लुका 13:2 - चेपाङ

² येसुइ ओउमयकाय तोसास्‍यावा, “ओउतहाइति सातो ओउ गालिलिलम दोह गालिलको अरु जुदा मान्‍तालमसय नाःतो पापि खेइतो त निङ म्‍हर्‌तेनय?

लुका 13:2 Iomraidhean Croise

लुका 13:1

ओउबेलाहाङ केहि मान्‍तालम हुम्‍ति येसुकाय तोआकानि, “परमेस्‍वरकाय भोक बइतिमुओ बेलाहाङ पिलातसइ गच्‍युक जना गालिलिलमकाय साताकान र ओउमयको वुइ भोक बयो वुइकुस ल्‍याह्‍वाकान!”

लुका 13:3

ओउत जुगाङमा खेल, ङाइ निङकाय तोनेनाङ्‍स, ल-लयको पापकाय चिःति फेतेनिलि त खेया, निङमा ओउतले म्हेत्‍ति वाइतेनय।

लुका 13:4

जब सिलोम त तोओ थाउहाङ धरहरा ओल्‍ति अथार जना मान्‍तालमकाय साताथास, ओउमयको बारेहाङखे दोह तोसा त? ओउ सिओ मान्‍तालमखे यरुसलेम सहरहाङ याको अरु मान्‍तालमसय नाःतो दुस्‍त खेइतो त दाह्‍य्‌ति दोह निङइ दाह्‍य्‌सा खाइतेनानि र?

खबरदुत 28:4

ओहाङको रइथाने मान्‍तालमइ पावलको क्रुतहाङ बिखालु रुइ पोःलोति गमो च्‍यउति लयमय एतदाह्‍य्‌ति तोकायाकाय, “इ मान्‍ताखे पक्‍कामा ज्‍यानमारा स्‍याउसा परना, समुन्‍द्रसयपाय दल्‍तिले वाङा तर न्‍यायको देउताइखे इकाय सातोले स्‍यावा।”