२ तीमोथी 3:2 - चेपाङ

² धइतिदाह्‍य्‌सा ओउ दिनलमहाङ मान्‍तालमइ लयइ लयकाय र थेपोकाय मात्र राप्‍नानि, र ओउमय माहा जोक्‍तो मःन्‌नाइसि र ङाःरेउ स्‍याउनय। अनि ओउमय परमेस्‍वरको अपमान जाह्‍ङो र लयको आपा-आमाको कुराकाय माःनेमालो, बइगुनि र परमेस्‍वरको भक्‍ति जाह्‍ङ्‍मालो मान्‍ता स्‍याउनय।

२ तीमोथी 3:2 Iomraidhean Croise

लुका 12:15

अनि येसुइ ओहाङ हुमो मान्‍तालमकाय तोसास्‍यावा, “निङ होसियार स्‍याउन, र जुदा खालको लोभसय दल्‍ति मुन, धइतिदाह्‍य्‌सा धन-सम्‍पति गच्‍युकले नाःतो मुयाकायमा ओउइ मान्‍ताकाय सत्‍य रुवाङखे बयुलु।”

लुका 16:14

जब फरिसिलमइ येसुइ तोसास्‍यावो कुरा सायाकानि, ओउमयइ येसुकाय थ्‍याउलाङ फाःङाकानि, धइतिदाह्‍य्‌सा ओउमयइ थेपोकाय आन राप्‍नितो।

लुका 6:35

ओउत खेल, लयको बइरिलमकाय राप्‍नु र ओउमयकाय पेतो बेबहार जाह्‍ङ्‍नु, र द्‍याःन्‌ति बइपाताङ त म्‍हर्‌मात रिन बइनु। ओउत जाह्‍ङ्‍तेनानि त खेया, निङ ताह्‍ङो इनाम दोःतेनय, र निङ जुदासय ताह्‍ङो प्रभु परमेस्‍वरको सन्‍तान स्‍याउतेनय। धइतिदाह्‍य्‌सा परमेस्‍वरइ बइगुनि र दुस्‍तकायमा योःन्‌ति योसास्‍याउना।

खबरदुत 5:36

केहि समय ङ्‍हा थुदास त मय्‍ङ्‍ओ यातचाक मान्‍ताइ लयकाय ताह्‍ङो मान्‍ता त दाह्‍य्‌ति तोआकास, र लगभग प्‍लय सय जनाच्‍युक मान्‍तालम ओउको समुहहाङ वाङाकाय। तर ओउकाय साताथय, र ओउको लोन्‍हे गुह्‍ल्‌ति वाहोलममा छरपस्‍त स्‍यावाकाय, अनि जुदा आन्‍दोलनले मिह्‍तिवाया।

२ थेसलोनिकि 2:4

ओउ मान्‍ताइ परमेस्‍वरको र मान्‍तालमइ परमेस्‍वरको रुपहाङ पुजा-आराधना जाह्‍ङो जुदा थोकलमकोले बिरोध जाह्‍ङ्‍नउ। ओहाङसयको ओउइ, ङा परमेस्‍वर खेनाङ त दाह्‍य्‌ति लयइ लयकायले घोसना जाह्‍ङाक्‍तिको परमेस्‍वरको मन्‍दिरहाङ आल्‍ति मुलेना।

१ तीमोथी 1:20

ओउमय मध्‍येहाङ हुमेनियस र अलेक्‍जेन्‍दर त तोओ मान्‍तानिसखे इ कुराको उधारन खेनाच। परमेस्‍वरको अपमान जाह्‍ङ्‍सास्‍याउल त दाह्‍यो कुरा ओउनिसइ चिःपाचु त दाह्‍य्‌ति ङाइ ओउनिसकाय अरु बिस्‍वासिलमकसय वेङाक्‍तिको सय्‍तानकहाङ सुम्‍पति बयालाङ।

१ तीमोथी 1:9

निइ इमा चिःनातह्‍य्‌नि, नेम-कानुनखे पेतो काम जाह्‍ङो पेओ मान्‍तालमको लागि जाह्‍ङो खेलेल। तर इखे नेम-कानुन पालन जाह्‍ङ्‍मालो र आग्‍याकारि नाःमालोलम, परमेस्‍वरको भक्‍ति जाह्‍ङ्‍मालो र पाप काम जाह्‍ङोलम, दुस्‍त काम जाह्‍ङो र अधर्‌मिलम, लयको आपा-आमाकाय सातो र हत्‍यारालमको लागि जाह्‍ङो खेना।

१ तीमोथी 3:3

ओउखे नाःतो ङोतिः तुङो मान्‍ता स्‍याउसा स्‍याउल। ओउपाय रिसाहा मान्‍ता स्‍याउसा स्‍याउल, बरु भलाद्‌मि स्‍याउसा परना। ओउ अरुकुस कायकाइति वाहो मान्‍ता स्‍याउसा स्‍याउल, र धन-सम्‍पतिको लोभ जाह्‍ङो मान्‍तामा स्‍याउसा स्‍याउल।

१ तीमोथी 6:10

धइतिदाह्‍य्‌सा नाःतो धनि स्‍याउसा इच्‍छ्‍या जाह्‍ङो मान्‍तालमकहाङ जुदा खालको पेमालो दुस्‍त कुरालम स्‍याउलाङ वाङ्‍ना। गच्‍युक मान्‍तालमइखे धनि स्‍याउसा इच्‍छ्‍या जाह्‍ङोझ्‍यान्‍ते ख्रिस्‍तहाङ बिस्‍वास जाह्‍ङ्‍साले फेआकानि, र नाःतो दुख च्‍यवोझ्‍यान्‍ते दुखि स्‍यावो मुनय।

१ तीमोथी 6:4

ओउ बेग्‍लय खालको स्‍यानराय स्‍यानो मान्‍तालमखे लयमयले ङाःनाइसि, तर ओउमयइ दोङ्‌सिले दोह कुरामा चिःओ स्‍याउलेल। ओउतताह्‍ङो मान्‍तालमखे समस्‍या वान्‍सा झाक्‍नय र अनाबस्‍यक कुरालमहाङ बहस जाह्‍ङ्‍सा चाहनय। ओउतताह्‍ङो बेबहारइखे मान्‍तालमको माझहाङ चोःर्‌कायो, कायकायो, बेइजत र पेमालो सङ्‍खा मात्र वान्‍नउ।

२ तीमोथी 3:4

ओउमयइ लयको होयालमकायले धोका बइनानि, एत हाइधार्‌ना लोन्‍हे दोह स्‍याउना त दाह्‍यो कुरा सोचमातले मुर्‌ख कामलम जाह्‍ङ्‍नानि, र अरु मान्‍तालमकाय भन्‍दा लयकायखे महत्‍वको ताःनाइसि। ओउतले ओउमयइ परमेस्‍वरकाय राप्‍सा भन्‍दामा लयको रुवाङ मोजमज्‍जाहाङ बिताउसा इच्‍छ्‍या जाह्‍ङ्‍नानि।