२ तीमोथी 3:11 - चेपाङ

¹¹ एन्‍तिओखिया, आइकोनियन, र लुस्‍त्रा सहरलमहाङ ङाइ गच्‍युक दुख दोःआलाङ त दाह्‍यो कुरामा नाङइ पेतोकुसिले चिःओ मुतेना। तर ओउतताह्‍ङो दुखको अबस्‍थालमसयमा प्रभुइले ङाकाय दल्‍ताक्‍सास्‍यावो खेना।

२ तीमोथी 3:11 Iomraidhean Croise

खबरदुत 13:14

ओउनिसमा पर्‌गा सहर फेति पिसिदिया छेत्रको एन्‍तिओखियाहाङ आलाकाच, अनि यहुदि धोओ दिनहाङ ओउनिस सेवाको लागि सभाकिमहाङ आलाकाच।

खबरदुत 13:45

र ओउ मान्‍तालमको हुलकाय च्‍यउति यहुदिलमखे चोःर्‌सा फाःङाकानि, र ओउमयइ पावलइ तोओ कुराहाङ बाद-बिबाद जाह्‍ङ्‌ति ओउको अपमान जाह्‍ङाकानि।

खबरदुत 14:8

लुस्‍त्रा सहरहाङ यातचाक खोन्‍द्‍या मान्‍ता खेतो, र ओउखे आमाइ नाःओहाङसयले खोन्‍द्‍या स्‍यावोझ्‍यान्‍ते वाह्‍साले खायाकुलु।

खबरदुत 20:19

केहि यहुदिलमइ ङाको बिरोतहाङ जालसाजि जाह्‍ङोझ्‍यान्‍ते ङाइ आन दुख च्‍यवालाङ। ओउतोक बेलाहाङमा गतहाइति ङाइ सधय नम्र स्‍याउति प्रभुको सेवा जाह्‍ङालाङ, र र्‌याति हुतालाङ त दाह्‍यो कुरामा निङइ चिःओले मुतेनय।

खबरदुत 23:10

ओउमयको बिबाद झन्-झन् नाःतो स्‍याउधय आलोझ्‍यान्‍ते ओउमयइ पावलकाय प्रुह्‍न्‌ति सात्‍चाथय त म्‍हर्‌ति सेनाको हाकिमि रया। ओउतझ्‍यान्‍ते ओउमयकहाङ आल्‍ति पावलकाय लात्‍ति वानाक्‍तिको ओउकाय ब्‍यारेकभित्र लात्‍ति आःल्‌नु त दाह्‍य्‌ति सेनाको हाकिमिइ लयको सेनालमकाय आग्‍या जाह्‍ङाकान।

खबरदुत 26:17

ङाइ नाङकाय नाङको यहुदिलम र अरु जातिको मान्‍तालमकसय दल्‍ताक्‍नेनाङ। ङाइ नाङकाय ओउमयकहाङले ल्‍होक्‍नेनाङ,

खबरदुत 26:22

तर तेनको दिनसम्‍म परमेस्‍वरइ ङाकाय सहयोग जाह्‍ङ्‍सास्‍यावो मुना, ओउतझ्‍यान्‍ते ङाइ मयो अथबा ताह्‍ङो महत्‍वको मान्‍तालमकायमा लयको गभाइ बइसा खाइनाङ। ङाइ ओउमयकाय अगमबक्‍तालम र मोसाइ स्‍याउलाङ वाङ्‍साखेओको बारेहाङ तोओ कुरालम मात्र तोओ खेनाङ।

खबरदुत 9:16

र ङाको मय्‍ङको कारनइ ओउइ गुच्‍युक दुख दोःसा परना त दाह्‍यो कुरा ङाइ ओउकाय छ्‍यान्‍लेनाङ।”

२ तीमोथी 4:7

ङाइ पेतोकुसिले युद्‍ध जाह्‍ङालाङ। ङाइ तनो काम द्‍योकालाङ, र ङाइ बिस्‍वासकाय दल्‍ताक्‍ति गमो मुनाङ।