खबरदुत 1:3 - चेपाङ

³ दुख दोःति क्रुसहाङ सिओको लोन्‍हे चालिस दिनभित्रहाङ येसु लयको चेलालमको ङ्‍हा नाःतो पल्‍त थासास्‍यावा, र लय दोङ्‌सिले स्‍याको कुरा ओउमयकाय नाःतो तरिकासय प्रमान बइसास्‍यावा। र येसुइ ओउमयकाय परमेस्‍वरको राज्‍यको बारेहाङमा तोसास्‍यावा।

खबरदुत 1:3 Iomraidhean Croise

मर्‌कस् 16:19

जब प्रभु येसुइ लयको चेलालमकुस नोःति द्‍युम्‍सास्‍यावा, प्रभु परमेस्‍वरइ येसुकाय ओउमयकसय वेङ्‌ति लाङकाताङ च्‍युन्‍ति आःल्‌सास्‍यावा। अनि येसुखे परमेस्‍वरको ङोइसयको सम्‍मानित थाउहाङ च्‍युःङ्‍सास्‍यावा।

खबरदुत 13:31

अनि गालिलिहाङसय लेःति यरुसलेमसम्‍मको येसुको यात्राहाङ, लयकाय गुह्‍ल्‌ति वाहो मान्‍तालमकहाङ येसु नाःतो दिनसम्‍म थासास्‍यावा, र ओउमयले देङे इस्राएलको मान्‍तालमको लागि इ कुराको साछि खेनय।

खबरदुत 19:8

पावल यहुदि सभाकिमहाङ आल्‍ति मान्‍तालमकाय सुम महिनासम्‍म परमेस्‍वरको राज्‍यको बारेहाङ साहसकुसि प्रचार जाह्‍ङ्‍धय ओउमयकाय चिःताक्‍सा कोसिस जाह्‍ङाकान।

खबरदुत 28:23

ओहाङसयको ओउमयइ पावलको कुरा साइसाको लागि अर्‌को दिन दोकाकानि, र ओउ दिनहाङ ओउको कुरा साइलाङ नाःतो यहुदिलम ओउ मुओ थाउहाङले वाङाकाय। ओउइ बिहानहाङसय राह्‍मसम्‍मले परमेस्‍वरको राज्‍यको बारेहाङ ओउमयकाय स्‍यानराय बयाकान, अनि परमेस्‍वरइ मोसा दुवारा बइसास्‍यावो नेम-कानुनसय र अगमबक्‍तालमको कितापलमसय तोति येसुको बारेहाङ ओउमयकाय चिःताक्‍सा कोसिस जाह्‍ङाकान।

खबरदुत 28:31

ओउइ परमेस्‍वरको राज्‍यको बारेहाङ साहसकुसि प्रचार जाह्‍ङुतो र प्रभु येसु ख्रिस्‍तको बारेहाङ स्‍यानुतो, तर सुइमा ओउकाय रोकसा कोसिस जाह्‍ङाक्‍निलि खेतो।

खबरदुत 8:12

तर जब ओउमयइ फिलिपइ परमेस्‍वरको राज्‍यको पेओ खबर र येसु ख्रिस्‍तको बारेहाङ तोओ कुराहाङ बिस्‍वास जाह्‍ङाकानि, ओउमय गोय्‍चो-मोम्‍चो जुदाइले बप्‍तिस्‍मा लेःआकानि।

१ थेसलोनिकि 2:12

निइ निङकाय हउसला अनि सान्‍तवना बइनेआलाङ्‍सु, र परमेस्‍वरको मान-सम्‍मान स्‍यावो खालको रुवाङ याक्‍साको लागि निङकाय बिन्‍ति जाह्‍ङ्‍नेआलाङ्‍सु। धइतिदाह्‍य्‌सा परमेस्‍वरइ निङकाय लयको राज्‍य र महिमाहाङ सहभागि स्‍याउलाङ गोत्‍सास्‍याउधय मुना।