ लात्‍ति आःलु, धइतिदाह्‍य्‌सा इ गोय्‍चोइ केहि कुरा ओउकाय तोसा परओ मुना।”

खबरदुत 23:23

ओहाङसयको सेनाको हाकिमिइ लयको निसचाक कप्‍तानकाय गोत्‍ति तोआकान, “राह्‍मको नउ बजे कयसरियाताङ आल्‍साको लागि निस सय जना सिपाहिलम, सतरि जना घोदाहाङ लह्‍नो सेनालम, र निस सय जना भाला लातो सेनालमकाय तयार जाह्‍ङ्‍जु।

खबरदुत 23:26

“माननिय ताह्‍ङो हाकिमि फेलिक्‍स, ङा क्‍लउदियस लुसियसको तर्‌फसय नाङकाय अभिबादन— झोरालाङ।

खबरदुत 23:31

ओहाङसयको सिपाहिलमइ सेनाको हाकिमिको आग्‍या अनुसार ओउ राह्‍मसयले पावलकाय एन्‍तिप्‍यात्रिस सहरसम्‍म लात्‍ति आःलाकानि।

खबरदुत 24:23

ओहाङसयको ताह्‍ङो हाकिमि फेलिक्‍सइ “पावलकाय सुरछ्‍या बइति गमु, तर ओउकाय केहि कुरा जाह्‍ङ्‍सा र ओउको होयालमकाय ओउको स्‍याहार जाह्‍ङ्‍सा अनुमति बयु” त दाह्‍य्‌ति कप्‍तानकाय आग्‍या जाह्‍ङाकान।

खबरदुत 25:26

तर इ मान्‍ताको बारेहाङ माहाराजाकाय लेखति ल्‍होक्‍साकाय ङाकुसि दोह बिसेस कुरामा नाःल। ओउतझ्‍यान्‍ते ङाइ ओउकाय निङ भद्र-भलाद्‌मिलम र बिसेस जाह्‍ङ्‌ति नाङ राजा अग्रिपासको ङ्‍हा वानो खेनाङ। निङइ इको मुद्‍दाको जाच जाह्‍ङापछि लेखसाको लागि ङाइ केहि कुरालम दोःनाङ या त दाह्‍य्‌ति ङाइ आसा गमो मुनाङ।