२ तीमोथी 4:7 - चेपाङ

⁷ ङाइ पेतोकुसिले युद्‍ध जाह्‍ङालाङ। ङाइ तनो काम द्‍योकालाङ, र ङाइ बिस्‍वासकाय दल्‍ताक्‍ति गमो मुनाङ।

२ तीमोथी 4:7 Iomraidhean Croise

लुका 11:28

तर येसुइ तोसास्‍यावा, “बरु ओउमय धन्‍नेको खेनय, सुखेइ परमेस्‍वरको आखर साइनानि र ङ्‍हाम्‍नानि।”

लुका 8:15

तर ओउ आह्‍य्‌साःहाङ दिह्‍लाङ आलो बियाइखे इ चिःताक्‍नउ, कि गच्‍युक जनाइ परमेस्‍वरको आखर साइनानि, अनि आग्‍याकारि स्‍याउति सायो आखरकाय पेतोहाइति ल्‍हुङतुकहाङ गम्‍नानि, र साय साइमाच्‍युककाय मधिम त मुति ल्‍युह्‍ङ्‍नानि।”

खबरदुत 13:25

अनि युहन्‍नाइ लयको सेवाको काम द्‍युम्‍सा लागधार्‌ना मान्‍तालमकाय एतदाह्‍य्‌ति ह्‍वताकान, ‘दोह निङ ङाकाय ख्रिस्‍त त म्‍हर्‌तेनय? अह, ङा निङइ ल्‍युह्‍ङ्‌तिमुओ ख्रिस्‍त खेङल। तर साइनु, ख्रिस्‍तखे ङासय लोन्‍हे वाङ्‍सास्‍याउधय मुना, र ङापाय ओउको जुत्‍ताको तुनुला फान्‍सामा ज्‍योङल।’

खबरदुत 20:24

तर ङाइ लयको रुवाङको बारेहाङ लिह्‍ङल। धइतिदाह्‍य्‌सा ङाको लागि महत्‍वखे ङाको रुवाङ खेल, तर येसुइ ङाकाय बइसास्‍यावो परमेस्‍वरको अनुग्रहको पेओ खबर पेतोकुसि प्रचार जाह्‍ङ्‍साखे ङाको रुवाङसयमा महत्‍व खेना।

१ तीमोथी 1:18

तिमोथि, नाङ ङाको लयको चोः लेखाले खेतेना, ओउतझ्‍यान्‍ते केहि अगमबक्‍तालमइ नाङको बारेहाङ नोःओ अगमबानि अनुसार ङाइ नाङकाय इ आग्‍या बइनेनाङ। ओउ अगमबानिइ नाङकाय प्रभुको लागि युद्‍ध जाह्‍ङ्‍साको लागि साहस बइतेपाना।

१ तीमोथी 6:12

नाङइ जाह्‍ङो सत्‍य बिस्‍वासको लागि पेओ युद्‍ध जाह्‍ङु। लयइ ख्रिस्‍तहाङ जाह्‍ङो बिस्‍वासको बारेहाङ नाङइ नाःतो मान्‍तालमकाय तोतेआकान, र ओउतोक बेलाहाङले परमेस्‍वरइ नाङकाय अजम्‍बरि रुवाङको लागि गोत्‍तेआ। अनि द्‍याहखे, परमेस्‍वरइ नाङकाय बइसास्‍यावो ओउ अजम्‍बरि रुवाङकाय नाङइ पेतोहाइति बल्‍योकुसि पक्रति गमु।

१ तीमोथी 6:20

तिमोथि, परमेस्‍वरइ नाङको जिम्‍माहाङ बइसास्‍यावो सत्‍य आखरकाय पेतोकुसि सुरछ्‍या जाह्‍ङ्‌ति गमु। परमेस्‍वरको नजरहाङ महत्‍वको खेमालो कुरालम, र मान्‍तालमइ “ग्‍यान” त तोओ तर ओउखे परमेस्‍वरको सत्‍य आखरको बिरोतहाङ खेना त खेयाखे ओउतताह्‍ङो कुरा साइसाकाय इन्‍कार जाह्‍ङु।

२ तीमोथी 1:14

परमेस्‍वरइ नाङकाय बिस्‍वास दुवारा सुम्‍पति बइसास्‍यावो सत्‍य आखरकाय, निकहाङ याक्‍सास्‍यावो पबित्र ग्‍वालामको जिःङ दुवारा पेतोकुसि सुरछ्‍या जाह्‍ङ्‌ति गमु।

२ तीमोथी 3:10

तर तिमोथि, ङाइ मान्‍तालमकाय दोह स्‍यानराय स्‍यान्‍नाङ, ङा गतहाइति याक्‍नाङ, र ङाको रुवाङको उदेस्‍य दोह खेना त दाह्‍यो कुरापाय नाङइ चिःओले मुतेना। ओउतले ङाइ जाह्‍ङो बिस्‍वास, ङाइ सहओ कुरालम, ङाको रापमय, र ङाको धइरेतामा नाङइ चिःओले मुतेना।