खबरदुत 1:2 - चेपाङ

² परमेस्‍वरइ येसुकाय लाङकाताङ आःल्‌सासय ङ्‍हा लयइ छ्‍युह्‍ङ्‍सास्‍यावो मुख्‍य चेलालमकाय येसुइ पबित्र ग्‍वालाम दुवारा आग्‍या जाह्‍ङ्‍सास्‍यावा।

खबरदुत 1:2 Iomraidhean Croise

मर्‌कस् 6:30

येसुइ प्रचार जाह्‍ङ्‍लाङ ल्‍होक्‍सास्‍यावो बाह्र जना मुख्‍य चेलालम येसुकहाङ द्‍याह्‍न्‌ति दाहाकाय, अनि लयमयइ जाह्‍ङो जुदा कामलम र मान्‍तालमकाय स्‍यानो कुरालमको बारेहाङ येसुकाय ल्‍हाक्‍ति छ्‍यानाकानि।

लुका 24:51

जब येसुइ ओउमयकाय आसिक बइसास्‍याउधय खेतो, प्रभु परमेस्‍वरइ येसुकाय ओउमयकसय वेङ्‌ति लाङकाताङ च्‍युन्‍ति आःल्‌सास्‍यावा।

लुका 9:51

येसुको लाङका पाह्‍य्‌साखेओ समय द्‍याङ्‍तो दाह्तोकहाङ, येसुइ यरुसलेमताङ आल्‍साले बिचार जाह्‍ङ्‍सास्‍यावा।

खबरदुत 1:11

ओउनिसइ तोआकाचु, “अ गालिलको मान्‍तालम, निङ धइति इहाङ चिङ्‌ति फेलबाङताङ त्‍याउति योधय मुतेनय? गतहाइति निङकसय परमेस्‍वरइ येसुकाय लाङकाताङ आःल्‌सास्‍यावो निङइ च्‍यउतेआकानि, ओउतहाइतिले यात दिन ओउ येसु द्‍याह्‍न्‌ति वाङ्‍सास्‍याउना।”

खबरदुत 1:13

ओउमय यरुसलेम दाहाकाय, अनि लयमय मुओ किमको त्‍याःव चोताहाङ लह्‍न्‌ति यातज्‍यो कोथाहाङ हुमाकाय। ओहाङ हुमो मुख्‍य चेलालमखे पत्रुस, युहन्‍ना, याकुब, अन्‍द्रियास, फिलिप, थोमा, बार्‌थोलोमय, मति, अल्‍फायसको चोः याकुब, देसभक्‍त त तोओ सिमोन र याकुबको चोः यहुदा खेइतो।

खबरदुत 1:22

ओउखे येसुइ युहन्‍नाकसय बप्‍तिस्‍मा लेःओ समयहाङसय लेःति परमेस्‍वरइ येसुकाय निकसय लाङकाताङ आःल्‌सास्‍यावो बेलासम्‍म स्‍यावो खेसा परना। धइतिदाह्‍य्‌सा ओउ मान्‍ताखे निकुस ब्रकले येसु उह्‍ति च्‍योक्‍सास्‍यावोको साछि स्‍याउसा परलेना।”

खबरदुत 1:9

येसुइ इ कुरा तोति भ्‍याआपछि, ओउमयइ योति मुतोकहाङले परमेस्‍वरइ येसुकाय लाङकाताङ आःल्‌सास्‍यावा, र मुसइ बोःमोझ्‍यान्‍ते ओउमयइ येसुकाय च्‍यउसा खाइनिलि।

खबरदुत 10:38

परमेस्‍वरइ नासरतको येसुकाय गतहाइति पबित्र ग्‍वालाम र जिःङ बइति छ्‍युह्‍ङ्‍सास्‍यावो खेतो त दाह्‍यो कुरामा निङइ चिःओले मुतेनय। अनि येसुइ जुदा थाउहाङ आल्‍ति पेओ कामलम जाह्‍ङ्‍सास्‍यावा र दुस्‍त सय्‍तानको अधिनहाङ परओलमकाय स्‍याक्‍ताक्‍सास्‍यावा, धइतिदाह्‍य्‌सा परमेस्‍वर येसुकुस खेसास्‍याउतो।

१ तीमोथी 3:16

निको बिस्‍वासको महान् रहस्‍यको कुराकाय सुइमा इन्‍कार जाह्‍ङ्‍सा खाइलेनिलि, ओउखे देङे परमेस्‍वरइ निको लागि छ्‍यान्‍ति बइसास्‍यावो मुना— “ख्रिस्‍तपाय मनुवाको रुपहाङ थालाङ वाङ्‍सास्‍यावा, र ओउ धर्‌मि खेसास्‍याउना त दाह्‍यो कुरा पबित्र ग्‍वालामइ छ्‌यान्‍सास्‍यावो मुना, अनि ओउकाय लाङकादुतलमइमा च्‍यवाथय। जाति-जातिलमको माझहाङ ओउको प्रचार स्‍यावा, सङ्‍सारको मान्‍तालमइ ओउकाय बिस्‍वास जाह्‍ङाथय, र परमेस्‍वरइ ओउकाय महिमाहाङ लाङकाताङ च्‍युन्‍ति आःल्‌सास्‍यावा।”