२ तीमोथी 4:1 - चेपाङ

¹ ख्रिस्‍त येसु लयको राज्‍य तयार जाह्‍ङ्‍साको लागि राजाको रुपहाङ द्‍याह्‍न्‌ति वाङ्‍सास्‍याउतोक बेलाहाङ, ओउ बेलासम्‍म सिधाङ्‍मालो र ङ्‍हाखाले सितिखायो मान्‍तालम जुदाकायले न्‍याय जाह्‍ङ्‍सास्‍याउना। ओउतझ्‍यान्‍ते परमेस्‍वर र ख्रिस्‍त येसुको ङ्‍हा ङाइ नाङकाय इ आग्‍या बइनेनाङ—

२ तीमोथी 4:1 Iomraidhean Croise

लुका 19:12

ओउतझ्‍यान्‍ते येसुइ तोसास्‍यावा, “कुनय यातचाक ताह्‍ङो मान्‍ताइ लोक्‍तो देसहाङ आल्‍ति लयको देसको राजा स्‍याउसा अधिकार लात्‍ति पाह्‍य्‌ति वाङ्‍सा योजना जाह्‍ङाकान।

लुका 19:15

तर ओउ मान्‍ता राजा स्‍याउसा अधिकार दोःतिले पाह्‍य्‌तिवाङा। दाह्‍नातासले नोकरलमइ गच्‍युक कमावाकानि त दाह्‍य्‌ति चिःसाकाय, ओउइ ओउमयकाय वाङ्‍सा हुकुम जाह्‍ङाकान।

लुका 23:42

ओहाङसयको ओउइ येसुकाय तोआकान, “अ येसु, जब नाङइ लयको राज्‍यहाङ राज्‍य जाह्‍ङ्‍सास्‍याउना, ओउबेलाहाङ ङाकायमा सम्‍झसास्‍याउपाना।”

खबरदुत 10:42

मान्‍तालमकाय परमेस्‍वरको पेओ खबर प्रचार जाह्‍ङ्‍सा, अनि परमेस्‍वरइ येसुकाय सिओ र जिउदो मान्‍तालमको न्‍यायधिस जाह्‍ङ्‍सास्‍यावो मुना त दाह्‍य्‌ति साछि बइसाको लागि येसुइ निकाय आग्‍या जाह्‍ङ्‍सास्‍यावो मुना।

खबरदुत 17:31

धइतिदाह्‍य्‌सा परमेस्‍वरइ इ सङ्‍सारको जुदा मान्‍तालमकाय धार्‌मिक्‍ताहाङ न्‍याय जाह्‍ङ्‍साको लागि दिन दोक्‍तिखायो मुना। र परमेस्‍वरइ लयको लागि ओउ काम जाह्‍ङ्‍साकाय यातचाक मान्‍ता येसुकाय छ्‍युह्‍ङ्‍सास्‍यावो मुना। परमेस्‍वरइ येसुकाय सिओसय उह्‍ति च्‍योक्‍ताक्‍ति जुदा मान्‍तालमकाय इ कुराको प्रमान बइसास्‍यावो मुना।”

२ थेसलोनिकि 2:8

ओहाङसयको लोन्‍हे ओउ दुस्‍त मान्‍ता थालाङ वाङ्‍ना, अनि प्रभु येसुइ ओउकाय लयको म्‍होतोङसय ग्‍ल्‍युह्‍ङो सब्‍दलम दुवारा सात्‍सास्‍याउना र जब येसु ताह्‍ङो महिमाहाङ वाङ्‍सास्‍याउना ओउ दुस्‍त मान्‍ताखे जुगाङको लागि म्‍हेत्‍ति वाइलेना।

१ तीमोथी 5:21

ङाइ नाङकाय परमेस्‍वर र ख्रिस्‍त येसु अनि पबित्र लाङकादुतको ङ्‍हा इ अर्‌थिलम पालन जाह्‍ङ्‍साको लागि आग्‍या जाह्‍ङ्‍नेनाङ। नाङइ ओउत हाइतोकहाङ सुकायमा छति बेबहार जाह्‍ङ्‍मात समान रुपहाङले न्‍याय जाह्‍ङु।

२ तीमोथी 1:10

तर देङेखे ख्रिस्‍त येसु निकाय दल्‍ताक्‌लाङ वाङ्‍सास्‍यावो मुना, र ओउसयले परमेस्‍वर गच्‍युक योःन्‌मय र अनुग्रहि खेसास्‍याउना त दाह्‍यो कुरा निइ चिःसा खाइनातह्‍य्‌नि। ख्रिस्‍तइ सिमयको जिःङकाय बिनास जाह्‍ङ्‍सास्‍यावा, र पेओ खबर दुवारा गलमा सिमालो अजम्‍बरि रुवाङ छ्‍यान्‍ति बइसास्‍यावा।

२ तीमोथी 2:14

तिमोथि, इ कुरालमको बारेहाङ जुदा मान्‍तालमकाय सम्‍झाउ, र सब्‍दलमकाय लेःति लयमय कायकायो काम जाह्‍ङ्‍लाम त दाह्‍य्‌ति परमेस्‍वरको ङ्‍हा दर्‌कति तोउ। ओउतताह्‍ङो बहसलमइखे सुकायमा फाइदा जाह्‍ङुलु, र ओउतताह्‍ङो कुरालमइ सायो मान्‍तालमकायमा बिनासहाङ दाक्‍नउ।

२ तीमोथी 4:18

मा, प्रभुइले ङाकाय जुदा खालको पेमालो थोकलमसय दल्‍ताक्‍सास्‍याउलेना, र पेतोकुसि सुरछ्‍या बइति लयको लाङकाको राज्‍यहाङ वान्‍सा स्‍याउलेना। परमेस्‍वरकाय जुदा महिमा सधयको लागि स्‍याउति मुपाना। आमेन।

२ तीमोथी 4:8

द्‍याहखे ङाको लागि धार्‌मिक्‍ताको मुकुत गमो मुना। निको धर्‌मि न्‍यायधिस प्रभुइ लय द्‍याह्‍न्‌ति वाङ्‍सास्‍याउतोक बेलाहाङ ओउ मुकुत ङाकाय बइसास्‍याउना, र ओउ मुकुतखे ङाकाय मात्र खेमात, प्रभु द्‍याह्‍न्‌ति वाङ्‍साखेओ ल्‍यामकाय चोङाइति योतिमुओ जुदाकायले बइसास्‍याउलेना।

तीतस् 2:13

येसु ख्रिस्‍त लयको महान् महिमाकुस इ ल्‍हाउदयबाङहाङ द्‍याह्‍न्‌ति वाङ्‍साखेओ निको महान् आसाकाय ल्‍युह्‍ङ्‌ति मुतोकहाङ निखे ओउतहाइतिले याक्‍सा परनातहि। अनि ओउ येसु ख्रिस्‍तले निको महान् परमेस्‍वर र मुक्‍तिदाता खेसास्‍याउना।