२ तीमोथी 4:8 - चेपाङ

⁸ द्‍याहखे ङाको लागि धार्‌मिक्‍ताको मुकुत गमो मुना। निको धर्‌मि न्‍यायधिस प्रभुइ लय द्‍याह्‍न्‌ति वाङ्‍सास्‍याउतोक बेलाहाङ ओउ मुकुत ङाकाय बइसास्‍याउना, र ओउ मुकुतखे ङाकाय मात्र खेमात, प्रभु द्‍याह्‍न्‌ति वाङ्‍साखेओ ल्‍यामकाय चोङाइति योतिमुओ जुदाकायले बइसास्‍याउलेना।

२ तीमोथी 4:8 Iomraidhean Croise

लुका 10:12

ङाइ निङकाय तोनेनाङ्‍स, परमेस्‍वरइ जुदा मान्‍तालमकाय न्‍याय जाह्‍ङ्‍सास्‍यावो दिनहाङ, ओउ सहरको मान्‍तालमको हालतसयपाय बरु पापइ ब्‍लिङो सदोम सहरको मान्‍तालमको हालत सहसा खाइतोस्‍याउना!”

१ थेसलोनिकि 1:10

अनि निङइ परमेस्‍वरको चोः येसु लाङकासय वाङ्‍सास्‍याउना त दाह्‍य्‌ति ल्‍युह्‍ङ्‌तिमुओ कुरामा ओउमयइ ल्‍हाकाकानि। परमेस्‍वरइ येसुकाय सिओसय उह्‍ति च्‍योक्‍ताक्‍सास्‍यावा, अनि परमेस्‍वरइ जुदा मान्‍तालमकाय न्‍याय जाह्‍ङ्‍सास्‍यावो दिनहाङखे, ओउ येसुइले निकाय परमेस्‍वरको रिससय दल्‍ताक्‍सास्‍याउलेना।

१ थेसलोनिकि 5:4

तर ङाको राप्‍तो बिस्‍वासि होयालम, निङखे च्‍याकोहाङ याको मान्‍तालम लेखा खेतेइलि, ओउतझ्‍यान्‍ते ओउ दिनइखे निङकाय कुःरेउइ लेखा ग्‍याह्‍ङ्‍ताक्‍तेइलि।

२ थेसलोनिकि 2:8

ओहाङसयको लोन्‍हे ओउ दुस्‍त मान्‍ता थालाङ वाङ्‍ना, अनि प्रभु येसुइ ओउकाय लयको म्‍होतोङसय ग्‍ल्‍युह्‍ङो सब्‍दलम दुवारा सात्‍सास्‍याउना र जब येसु ताह्‍ङो महिमाहाङ वाङ्‍सास्‍याउना ओउ दुस्‍त मान्‍ताखे जुगाङको लागि म्‍हेत्‍ति वाइलेना।

१ तीमोथी 6:19

ओउतहाइतिले ओउमयइ लयमयको लागि सत्‍य धन-सम्‍पति त्‍युह्‍म्‌नानि, र ओउखे ओउमयको लोन्‍हेको रुवाङको लागि बल्‍यो तोस स्‍याउलेना, र ओउत जाह्‍ङ्‍तोकहाङखे ओउमयइ सत्‍य रुवाङ दोःलेनय।

२ तीमोथी 1:10

तर देङेखे ख्रिस्‍त येसु निकाय दल्‍ताक्‌लाङ वाङ्‍सास्‍यावो मुना, र ओउसयले परमेस्‍वर गच्‍युक योःन्‌मय र अनुग्रहि खेसास्‍याउना त दाह्‍यो कुरा निइ चिःसा खाइनातह्‍य्‌नि। ख्रिस्‍तइ सिमयको जिःङकाय बिनास जाह्‍ङ्‍सास्‍यावा, र पेओ खबर दुवारा गलमा सिमालो अजम्‍बरि रुवाङ छ्‍यान्‍ति बइसास्‍यावा।

२ तीमोथी 1:12

ओउतझ्‍यान्‍तेले देङे ङा इहाङ झेलकनखा दुख दोःति मुनाङ। तर इ कुराहाङखे ङा जुगाङमा रासङल, धइतिदाह्‍य्‌सा ङाइ सुकाय बिस्‍वास जाह्‍ङो मुनाङ त दाह्‍यो कुरा ङाइ पेतोकुसि चिःओ मुनाङ। परमेस्‍वरइ दोह कुरा ङाकाय बिस्‍वास दुवारा सुम्‍पति बइसास्‍यावो मुना, ओउ कुराखे लय द्‍याह्‍न्‌ति वाङ्‍माच्‍युकसम्‍म ख्रिस्‍तइले सुरछ्‍या जाह्‍ङ्‌ति गम्‍सास्‍याउना त दाह्‍यो कुराहाङमा ङा पक्‍का मुनाङ।

२ तीमोथी 1:18

परमेस्‍वरइ जुदा मान्‍तालमकाय न्‍याय जाह्‍ङ्‍सास्‍यावो दिनहाङ, प्रभुइ ओउकाय योःन्‌मय बयो स्‍याउपाना त दाह्‍य्‌ति ङाइ प्राथना जाह्‍ङ्‍नाङ। ङा एफिससहाङ मुतोकहाङ ओउइ ङाकाय गच्‍युक सहयोग जाह्‍ङाताङ त दाह्‍यो कुरामा नाङइ चिःओले मुतेना।

२ तीमोथी 2:5

यदि कुनय मान्‍ताइ तनो बाजिहाङ भाग लेःनउ, तर पेतोकुसि नेमलम पालन जाह्‍ङुलु त खेयाखे ओउइ इनाम दोःसा खाइलेउलु।

२ तीमोथी 4:1

ख्रिस्‍त येसु लयको राज्‍य तयार जाह्‍ङ्‍साको लागि राजाको रुपहाङ द्‍याह्‍न्‌ति वाङ्‍सास्‍याउतोक बेलाहाङ, ओउ बेलासम्‍म सिधाङ्‍मालो र ङ्‍हाखाले सितिखायो मान्‍तालम जुदाकायले न्‍याय जाह्‍ङ्‍सास्‍याउना। ओउतझ्‍यान्‍ते परमेस्‍वर र ख्रिस्‍त येसुको ङ्‍हा ङाइ नाङकाय इ आग्‍या बइनेनाङ—

तीतस् 2:13

येसु ख्रिस्‍त लयको महान् महिमाकुस इ ल्‍हाउदयबाङहाङ द्‍याह्‍न्‌ति वाङ्‍साखेओ निको महान् आसाकाय ल्‍युह्‍ङ्‌ति मुतोकहाङ निखे ओउतहाइतिले याक्‍सा परनातहि। अनि ओउ येसु ख्रिस्‍तले निको महान् परमेस्‍वर र मुक्‍तिदाता खेसास्‍याउना।