लुका 16:3 - चेपाङ

³ अनि नाइक्‍याइ लयकाय तोआकास, ‘ङाको मालिकइ ङाकाय नोकरिसय त्‍याःल्‌सा बोःङाताङ, द्‍याह ङाइ दोह हाइचाङ? राङ तह्‍उति काम जाह्‍ङ्‍साकाय ङा बल नाःङल, र थेपो तेसामा ङा रास्‍‍लेनाङ।

लुका 16:3 Iomraidhean Croise

मर्‌कस् 10:46

ओहाङसयको येसु र ओउको चेलालम यरिहो सहरहाङ दाह्‍तिवाङाकाय। अनि येसु लयको चेलालमकुस यरिहो सहर फेति आल्‍धयमुतोकहाङ मान्‍तालमको हुलमा येसुको लोन्‍हे आल्‍धय खेइतो। यातचाक मिक च्‍यउमालो बार्‌तिमय त मय्‍ङ्‍ओ तिमयको चोः ल्‍यामहाङ च्‍युःङ्‌ति थेपो तेधयमुओ खेतो।

लुका 12:17

ओउइ लयको ल्‍हुङतुकहाङ एत म्‍हरा, ‘उच्‍युक नाःतो अन्‍नलम गम्‍सा ङाकुस थाउ नाःल। द्‍याह ङाइ दोह हाइचाङ?’

लुका 16:2

ओउतझ्‍यान्‍ते मालिकइ ओउ नाइक्‍याकाय गोत्‍ति तोआथय, ‘नाङको बारेहाङ ङाइ इ दोह साइधय मुनाङ? नाङइ जिम्‍मा लेःओ हिसाब-कितापलमको खाता ङाकाय बइचि, धइतिदाह्‍य्‌सा द्‍याह ङाइ नाङकाय ङाको सम्‍पतिको नाइक्‍या गम्‍नेङल।’

लुका 16:20

तर ओउ धनि मान्‍ताको किमको दह्‍य्‌लोहाङ ज्‍यानभरि चा नाःओ यातचाक लाजरस त मय्‍ङ्‍ओ गरिब मान्‍ताकाय वान्‍ति गम्‍नितो।

लुका 16:22

यात दिन ओउ गरिब लाजरस सिआ र लाङकादुतलमइ ओउकाय आःल्‌ति अब्राहामको छेउहाङ गमाथय। अनि ओउ धनि मान्‍तामा सिआ र पाह्‍माथय।

लुका 16:4

द्‍याह दोह हाइसापरना त दाह्‍यो कुरा देङे ङाइ चिःआलाङ! ङाइ देङे होयालम जाह्‍ङ्‌ति गमालाङ त खेया, ङाको नोकरि वाइयाकायमा लोन्‍हे ओउमयइ ङाकाय लयको किमहाङ स्‍वागत जाह्ङ्‍नाताङ्‍स।’

लुका 18:4

गच्‍युक दिनसम्‍म ओउ न्‍यायधिसइ राङ्‌गि मोम्‍चोको कुराले सायुलु। तर लोन्‍हे ओउइ लयकाय तोआकास, ‘खेसापाय ङा परमेस्‍वरकुसमा रइङल र मान्‍तालमकायमा लाइङल,

खबरदुत 3:2

मान्‍तालमइ आमाइ नाःओहाङसयले खोन्‍द्‍या स्‍यावो यातचाक मान्‍ताकाय मन्‍दिरको दह्‍य्‌लोहाङ लात्‍ति वान्‍ति गम्‍नितो, र ओउ दह्‍य्‌लोकाय मान्‍तालमइ पेओ दह्‍य्‌लो त दाह्‍य्‌ति तोनितो। मन्‍दिरभित्र पोको मान्‍तालमकुस थेपो तेसाको लागि ओउकाय दिनमले मन्‍दिरको पर्‌खालको दह्‍य्‌लो छेउहाङ गम्‍नितो।

खबरदुत 9:6

द्‍याह नाङ चिङ र सहरताङ आल, ओहाङ नाङइ दोह हाइसा परतेना त दाह्‍यो कुरा नाङकाय तोलेना।”

२ थेसलोनिकि 3:11

निङ मध्‍येको केहि मान्‍तालमखे लयइ जाह्‍ङ्‍सा परओ काम जाह्‍ङ्‍साताङ अल्‍सि ताःनय, तर अरुइ जाह्‍ङो कामलमहाङखे सालाङ्‍खाले दुख बयो कामताङ जाह्‍ङ्‍नानि त दाह्‍यो कुरा साइति निइ निङकाय इ कुरा तोओ खेनाङ्‍सु।