२ तीमोथी 4:20 - चेपाङ

²⁰ इरास्‍तसखे कोरिन्‍थ सहरहाङले मुआ, तर त्रोफिमसखे बिरामि स्‍यावोझ्‍यान्‍ते ङाइ ओउकाय मिलेतस सहरहाङले फेति गमालाङ।

२ तीमोथी 4:20 Iomraidhean Croise

खबरदुत 18:1

ओहाङसयको पावल एथेन्‍स सहर फेआक्‍तिको कोरिन्‍थ सहरताङ आला।

खबरदुत 18:8

यहुदि सभाकिमको हाकिमि क्रिस्‍पस र ओउको किमको जुदा माचरलमइले प्रभुहाङ बिस्‍वास जाह्‍ङाकानि। अनि कोरिन्‍थ सहरको अरु नाःतो मान्‍तालमइमा पावलको स्‍यानराय साइति बिस्‍वास जाह्‍ङाकानि र बप्‍तिस्‍मा लेःआकानि।

खबरदुत 19:22

ओउतझ्‍यान्‍ते ओउइ लयको सहयोगि होयानिस तिमोथि र इरास्‍तसकाय माकेदोनियाताङ ल्‍होकाकान। तर लयखे केहि दिनको लागि एसिया इलाकाको एफिसस सहरहाङले मुआ।

खबरदुत 20:15

नि ओहाङसयमा आल्‍ति स्‍याह्‍ङ्‍लो पल्‍तखे खियस तापु द्‍याङ्‍तो दाहालाङ्‍सु, र चित्‍सयलोखे सामोस तापुहाङ दाहालाङ्‍सु। अनि क्‍याम्‍सयलोहाङखे नि मिलेतस सहरहाङ दाहालाङ्‍सु।

खबरदुत 20:17

तर जब नि मिलेतसहाङ दाहालाङ्‍सु, पावलइ एफिससको मन्‍दलिको अगुवालमकाय निङ वाङ्‌ति ङाकाय क्रुस्‍नाङ्‍स त दाह्‍य्‌ति यातज्‍यो खबर ल्‍होकाकान।

खबरदुत 20:4

केहि मान्‍तालममा ओउको यात्राहाङ ओउकुसि ब्रकले आलाकाय। ओउमयखे बेरिया सहरको पुरसको चोः सोपात्रोस, थेसलोनिके सहरको अरिस्‍तार्‌खस र सिकन्‍दस, दर्‌बि सहरको गायस, अनि तिमोथि, र एसिया इलाकाको तुखिकस र त्रोफिमस खेइतो।

खबरदुत 21:29

(धइतिदाह्‍य्‌सा ओउमयइ एफिसस सहरसय वाङो त्रोफिमसकाय पावलकुसि यरुसलेम सहरहाङ च्‍यवाकानि। र पावलइ ओउकाय निको मन्‍दिरभित्र पोसाकान त म्‍हर्‌ति ओउमय एत दाह्‍यो खेइतो।)