खबरदुत 1:1 - चेपाङ

¹ ङाको राप्‍तो होया थियोफिलस, येसुइ लयको काम सुरु जाह्‍ङ्‍सास्‍यावो समयहाङसय लेःति परमेस्‍वरइ येसुकाय लाङकाताङ आःल्‌सास्‍यावो बेलासम्‍म येसुइ जाह्‍ङ्‍सा र स्‍यान्‍सास्‍यावो जुदा कुराको बारेहाङ ङाइ ङाको यातम् कितापहाङ लेखतिखायो मुना।

खबरदुत 1:1 Iomraidhean Croise

लुका 1:24

केहि दिन लोन्‍हे ओउको माचा एलिसिबाइ चोः लाताकान, अनि एलिसिबा पोङा महिनासम्‍म किमसय गाताङमा ग्‍ल्‍युह्‍ङ्‍ल।

लुका 1:3

माननिय थियोफिलस, ङाइमा इको बारेहाङ ङ्‍हाहाङसयले होसियारिकुस बोःङालाङ र नाङकाय इ बिसयहाङ मेलोकुसले लेखसा पेतो स्‍याउना त म्‍हर्‌ति लेखधय मुनाङ।

लुका 14:22

ओहाङसय ओउ नोकर आला र मालिकइ तोओ अनुसार जाह्‍ङाक्‍तिको द्‍याह्‍न्‌ति पाह्‍य्‌तिवाङा र मालिककाय तोआथय, ‘मालिक, नाङइ तोसास्‍यावो लेखाले ङाइ जुदाकाय गोत्‍ति वानालाङ, तर अझले नाःतो कोथा खालि मुना।’

लुका 24:19

येसुइ ह्‍वत्‍सास्‍यावा, “दोह घतना घतआ र?” ओउनिसइ जवाफ बयाकाचु, “ओउ घतनाखे नासरतको येसुको रुवाङहाङ स्‍यावो खेतो। येसु अगमबक्‍ताझ्‍यान्‍ते ग्‍याह्‍ङ्‌सिओ कुरालम जाह्‍ङ्‍सास्‍यावा अनि परमेस्‍वर र मान्‍तालमको नजरहाङ जिःङकालि गुरु स्‍याउसास्‍यावा।

लुका 3:23

जब येसुइ लयको पेओ खबर प्रचार जाह्‍ङ्‍सा थाल्‍सास्‍यावा, ओउको उमेर तिस बर्‌सच्‍युक स्‍यावो खेतो। येसु योसेफको चोः खेना त दाह्‍य्‌ति मान्‍तालमइ चिःनितो। योसेफ एलिको चोः खेना।

खबरदुत 2:22

द्‍याह, ङाइ नासरत त तोओ मयो सहरको येसुको बारेहाङ तोसा बोःङो कुरा निङ इस्राएलको मान्‍तालमइ साइनु। येसुइ निङको माझहाङ जाह्‍ङ्‍सास्‍यावो जिःङकालि ग्‍याह्‍ङ्‌सिओ कामलम र चिनोलमसयले, परमेस्‍वरइ निङको लागि येसुकाय ल्‍होक्‍सास्‍यावो कुराको प्रमान बइसास्‍यावो मुना। इ कुराखे निङ जुदाइ चिःओले मुना।