२ तीमोथी 3:15 - चेपाङ

¹⁵ नाङपाय बालाख कालहाङसयले पबित्र धर्‌मसास्‍त्रको बारेहाङ स्‍यानराय दोःति हुर्‌कओ मान्‍ता खेतेना। ख्रिस्‍त येसुहाङ बिस्‍वास जाह्‍ङ्‍तोकहाङ मुक्‍ति दोःना त दाह्‍यो कुराको बुद्‍दिखे ओउ धर्‌मसास्‍त्रसयले दोःना।

२ तीमोथी 3:15 Iomraidhean Croise

लुका 1:15

प्रभु परमेस्‍वरको नजरहाङ ओउ महान् स्‍याउलेना। ओउइ धाकसायको ङोतिः अथबा अरु ङोओ खालको थोकलम गलमा तुङुलु। ओउ आमाको कोखहाङ मुधार्‌नाले पबित्र ग्‍वालामइ ब्‍लिङलेना।

लुका 2:40

बालाख येसु ज्‍यानहाङमा ताह्‍ङ्‌ति बल्‍यो स्‍याउति वाङा। येसुकुस बुद्‍दिमा नाःतो खेतो, र परमेस्‍वरको आसिकमा ओउकुसि खेतो।

लुका 24:27

अनि धर्‌मसास्‍त्रहाङ लयको बारेहाङ तोओ कुरा येसुइ ओउ निसचाककाय मोसाको कितापलमसय सुरु जाह्‍ङ्‌ति अरु जुदा अगमबक्‍तालमको कितापलमसय ल्‍हाक्‍ति छ्‍यान्‍‍‍सास्‍यावा।

लुका 24:32

ओउ निसचाक लयनिस नोकायाकाच, “ओउ निचिकुस ल्‍यामहाङ नोधार्‌ना र धर्‌मसास्‍त्रको माने तोति बइधार्‌ना, दोह निचिको ल्‍हुङतुक आसओ नाःआक्‌ल र?”

लुका 24:45

अनि येसुइ ओउमयकाय धर्‌मसास्‍त्रहाङ लेखओ कुरालम चिःसाकाय सहयोग जाह्‍ङ्‍सास्‍यावा।

खबरदुत 10:43

सु-सुइ येसुकाय बिस्‍वास जाह्‍ङ्‍नानि, ओउमयको पापलमखे येसुको मय्‍ङको जिःङसय छेमा स्‍याउलेना त दाह्‍य्‌ति जुदा अगमबक्‍तालमइ तोओ मुलेना।”

खबरदुत 13:29

अनि ओउमयइ धर्‌मसास्‍त्रहाङ येसुको बारेहाङ तोओ जुदा कुरा जाह्‍ङ्‌ति भ्‍याआपछि, ओउमयइ येसुकाय क्रुससय क्‍लाःआक्‍तिको तेसहाङ गमाकानि।

खबरदुत 16:1

पावल सिलासकुस दर्‌बि सहर स्‍याउधय फेरि लुस्‍त्राताङ आला, र ओहाङ यातचाक तिमोथि त मय्‍ङ्‍ओ बिस्‍वासि खेतो। ओउको आमा यहुदि बिस्‍वासि खेतो, तर आपाखे ग्रिक खेतो।

खबरदुत 17:2

पावल सादाको लेखाले सभाकिमको सेवाहाङ आला। ओहाङ ओउइ सुम सातासम्‍म धर्‌मसास्‍त्रको कितापसय मान्‍तालमकुस बहस जाह्‍ङाकान।

खबरदुत 26:24

पावलइ लयको हक लेःति इ तरिकासय नोःओझ्‍यान्‍ते फेस्‍तसइ ओउकाय हिह्‌ति तोआथय, “पावल, द्‍याह नाङ ब्रतेआ। नाङको नाःतो ग्‍यानइ नाङकाय ब्रताक्‍तेआ।”

१ तीमोथी 4:13

ङा नाङकहाङ वाङ्‍माच्‍युकसम्‍म, नाङइ मन्‍दलिको मान्‍तालमकाय धर्‌मसास्‍त्र पह्रति साइताकु, अनि ओउमयकाय ख्रिस्‍तको पेओ खबरको बारेहाङ स्‍यानु र आग्‍या पालन जाह्‍ङ्‍ताकु।

२ तीमोथी 1:1

इ चिथिखे ख्रिस्‍त येसुको खबरदुत स्‍याउसाको लागि परमेस्‍वरइ लयको इच्‍छ्‍या दुवारा छ्‍युह्‍ङ्‍सास्‍यावो ङा पावलको तर्‌फसय खेना। परमेस्‍वरइ ख्रिस्‍त येसुहाङ बिस्‍वास दुवारा बाचा जाह्‍ङ्‍सास्‍यावो रुवाङको बारेहाङ अरु मान्‍तालमकाय ल्‍हाक्‍ति छ्‍यान्‍साको लागि ङाकाय ल्‍होक्‍सास्‍यावो खेना।

२ तीमोथी 1:5

ङाइ नाङकहाङ मुओ सत्‍य बिस्‍वासकाय सम्‍झनाङ, ओउ बिस्‍वासखे नाङको बजे लोइस र नाङको आमा युनिसकहाङमा खेतो। अनि ओउतताह्‍ङो बिस्‍वास अझले नाङकुस मुलेना त दाह्‍यो कुराहाङ ङा पक्‍का मुनाङ।