२ तीमोथी 4:17 - चेपाङ

¹⁷ तर ङाकाय सहयोग जाह्‍ङ्‍साको लागि ङाको पासहाङ प्रभु खेसास्‍याउतो। प्रभुइले ङाकाय बल बइसास्‍यावोझ्‍यान्‍ते ङाइ पेतोकुसि पेओ खबर प्रचार जाह्‍ङ्‍सा खायालाङ, र अरु जातिको जुदा मान्‍तालमइले ओउ साइसा दोःआकाय। ओउतहाइति प्रभुइ ङाकाय जाःको म्‍होतोङसय दल्‍ताक्‍सास्‍यावा।

२ तीमोथी 4:17 Iomraidhean Croise

लुका 1:1

ङाको राप्‍तो होया थियोफिलस, नाःतो मान्‍तालमइ निको माझहाङ घतना स्‍याउति पुतो कुरालमको बयान लेखओ काम जाह्‍ङाकानि।

लुका 21:15

धइतिदाह्‍य्‌सा ङाइ निङकाय बुद्‍दि बइनेनाङ्‍स, ओउतझ्‍यान्‍ते दोह नोःसा परना त दाह्‍य्‌ति निङइ चिःतेनानि। ओउतस्‍याउधार्‌ना निङको बइरिलमइ निङको कुराको जवाफ बइसा ज्‍योइलि अथबा निङकाय पेमातो तोसा खाइनिलि।

खबरदुत 23:11

ओउ याह्‌दिङ प्रभुइ पावलको छेउसय चिङ्‌ति तोसास्‍यावा, “पावल, साहस जाह्‍ङु। नाङइ गतहाइति इ यरुसलेमहाङ ङाको बारेहाङ गभाइ बइतेआकान, ओउतहाइतिले रोमहाङमा गभाइ बइसा परतेना।”

खबरदुत 9:15

तर प्रभुइ हननियाकाय तोसास्‍यावा, “आल, धइतिदाह्‍य्‌सा ङाको सेवा जाह्‍ङ्‍सा, र अरु जातिको मान्‍तालम, राजालम, र इस्राएलको मान्‍तालमकाय ङाको मय्‍ङ प्रचार जाह्‍ङ्‍साको लागि ङाइ ओउकाय छ्‍युह्‍ङो खेनाङ।

१ तीमोथी 1:12

ङाकाय इ पेओ खबर प्रचार जाह्‍ङ्‍साको लागि जिःङ बइसास्‍यावो प्रभु येसु ख्रिस्‍तकाय ङा धन्‍नेबाद बइसा चाहनाङ। धइतिदाह्‍य्‌सा ख्रिस्‍त येसुइले ङाकाय बिस्‍वासिलो ताःति लयको सेवाको कामहाङ छ्‍युह्‍ङ्‍सास्‍यावा।

२ तीमोथी 2:1

ङाको लयको राप्‍तो चोः लेखाले ताह्‍ङो तिमोथि, परमेस्‍वरइ नाङको लागि येसु ख्रिस्‍तहाङ बइसास्‍यावो अनुग्रह दुवारा नाङ बल्‍यो स्‍याव।

२ तीमोथी 2:9

र ओउ पेओ खबर प्रचार जाह्‍ङो कारनइले ङा देङे दुख दोःति मुनाङ र अपराधिको रुपहाङ झेलकनहाङ साङ्‍लाइ पाःन्‌तिगमो मुनाङ। तर परमेस्‍वरको आखरकायखे साङ्‍लाइ पाःन्‌सा खाइलेल।

२ तीमोथी 3:11

एन्‍तिओखिया, आइकोनियन, र लुस्‍त्रा सहरलमहाङ ङाइ गच्‍युक दुख दोःआलाङ त दाह्‍यो कुरामा नाङइ पेतोकुसिले चिःओ मुतेना। तर ओउतताह्‍ङो दुखको अबस्‍थालमसयमा प्रभुइले ङाकाय दल्‍ताक्‍सास्‍यावो खेना।

२ तीमोथी 4:5

तर नाङइखे हरेक अबस्‍थालमहाङमा लयको मनकाय अनुसासनहाङ गमु। प्रभुको लागि दुख दोःसाकाय नाङ जुगाङमा रइलाम। बरु अरु मान्‍तालमकाय पेओ खबर प्रचार जाह्‍ङु, र परमेस्‍वरइ नाङकाय बइसास्‍यावो सेवाको कामकाय पुरा जाह्‍ङु।

तीतस् 1:3

र देङेखे, मान्‍तालमइ लयको पेओ खबर चिःपानानि त दाह्‍य्‌ति परमेस्‍वरइ सहि समयहाङले निर्‌नय जाह्‍ङ्‍सास्‍यावा। ओउ आखर घोसना जाह्‍ङ्‍सा अधिकारखे परमेस्‍वरइ बिस्‍वास दुवारा ङाकाय सुम्‍पति बइसास्‍यावा, र निको मुक्‍तिदाता परमेस्‍वरइ आग्‍या जाह्‍ङ्‍सास्‍यावो अनुसारले ङाइ ओउ पेओ खबरको प्रचार जाह्‍ङ्‍नाङ।