२ तीमोथी 3:16 - चेपाङ

¹⁶ जुदा धर्‌मसास्‍त्र परमेस्‍वरकसयले वाङो खेना। अनि इखे मान्‍तालमकाय सत्‍य कुरा स्‍यान्‍साको लागि, गल्‍ति जाह्‍ङोलमकाय अर्‌थि बइसाको लागि, गलत कुरालमसय सुधार जाह्‍ङ्‍साको लागि, र गतहाइति रुवाङहाङ पेतोकुसि याक्‍सा परना त दाह्‍य्‌ति तालिम बइसाको लागि पेतो स्‍याउलेना।

२ तीमोथी 3:16 Iomraidhean Croise

मर्‌कस् 12:24

येसुइ ओउमयकाय जवाफ बइसास्‍यावा, “दोह निङइ लयको गल्‍ति चिःओ मुतेनय? निङको गल्‍तिखे निसज्‍यो मुना— ‘यातज्‍योखे निङइ धर्‌मसास्‍त्रको स्‍यानरायकाय चिःसा खाइतेनिलि, र अर्‌कोखे निङइ परमेस्‍वरको जिःङकाय तह्‍य्‌सा खाइतेनिलि।’

मर्‌कस् 12:36

धइतिदाह्‍य्‌सा पबित्र ग्‍वालामइ राजा दाउदकाय एतदाह्‍य्‌ति नोःताक्‍सास्‍यावा, ‘प्रभु परमेस्‍वरइ ङाको प्रभुकाय तोसास्‍यावा— “ङाको ङोइसय च्‍युःङ, जबसम्‍म ङाइ नाङको बइरिलमकाय नाङको दोमपाकताले गम्‍ङल।”’

खबरदुत 1:16

र एतदाह्‍य्‌ति तोआकान, “ङाको राप्‍तो बिस्‍वासि होयालम, येसुकाय पक्रओ मान्‍तालमकाय अगुवाय जाह्‍ङो यहुदाको बारेहाङ तोओ धर्‌मसास्‍त्र पुत्‍साले परतो। ओउखे उहिलेखा पबित्र ग्‍वालामइ राजा दाउदको म्‍होतोङसय ङ्‍हाले तोसास्‍यावो खेतो।

खबरदुत 18:25

ओउइ गतहाइति प्रभुको इच्‍छ्‍या अनुसार याक्‍सा परना त दाह्‍योको बारेहाङ पेओ स्‍यानराय दोःओ खेतो, र मान्‍तालमकाय आन चोङाइति येसुको बारेहाङ सत्‍य कुरा स्‍यानुतो। तर ओउइखे युहन्‍नाको बप्‍तिस्‍माको बारेहाङ मात्र चिःउतो।

खबरदुत 20:20

निङइ चिःओले मुतेनय, निङकाय पेतो स्‍याउपा त दाह्‍य्‌ति निङकाय स्‍यानराय बइसा ङाइ गलमा इन्‍कार जाह्‍ङ्‍ङल, बरु जुदा मान्‍तालमको ङ्‍हा अथबा किम-किमहाङ आल्‍ति ङाइ स्‍यान्‍नेआलाङ्‍स।

खबरदुत 20:27

धइतिदाह्‍य्‌सा निङइ दोह कुरा चिःओ परमेस्‍वर चाहसास्‍याउना, ओउ जुदा कुरा निङकाय तोसाको लागि ङाइ गलमा इन्‍कार जाह्‍ङ्‍ङल।

खबरदुत 28:25

ओउमय यात-अर्‌काको कुराहाङ सहमत स्‍याउसा खाइनिलि, ओउतझ्‍यान्‍ते ओउमय ओहाङसय ग्‍ल्‍युह्‍ङ्‌ति पाह्‍य्‌धय मुतोकहाङ पावलइ ओउमयकाय अन्‍तिम कुरा तोआथास, “पबित्र ग्‍वालामइ यसय्‍या अगमबक्‍ता दुवारा निङको पुर्‌खालमकाय तोसास्‍यावो कुरा दोङ्‌सिले सत्‍य खेना।

२ तीमोथी 2:25

ओउमयइखे लयको बिरोत जाह्‍ङो मान्‍तालमकाय अर्‌थि बइतोकहाङ नम्र स्‍याउति बेबहार जाह्‍ङ्‍सा परना। सायद ओउत हाइतोकहाङ परमेस्‍वरइ ओउ बिरोत जाह्‍ङो मान्‍तालमको ल्‍हुङतुककाय परिवर्‌तन जाह्‍ङ्‍सास्‍याउना, र ओउमयइ परमेस्‍वरको सत्‍यताकाय चिःसा खाइनानि।

२ तीमोथी 4:2

परमेस्‍वरको आखर मान्‍तालमकाय प्रचार जाह्‍ङु। प्रचार जाह्‍ङ्‍साको लागि बेलाहाङमा कुबेलाहाङमा तयार स्‍याउति मुअ। मान्‍तालमइ गल्‍ति जाह्‍ङ्‍तोकहाङ सुधार जाह्‍ङु, र फेरि गल्‍ति जाह्‍ङ्‍मासाको लागि थतु, अनि पेओ काम जाह्‍ङ्‍साको लागि हउसला बयु। तर मान्‍तालमकाय पेओ स्‍यानराय बइतोकहाङखे धइरे स्‍याउतिले स्‍यानु।