२ तीमोथी 4:3 - चेपाङ

³ धइतिदाह्‍य्‌सा मान्‍तालमइ परमेस्‍वरको सत्‍य स्‍यानरायकाय साइमालो समयमा वाङ्‌लेना। ओउमयखे लयको इच्‍छ्‍याको लोन्‍हे लागनय, र ओउमयइ लयमयको इच्‍छ्‍या अनुसारको कुरा तोतिबयो स्‍याताहा गुरुलमको कुराकाय साइनानि।

२ तीमोथी 4:3 Iomraidhean Croise

लुका 20:19

धर्‌मगुरु र मुख्‍य पुजारिलमइ इ ल्‍हाकराय लयमयको बिरोतहाङ तोओ त चिःति ओउबेलाहाङले येसुकाय चुम्‍सा बिचार जाह्‍ङाकानि, तर ओउमय मान्‍तालमकाय रयाकाय।

लुका 6:26

जब जुदा मान्‍तालमइ निङको बारेहाङ लुङ्‍ति नोःनय निङकाय धिक्‍कार! धइतिदाह्‍य्‌सा एतहाइतिले निङको पुर्‌खालमइमा स्‍याताहा अगमबक्‍तालमकाय लुङ्‌नितो।’”

खबरदुत 17:21

(धइतिदाह्‍य्‌सा एथेन्‍सको जुदा मान्‍तालम र ओहाङ याको परदेसिलम नया कुरा तोसा र साइसाको लागि लयमयको जुदा समय बइसा चाहओ कुरा ओउ मान्‍तालमइ पावलकाय तोआकानि।)

१ तीमोथी 1:10

ओउतले इखे बेभिचारि मान्‍तालम, र गोय्‍चो-गोय्‍चो अथबा मोम्‍चो-मोम्‍चोको माझहाङ बेभिचार जाह्‍ङोलम, नोकरको रुपहाङ विःन्‌साको लागि मान्‍ताकाय अपहरन जाह्‍ङोलम, स्‍याताहा नोःओ र स्‍याताहा गभाइ बयोलम, र परमेस्‍वरको सत्‍य स्‍यानरायको बिरोतहाङ अरु कुरालम जाह्‍ङो मान्‍तालमको लागिमा जाह्‍ङो खेना।

२ तीमोथी 1:13

ङाइ नाङकाय स्‍यानो सत्‍य आखरकाय पेतोकुसि नमुनाको रुपहाङ ओमपाइति गमु। अनि नाङखे नाङकहाङ मुओ ख्रिस्‍त येसुको बिस्‍वास र रापमय अनुसार याक।