खबरदुत 2:4 - चेपाङ

⁴ अनि ओउमय जुदा पबित्र ग्‍वालामइ भरपुर स्‍याउति अरु भासालमहाङ नोःसा फाःङाकानि। पबित्र ग्‍वालामको जिःङ दोःति ओउमय ओउत नोःओ खेइतो।

खबरदुत 2:4 Iomraidhean Croise

मर्‌कस् 16:17

ङाकाय बिस्‍वास जाह्‍ङोलमकुसिखे इ चिनोलम स्‍याउलेना— ओउमयइ ङाको मय्‍ङहाङ लानलम रुःन्‌ति ल्‍होक्‌लेनानि, र ओउमय नया-नउलो भासालमहाङ नोःलेनय।

लुका 1:15

प्रभु परमेस्‍वरको नजरहाङ ओउ महान् स्‍याउलेना। ओउइ धाकसायको ङोतिः अथबा अरु ङोओ खालको थोकलम गलमा तुङुलु। ओउ आमाको कोखहाङ मुधार्‌नाले पबित्र ग्‍वालामइ ब्‍लिङलेना।

लुका 1:41

जब मरियमइ अभिबादन जाह्‍ङो एलिसिबाइ सायाकान, ओउको कोखहाङ मुओ बालाख साह्‍ङा र ओउ पबित्र ग्‍वालामइ भरपुर स्‍यावा।

लुका 1:67

युहन्‍नाको आपा जकरिया पबित्र ग्‍वालामइ भरपुर स्‍यावा र अगमबानि नोःसा फाःङाकान—

लुका 12:12

धइतिदाह्‍य्‌सा ओउबेलाहाङ निङइ दोह नोःसा परतेनय पबित्र ग्‍वालामइ निङकाय स्‍यान्‍सास्‍याउना।”

लुका 21:15

धइतिदाह्‍य्‌सा ङाइ निङकाय बुद्‍दि बइनेनाङ्‍स, ओउतझ्‍यान्‍ते दोह नोःसा परना त दाह्‍य्‌ति निङइ चिःतेनानि। ओउतस्‍याउधार्‌ना निङको बइरिलमइ निङको कुराको जवाफ बइसा ज्‍योइलि अथबा निङकाय पेमातो तोसा खाइनिलि।

लुका 4:1

येसु पबित्र ग्‍वालामइ भरपुर स्‍याउति यर्‌दन खोलासय द्‍याह्‍न्‌सास्‍यावा। पबित्र ग्‍वालामइ ओउकाय सुमा याक्‍मालो थाउताङ आःलाथय।

खबरदुत 1:5

धइतिदाह्‍य्‌सा युहन्‍नाइ तिःको बप्‍तिस्‍मा बयाकान, तर केहिदिन लोन्‍हे निङखे पबित्र ग्‍वालामको बप्‍तिस्‍मा दोःतेनय।”

खबरदुत 1:8

तर जब पबित्र ग्‍वालाम निङकहाङ वाङ्‍सास्‍याउना, निङ जिःङ दोःतेनय। अनि जुदा मान्‍तालमकाय ङाको बारेहाङ तोति यरुसलेमहाङ, यहुदियाको जुदा थाउहाङ, सामरियाहाङ र ल्‍हाउदयबाङको जुदा थाउहाङमा निङ ङाको साछि स्‍याउतेनय।”

खबरदुत 10:46

धइतिदाह्‍य्‌सा ओउ साइतिमुओलमइ अरु भासाहाङ नोःओ र परमेस्‍वरको प्रसङ्‍सा जाह्‍ङ्‍धयमुओ ओउमयइ सायो खेइतो। अनि पत्रुसइ ह्‍वताकान,

खबरदुत 10:47

“निइ दोःओ लेखाले इ मान्‍तालमइमा पबित्र ग्‍वालाम दोःआकाय, द्‍याह इ मान्‍तालमकाय तिःको बप्‍तिस्‍मा बइसाकाय सुइ रोकसा खाइनानि र?”

खबरदुत 11:15

जब ङा नोःसा फाःङालाङ, ङ्‍हाको समयहाङ निकहाङ वाङ्‍सास्‍यावो लेखाले ओउमयकहाङमा पबित्र ग्‍वालाम वाङ्‍सास्‍यावा।

खबरदुत 11:24

बर्‌नबासखे पबित्र ग्‍वालाम र बिस्‍वासइ भरपुर स्‍यावो पेओ मान्‍ता खेतो, र ओउको कारनइ नाःतो मान्‍तालमइ प्रभुहाङ बिस्‍वास जाह्‍ङो खेइतो।

खबरदुत 13:52

तर एन्‍तिओखियाको बिस्‍वासिलमखे पबित्र ग्‍वालामइ भरपुर स्‍याउति आन चोङायाकाय।

खबरदुत 13:9

अनि पावल त दाह्‍य्‌ति तह्‍यो सावल पबित्र ग्‍वालामइ भरपुर स्‍यावा, र ओउइ ओउ चतकवालाको मिकहाङ ताङ्‌ति योआकान।

खबरदुत 15:8

ल्‍हुङतुकको कुरा चिःसास्‍यावो परमेस्‍वरइ ओउमयकायमा निकाय लेखाले पबित्र ग्‍वालाम बइति सुइकार जाह्‍ङ्‍सास्‍यावो पक्‍का कुरा छ्‍यान्‍सास्‍यावो मुना।

खबरदुत 19:6

अनि पावलइ हरेक बिस्‍वासिलमको तालाङहाङ क्रुत झाम्‍ति प्राथना जाह्‍ङाकान, र ओउमयकहाङ पबित्र ग्‍वालाम वाङ्‍सास्‍यावा। ओहाङसयको ओउमयइ अरु नउलो भासालमहाङ नोःसा र परमेस्‍वरको आखर प्रचार जाह्‍ङ्‍सा फाःङाकानि।

खबरदुत 2:11

अनि ओउतले कोयखे अरबिया छेत्र, र क्रेत तापुसय वाङो खेनातहि। कोयखे यहुदि स्‍याउति नाःओलम मुनातहि, र कोयखे यहुदि धर्‌म लेःओ यहुदि खेमालोलम मुनातहि। तर परमेस्‍वरइ जाह्‍ङ्‍सास्‍यावो महान् कामको बारेहाङ ओउमयइ निको भासाहाङ नोःधयमुओ नि जुदाइ साइधयले मुनातहि।”

खबरदुत 2:3

अनि ओउमयइ लेलम लेखाताह्‍ङो म्‍हेःको लप्‍कालम ओहाङ थाओ च्‍यवाकानि, र ओउ म्‍हेःको लप्‍कालममखे वेङ्‍काइति ओउमयकहाङ न्‍यासाकाय।

खबरदुत 4:31

जब ओउमयइ प्राथना जाह्‍ङ्‌ति द्‍युमाकानि, ओउमय हुम्‍तिमुओ थाउ रिह्‍ङा। ओउमय जुदाले पबित्र ग्‍वालामइ भरपुर स्‍यावाकाय र साहसि स्‍याउति परमेस्‍वरको खबर प्रचार जाह्‍ङ्‍सा फाःङाकानि।

खबरदुत 4:8

अनि पत्रुसइ पबित्र ग्‍वालामकसय जिःङ दोःति ओउमयकाय तोआकान, “अ मान्‍तालमको सासक र पाको अगुवालम,

खबरदुत 6:3

ओउतझ्‍यान्‍ते होयालम, निङ मध्‍येसय जुदाइ मान-सम्‍मान जाह्‍ङो र पबित्र ग्‍वालामकसय दोःओ बुद्‍दिइ भरपुर स्‍यावो सात जना गोय्‍चो मान्‍तालमकाय छ्‍युह्‍ङ्‍नु। निइ ओउमयकाय इ कामको लागि जिम्‍मेवारि बइनाङ्‍सु।

खबरदुत 6:5

मुख्‍य चेलालमको इ कुराकाय जुदाले झाकाकाय, र ओउमयइ परमेस्‍वरकाय जोक्‍तो बिस्‍वास जाह्‍ङो र पबित्र ग्‍वालामइ भरपुर स्‍यावो स्‍तिफनस, फिलिप, प्रखरस, निकनोर, तिमोन, पर्‌मिनास, र लोन्‍हे यहुदि धर्‌म मानओ एन्‍तिओखियाको निकोलस त तोओ मान्‍ताकाय छ्‍युह्‍ङाकानि।

खबरदुत 6:8

परमेस्‍वरइ स्‍तिफनसकाय मान्‍तालमको माझहाङ ग्‍याह्‍ङ्‌सिओ काम र चिनोलम जाह्‍ङ्‍साको लागि जिःङ बइसास्‍यावा।

खबरदुत 7:55

तर स्‍तिफनस पबित्र ग्‍वालामइ भरपुर स्‍यावा। ओउइ लाङकाताङ त्‍याउति योआकान, अनि निको महिमित परमेस्‍वर र परमेस्‍वरको ङोइसय चिङ्‌ति मुसास्‍यावो येसुकाय च्‍यवाकान।

खबरदुत 8:17

अनि पत्रुस र युहन्‍नाइ बिस्‍वासिलमको तालाङहाङ क्रुत झामाकाचु, र ओउमय पबित्र ग्‍वालाम दोःआकाय।

खबरदुत 9:17

ओउतझ्‍यान्‍ते सावल मुओ यहुदाको किमभित्र हननिया पोका। हननियाइ सावलको तालाङहाङ क्रुत झाम्‍ति तोआकान, “सावल हउ य, नाङइ फेरि च्‍यउसा खाइतेपनउ, र पबित्र ग्‍वालामइ भरपुर स्‍याउतेपाना त दाह्‍य्‌ति ल्‍यामहाङ नाङको ङ्‍हा थासास्‍यावो प्रभु येसुइ ङाकाय ल्‍होक्‍सास्‍यावो खेना।”