२ तीमोथी 4:4 - चेपाङ

⁴ ओउमयपाय सत्‍य कुरा साइसाको होन्‍त स्‍याताहा विनराय साइसाखे झाक्‌लेनय।

२ तीमोथी 4:4 Iomraidhean Croise

खबरदुत 7:57

अनि ओउमयइ ल-लयको नो बोःमाकानि र हिह्‍सा फाःङाकानि, र यातयचोति जुदाइले स्‍तिफनसकाय आक्रमन जाह्‍ङाकानि।

२ थेसलोनिकि 2:11

ओउतझ्‍यान्‍ते परमेस्‍वरइ ओउमयकाय स्‍याताहा कुराहाङ बिस्‍वास जाह्‍ङ्‍तो जाह्‍ङ्‍सास्‍याउना, अनि ओउमयइ ओउ दुस्‍त मान्‍ताको जुदा स्‍याताहा कुराकाय सुइकार जाह्‍ङ्‍लेनानि।

१ तीमोथी 1:4

नाङइ ओउमयकाय सत्‍य खेमालो स्‍याताहा विनरायलम ल्‍हाक्‍सा र पुर्‌खालमको गलमा द्‍युम्‍मालो बङ्‍सलमको बारेहाङ नोःसाकायमा रोकसा परलेतेना। धइतिदाह्‍य्‌सा ओउतताह्‍ङो कुराइ बिबाद मात्र स्‍याउना, र परमेस्‍वरहाङ बिस्‍वासिलो स्‍याउति याको मान्‍तालमकाय दोह सहयोगमा स्‍याउलेल।

१ तीमोथी 4:7

तर परमेस्‍वरकसय वाङो खेमात मुर्‌ख मान्‍तालमइ मात्र बिस्‍वास जाह्‍ङो स्‍याताहा कुरालमकायखे नाङइ इन्‍कार जाह्‍ङ्‍साले परतेना। बरु परमेस्‍वर झाक्‍तोको रुवाङ याक्‍साको लागि नाङ लयकाय तालिम बइस।

१ तीमोथी 6:20

तिमोथि, परमेस्‍वरइ नाङको जिम्‍माहाङ बइसास्‍यावो सत्‍य आखरकाय पेतोकुसि सुरछ्‍या जाह्‍ङ्‌ति गमु। परमेस्‍वरको नजरहाङ महत्‍वको खेमालो कुरालम, र मान्‍तालमइ “ग्‍यान” त तोओ तर ओउखे परमेस्‍वरको सत्‍य आखरको बिरोतहाङ खेना त खेयाखे ओउतताह्‍ङो कुरा साइसाकाय इन्‍कार जाह्‍ङु।

२ तीमोथी 1:15

एसिया इलाकाको जुदा बिस्‍वासिलमइ ङाकाय फेओ कुरापाय नाङइ चिःओले मुतेना। ओउमय मध्‍येहाङ फुगेलस र हर्‌मोगेनसमा परनाच।

तीतस् 1:14

ओउमयइ यहुदिलमको स्‍याताहा विनरायलम साइसा र सत्‍यकाय फेति पाह्‍यो मान्‍तालमइ जाह्‍ङो आग्‍यालम पालन जाह्‍ङ्‍सा फेपानानि।