खबरदुत 13:3 - चेपाङ

³ ओहाङसयको ओउमयइ झन् नाःतो उपाङ मुति प्राथना जाह्‍ङाकानि, अनि ओउनिसको तालाङहाङ क्रुत झाम्‍ति कामको लागि ल्‍होकाथाच।

खबरदुत 13:3 Iomraidhean Croise

लुका 2:37

अनि ओउ मोम्‍चो चउरासि बर्‌ससम्‍मले राङ्‌गि स्‍याउतिमुओ खेतो। ओउइ गलमा मन्‍दिर फेयाकुलु बरु दिनमा याह्‌दिङमा उपाङ मुति प्राथना जाह्ङ्‍धय परमेस्‍वरकाय भक्‍ति जाह्‍ङ्‌ति मुतो।

खबरदुत 1:24

अनि ओउमय जुदाइ एतदाह्‍य्‌ति प्राथना जाह्‍ङाकानि, “अ प्रभु, नाङइ जुदा मान्‍तालमको ल्‍हुङतुकहाङ मुओ कुरा चिःसास्‍याउना। ओउतझ्‍यान्‍ते इ निसचाकमध्‍ये सुखेकाय नाङइ छ्‍युह्‍ङ्‍सास्‍यावो मुना निकाय छ्‍यान्‍ति बइसास्‍याउपाना,

खबरदुत 13:2

ओउमय उपाङ मुति प्रभुको सेवा जाह्‍ङ्‍धय मुतोक बेलाहाङ पबित्र ग्‍वालामइ ओउमयकाय तोसास्‍यावा, “गाउ कामको लागि ङाइ ओउनिसकाय गोतो खेनाङ, ओउ बिसेस काम जाह्‍ङ्‍साको लागि बर्‌नबास र सावलकाय छ्‍युह्‍ङ्‍नु।”

खबरदुत 13:4

पबित्र ग्‍वालामइ ल्‍होक्‍सास्‍यावापछि बर्‌नबास र सावल सिलुकियाहाङ दाहाकाच। ओहाङसयको ओउनिस तिः जहासहाङ लह्‍न्‌ति साइप्रस तापुताङ आलाकाच।

खबरदुत 14:23

पावल र बर्‌नबासइ हरेक मन्‍दलिको लागि केहि अगुवालम छ्‍युह्‍ङाकाचु, र उपाङ मुति प्राथना जाह्‍ङाक्‍तिको ओउ अगुवालमकाय लयमयइ बिस्‍वास जाह्‍ङो प्रभुको चरनहाङ सुम्‍पआकाचु।

खबरदुत 14:26

ओहाङसयको ओउनिस तिः जहासहाङ लह्‍न्‌ति लयनिसको यात्रा सुरु स्‍यावो सिरियाको एन्‍तिओखियाताङले द्‍याह्‍नाकाच। ओउ सहरको बिस्‍वासिलमइले ओउनिसकाय परमेस्‍वरको अनुग्रहहाङ सुम्‍पति प्रचारको कामहाङ ल्‍होको खेतो, र देङे ओउनिसइ ओउ काम पुरा जाह्‍ङाक्‍तिको द्‍याह्‍न्‌ति दाहाकाच।

खबरदुत 15:40

तर पावलइखे लयकुस आःल्‌साको लागि सिलासकाय छ्‍युह्‍ङाकान। ओहाङसयको बिस्‍वासिलमइ ओउनिसकाय परमेस्‍वरको अनुग्रहहाङ सुम्‍पआथाच र ओउनिस एन्‍तिओखियासय वाहाकाच।

खबरदुत 6:6

ओउमयइ ओउ सात जनाकाय मुख्‍य चेलालमको ङ्‍हा वानाकानि, र मुख्‍य चेलालमइ ओउमयकाय प्राथना जाह्‍ङाकानि र ओउमयको तालाङहाङ क्रुत झाम्‍ति सेवा जाह्‍ङ्‍सा अधिकार बयाकानि।

खबरदुत 9:17

ओउतझ्‍यान्‍ते सावल मुओ यहुदाको किमभित्र हननिया पोका। हननियाइ सावलको तालाङहाङ क्रुत झाम्‍ति तोआकान, “सावल हउ य, नाङइ फेरि च्‍यउसा खाइतेपनउ, र पबित्र ग्‍वालामइ भरपुर स्‍याउतेपाना त दाह्‍य्‌ति ल्‍यामहाङ नाङको ङ्‍हा थासास्‍यावो प्रभु येसुइ ङाकाय ल्‍होक्‍सास्‍यावो खेना।”

१ तीमोथी 4:14

अगमबक्‍तालमइ नोःतोकहाङ र मन्‍दलिको अगुवालमइ नाङको तालाङहाङ क्रुत झाम्‍ति आसिक बइतोकहाङ, परमेस्‍वरइ नाङकाय बइसास्‍यावो ग्‍वालामि बरदानकाय नाङइ जुगाङमा म्‍हेःजेलाम।

१ तीमोथी 5:22

कुनय मान्‍ताकाय मन्‍दलिको अगुवाको रुपहाङ छ्‍युह्‍ङ्‍सासय ङ्‍हा, चाहओच्‍युक समय लेःति ओउकाय जाच जाह्‍ङु। यदि नाङइ ओउकाय हतारहाङ छ्‍युह्‍ङ्‍तेनउ र ओउइ पाप जाह्‍ङ्‍नउ त खेया, नाङमा ओउइ जाह्‍ङो पापको भागिदार स्‍याउलेतेना। ओउतझ्‍यान्‍ते अरुइ जाह्‍ङो पापको भागिदार स्‍याउजेलाम, बरु लयको रुवाङकाय सधय सुद्‍ध गमु।

२ तीमोथी 1:6

ओउतझ्‍यान्‍ते ङाइ लयको क्रुत नाङको तालाङहाङ झाम्‍तोकहाङ परमेस्‍वरइ नाङकाय बइसास्‍यावो ग्‍वालामि बरदानकाय जिउदोले गमु त दाह्‍य्‌ति ङाइ नाङकाय सम्‍झाउनेनाङ।

२ तीमोथी 2:2

नाःतो साछिलमको माझहाङ ङाइ स्‍यानो स्‍यानरायपाय नाङइ सायोले मुतेना। द्‍याहखे नाङइ ओउ स्‍यानराय अरु मान्‍तालमकायमा स्‍यान्‍सा खायो बिस्‍वासिलो मान्‍तालमकाय स्‍यानु।