लुका 4:16 - चेपाङ

¹⁶ येसु लय हुर्‌कओ नासरत त तोओ मयो सहरताङ आल्‍सास्‍यावा, र सादाको लेखाले यहुदि धोओ दिन सभाकिमहाङ आल्‍सास्‍यावा अनि धर्‌मसास्‍त्र पह्रसाकाय चिङसास्‍यावा।

लुका 4:16 Iomraidhean Croise

लुका 2:39

प्रभु परमेस्‍वरको नेम-कानुनइ तोओ जुदा काम जाह्‍ङ्‌ति द्‍योकाक्‍तिको बालाख येसुकाय लात्‍ति योसेफ र मरियम गालिल छेत्रको नासरत त तोओ लयको मयो सहरताङ द्‍याह्‍नाकाच।

लुका 2:42

येसु बाह्र बर्‌स स्‍याउतोक बेलाहाङ ओउनिस येसुकायमा ब्रकले लात्‍ति सादाको लेखाले छ्‍यात मानलाङ आलाकाच।

लुका 2:51

ओहाङसयको येसु आमा-आपाकुस नासरत त तोओ मयो सहरताङ द्‍याह्‍न्‌सास्‍यावा, र ओउनिसको आग्‍या ग्‍याति मुसास्‍यावा। तर येसुको आमाइ इ जुदा कुरालमखे म्‍हेःमात लयको ल्‍हुङहाङले सेति गमाकान।

लुका 4:15

येसुइ सभाकिमलमहाङ स्‍यान्‍‍‍सास्‍यावा र जुदा मान्‍तालमइ येसुको प्रसङ्‍सा जाह्ङाकानि।

लुका 4:17

र यसय्‍या अगमबक्‍ताइ लेखओ किताप येसुकाय पह्रसा बयाकानि। येसुइ किताप फोल्‍सास्‍यावा र एत लेखओ कुरा त्‍याल्ति पह्रसास्‍यावा—

लुका 4:21

अनि येसुइ ओउमयकाय तोसास्‍यावा, “तेन निङइ ङाकसय सायो धर्‌मसास्‍त्रको इ कुरा पुतो मुना।”

लुका 4:23

अनि येसुइ ओउमयकाय तोसास्‍यावा, “द्‍याह पक्‍कामा निङइ ङाकाय इ आहान तोतेनानाङ्‍स, ‘अ बइदाङ्‌गि, नाङ लयकाय स्‍याक्‍ताक्‍स।’ निङइ ङाकाय तोतेनानाङ्‍स, ‘कफर्‌नहुम त तोओ मयो सहरहाङ जाह्‍ङोलेखा लयको सहरहाङमा ग्‍याह्‍ङ्‌सिओ काम जाह्‍ङु।’”

खबरदुत 17:2

पावल सादाको लेखाले सभाकिमको सेवाहाङ आला। ओहाङ ओउइ सुम सातासम्‍म धर्‌मसास्‍त्रको कितापसय मान्‍तालमकुस बहस जाह्‍ङाकान।