लुका 3:11 - चेपाङ

¹¹ ओउ त्याङा, “यदि निङकुस निसज्‍यो लावनाय मुना त खेया, यातज्‍योमा नाःमालोलमकाय बइनु। र यदि निङकुस प्रसस्‍त जेःगालम मुना त खेया, योङक्रायोलमकाय बइनु।”

लुका 3:11 Iomraidhean Croise

१ तीमोथी 6:18

ओउमयको धन-सम्‍पति पेओ कामलम जाह्‍ङ्‍साको लागि मात्र प्रयोग जाह्‍ङ्‍पानानि त दाह्‍य्‌ति ओउमयकाय स्‍यानु। ओउमयखे पेओ कामलमको धनि स्‍याउपनय, र योःन्‌मय स्‍याउति लयकुस नाःओ थोकलम खान्‍चोहाङ परओ अरु मान्‍तालमकाय वेःति बइपानानि।

लुका 18:22

जब येसुइ इ कुरा सायाकान, येसुइ ओउकाय तोसास्‍यावा, “नाङइ अझले यातज्‍याङ काम जाह्‍ङ्‍सा बाकि मुना। नाङकुस मुओ जुदा थोकलम विःन्‌ति गरिबलमकाय वेःति बयु, र नाङइ लाङकाहाङ धन दोःतेना अनि नाङ ङाको लोन्‍हे गुह्‍ल्‌ति वाङ।”

लुका 11:41

तर गरिबलमकाय लयको ल्‍हुङतुकसय म्रोतिले बइनु, अनि निङको जुदा थोकले सुद्‍ध स्‍याउलेना।

खबरदुत 10:31

ओउइ ङाकाय तोआताङ, ‘अ कर्‌नेलियस, परमेस्‍वरइ नाङको प्राथना साइसास्‍यावो मुना र नाङइ गरिबलमकाय सहयोग जाह्ङो कुरा चिःसास्‍यावो मुना।

खबरदुत 10:4

कर्‌नेलियस जोक्‍तो ग्‍याह्‍ङा र लाङकादुतकाय योओको योओ स्‍यावा, ओउइ ह्‍वताकान, “प्रभु, इ जुदा दोह खेना र?” अनि लाङकादुतइ जवाफ बयाथय, “परमेस्‍वरइ नाङको प्राथना साइसास्‍यावो मुना र नाङइ गरिबलमकाय सहयोग जाह्ङो कुरा चिःसास्‍यावो मुना।

खबरदुत 10:2

कर्‌नेलियस धर्‌मि मान्‍ता खेतो। ओउ र ओउको जुदा माचरलमइ परमेस्‍वरको भक्‍ति जाह्‍ङ्‌नितो। ओउइ म्रोतिले यहुदि गरिबलमकाय सहयोग जाह्‍ङुतो र परमेस्‍वरकाय सधय प्राथना जाह्‍ङुतो।

लुका 19:8

केहि समय लोन्‍हे, जखायसइ ङ्‍हा चिङ्‌ति प्रभुकाय तोआथय, “प्रभु, ङा लयको धन-सम्‍पतिको आधा भाक गरिबलमकाय वेःति बइनाङ, र धोका बइति कुनय मान्‍ताकसय केहि थोक लेःआलाङ त खेया, ङाइ ओउकाय प्‍लय भाक द्‍याःन्‌ति बइनाङ।”

१ तीमोथी 6:17

इ सङ्‍सारको धनि मान्‍तालमकाय ओउमयको अजम्‍बरि खेमालो धन-सम्‍पतिहाङ ङाःलाम र भर परलाम, तर निको रुवाङहाङ चाहओ आनन्‍दको लागि जुदा थोक बइसाखेओ परमेस्‍वरकहाङ मात्र ओउमयइ आसा-भरोसा गम्‍पानानि त दाह्‍य्‌ति स्‍यानु।